Astara Rayon Məhkəməsi Qətnamə — İş №2(018)-405/2023

Azərbaycan Respublikası adından QƏTNAMƏ Astara rayonu İş № 2(018)-405/2023 29.03.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Paşabəyli Yusifkamal Elçin oğlunun katibliyi ilə, iddiaçı "xxxx" Kommersiya Bankı ASC-nin Cavabdeh qarşı «borc tələbinə» kiçik iddiaya dair mülki işə sadələşdirilmiş icraat qaydasında Astara Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı "xxxx" Kommersiya Bankı ASC-nin PİKÜMİD-nin Regional Məhkəmə Hüquq şöbəsinin baş hüquqşunası Elxan Cilovxanov Cavabdeh qarşı «borc tələbi barədə» iddia verərək, Cavabdeh iddiaçı "xxxx" KB ASC-nin xeyrinə 994 (doqquz yüz doxsan dörd) manat, 89 (səksən doqquz) qəpik əsas, 189 (bir yüz səksən doqquz) manat, 25 (iyirmi beş) qəpik faiz üzrə, 04 (dörd) manat, 09 (doqquz) qəpik cərimə, 0.00 (sıfır) manat komisyon haqqı, cəmi 1188 (bir min yüz səksən səkkiz) manat, 23 (iyirmi üç) qəpik borcun və dövlət rüsumu olaraq ödənilmiş 32 (otuz iki) manat, 29 (iyirmi doqquz) qəpik məbləğində vəsaitin tutulması barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, iddiaçı "xxxx" KB ASC ilə cavabdeh arasında bağlanmış 13587sSUM/21 saylı kredit müqaviləsinin 1.1 bəndinə əsasən cavabdahə 60 ay müddətinə, 10.000 (on min) manat məbləğədək kredit limiti ayırır, ona bank hesabı (cari,kredit) açır və ödəniş kartı təqdim edir. Cavabdeh isə həmin kreditdən məqsədli təyinata uyğun istifadə etməyi və müəyyən olunmuş müddətdə onu faizi ilə birlikdə iddiçiya qaytarmağı öhdəsinə götürmüşdür. Ödəniş kartında olan kredit xəttində istifadəyə görə minimum 1% maksimum 6% və növbəti ödəniş zamanı cavabdeh tərəfindən əlavə olaraq ödənilməlidir. Lakin, cavabdeh müqavilə şərtlərini pozaraq dövri olaraq ödəməli olduğu kreditinin ödənilməsinə dair öhdəliyi vaxtında və lazımi qaydada icra etməmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. Mülki işin materiallarına əlavə edilmiş ödəniş tapşırığından görünür ki, iddiaçı "xxxx" ASC-nin adından məhkəməyə müraciət edilməsi üçün dövlət büdcəsinə 32 (otuz iki) manat, 29 (iyirmi doqquz) qəpik dövlət rüsumu ödənilmişdir. İş materiallarına əlavə olunmuş 01 noyabr 2021-ci il tarixli, 13587sSUM/21 saylı kredit müqaviləsindən görünür ki, kredit xəttindən istifadəyə minimum 1% maksimum 6% (minimum 1 (bir) manat olmaqla) komissiya haqqı hesablanır və növbəti ödəniş zamanı borcalan tərəfindən əlavə olaraq ödənilir.İstifadəsi bu oferta ilə tənzimlənir. Cavabdeh bu müqavilə üzrə ona təqdim edilmiş plastik kartdan debet kart kimi istifadə edə bilər.Plastik kartın cari hesabındakı gündəlik qalığa minimum 0, maksimum 6 faiz dərəcəsi ilə faiz hesablanır və hər təqvim ayının sonuncu iş günü cavabdehin istifadəsindəki kartın cari hesabına köçürülür. İş materiallarına əlavə olunmuş 01 fevral 2023-cü il tarixli arayışından görünür ki, Cavabdeh 13587sSUM/21 saylı kredit müqaviləsi üzrə 994 (doqquz yüz doxsan dörd) manat, 89 (səksən doqquz) qəpik əsas, 189 (bir yüz səksən doqquz) manat, 25 (iyirmi beş) qəpik faiz üzrə, 04 (dörd) manat, 09 (doqquz) qəpik cərimə, 0.00 (sıfır) manat komisyon haqqı, cəmi 1188 (bir min yüz səksən səkkiz) manat, 23 (iyirmi üç) qəpik borcu vardır. İş materiallarına əlavə olunmuş bildirişdən görünür ki, "xxxx" KB ASC ilə cavabdeh arasında bağlanmış 01 noyabr 2022-ci il tarixli, 13587sSUM/21 saylı kredit müqaviləsinə əsasən cavabdehin üzərinə götürdüyü öhdəlikəri yerinə yetirmədiyi üçün sonuncunun Banka borcu yarandığı barədə bildirilmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İddia tələbini qismən təmin edən məhkəmə iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlir ki, 01 noyabr 2021-ci il tarixli, 13587sSUM/21 saylı müqaviləsi üzrə iddiaçının iddia etdiyi 04 (dörd) manat, 09 (doqquz) qəpik məbləğində dəbbə pulu silinərək 0 manat həddində müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən və ya rədd haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 32 (otuz iki) manat, 29 (iyirmi doqquz) qəpik dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia qismən təmin edilsin. Cavabdeh 01 noyabr 2021-ci il tarixli, 13587sSUM/21 saylı kredit müqaviləsi üzrə 994 (doqquz yüz doxsan dörd) manat, 89 (səksən doqquz) qəpik əsas, 189 (bir yüz səksən doqquz) manat, 25 (iyirmi beş) qəpik faiz üzrə, 0.00 (sıfır) manat cərimə olmaqla, cəmi 1184 (bir min yüz səksən dörd) manat, 14 (on dörd) qəpik borcun və dövlət rüsumu olaraq ödənilmiş 32 (otuz iki) manat, 29 (iyirmi doqquz) qəpik dövlət rüsumu alınıb iddiaçı "xxxx" KB ASC-nin xeyrinə ödənilsin. İddia cərimə ilə bağlı 04 (dörd) manat, 09 (doqquz) qəpik hissədə təmin edilməsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Məhkəmə qətnaməsindən apelyasiya şikayəti verilməmişdirsə, qəbul edildiyi gündən 1 ay keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Hakim: Mübariz Məmmədov