Azərbaycan Respublikası adından QƏTNAMƏ Astara rayonu İş № 2(018)-339/2023 10.03.2023 ASTARA RAYON MƏHKƏMƏSİ Astara Rayon Məhkəməsinin hakimi İbrahimov Zamin Vəliyəddin oğlunun sədrliyi, hakim köməkçisi X1 oğlunun katibliyi ilə, İddiaçı Açıq Səhmdar Cəmiyyətinin cavabdeh Hacıyeva Aylar Tural qızına qarşı «kredit borcunun qaytarılması» tələbi barədə kiçik iddiaya dair mülki işə sadələşdirilmiş icraat qaydasında Astara Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı Açıq Səhmdar Cəmiyyətinin cavabdeh Hacıyeva Aylar Tural qızına qarşı «kredit borcunun qaytarılması» tələbi barədə iddia verərək, cavabdeh Hacıyeva Aylar Tural qızından 09 fevral 2022-ci il tarixli, BRED4786301A120 saylı kredit müqaviləsi üzrə 1900 manat əsas borc, 545,79 manat faiz borcu, cəmi 2445,79 manat və 44,46 manat dövlət rüsumunun alınıb İddiaçı Açıq Səhmdar Cəmiyyətinə ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, İddiaçı Açıq Səhmdar Cəmiyyəti cavabdeh Hacıyeva Aylar Tural qızı ilə 09 fevral 2022-ci il tarixli, BRED4786301A120 saylı kredit müqaviləsinə əsasən İddiaçı Açıq Səhmdar Cəmiyyəti tərəfindən 60 ay müddətinə 25 faizlə 1900 manat məbləğində kredit xətti ayrılmılşdır. Lakin, cavabdeh Hacıyeva Aylar Tural qızı kredit borclarını banka ödəməkdən yayınmış, beləliklə də 09 fevral 2022-ci il tarixli, BRED4786301A120 saylı kredit müqaviləsi üzrə 1900 manat əsas borc, 545,79 manat faiz borcu, cəmi 2445,79 manat və 44,46 manat ödənilmiş dövlət rüsumunun alınıb onlara verilməsi barədə qətnamə çıxarılmasını məhkəmədən xahiş etmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi təmin olunmalıdır.
1. İddiaçı Açıq Səhmdar Cəmiyyəti ilə Hacıyeva Aylar Tural qızı arasında bağlanmış 09 fevral 2022-ci il tarixli, BRED4786301A120 saylı kredit müqaviləsindən görünür ki, təşkilat Hacıyeva Aylar Tural qızına 60 ay müddətinə, 25 faizlə 1900 manat kredit vermişdir.
2. İddiaçı Açıq Səhmdar Cəmiyyəti tərəfindən verilmiş arayışdan görünür ki, Hacıyeva Aylar Tural qızının banka 09 fevral 2022-ci il tarixli, BRED4786301A120 saylı kredit müqaviləsi üzrə 1900 manat əsas borc, 545,79 manat faiz borcu, cəmi 2445,79 manat borcu vardır.
3. Ödəniş tapşırığından görünür ki, İddiaçı X2 Səhmdar Cəmiyyəti məhkəməyə müraciət etməsi üçün dövlət büdcəsinə 44,46 (qırx dörd manat, qırx altı qəpik) manat dövlət rüsumu ödəmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, tərəflər arasında bağlanmış kredit razılaşmasına əsasən iddiaçı banka olan borc cavabdehlərdən alınaraq iddiaçı banka ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin, qismən təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 44,46 (qırx dörd manat, qırx altı qəpik) manat dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə
QƏT ETDİ:
İddia təmin edilsin. Cavabdeh Hacıyeva Aylar Tural qızından 09 fevral 2022-ci il tarixli, BRED4786301A120 saylı kredit müqaviləsi üzrə 1900 (min doqquz yüz) manat əsas borc, 545,79 (beş yüz qırx beş manat, yetmiş doqquz qəpik) manat faiz borcu, cəmi 2445,79 (iki min dörd yüz qırx beş manat, yetmiş doqquz qəpik) manat və 44,46 (qırx dörd manat, qırx altı qəpik) manat ödənilmiş dövlət rüsumu tutularaq İddiaçı Açıq Səhmdar Cəmiyyətinə ödənilsin. Qətnamədən 01 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinin Mülki Kollegiyasına apelyasiya şikayəti verilə bilər. Qətnamə qəbul edildiyi gündən 01 (bir) ay keçdikdən sonra qanuni qüvvəyə minir.
Hakim: Zamin İbrahimov