Astara Rayon Məhkəməsi Qətnamə — İş №2(018)-425/2023

Azərbaycan Respublikası adından QƏTNAMƏ Astara rayonu İş № 2(018)-425/2023 17.04.2023 ASTARA RAYON MƏHKƏMƏSİ Astara Rayon Məhkəməsinin hakimi X4, iddiaçı "xxxx" KB ASC -nin cavabdehlər Cavabdeh1, Cavabdeh2 qızına qarşı “kredit borcunun ödənilməsi” tələbinə dair kiçik iddia dair mülki işə sadələşdirilmiş icraat qaydasında baxaraq, Müəyyən etdi: İddiaçı "xxxx" KB ASC cavabdehlər Cavabdeh1 və Cavabdeh2 qızına qarşı “kredit borcunun ödənilməsi tələbi barədə” kiçik iddialara dair ərizə ilə məhkəməyə müraciət edərək, cavabdehlər Cavabdeh1, Cavabdeh2 qızından müştərək qaydada 2000 (iki min) manat əsas borc, 82 (səksən iki) manat, 64(altmış dörd) qəpik faiz borcu, 1 (bir) manat, 23(iyirmi üç) qəpik cərimə, cəmi 2083 (iki min səksən üç) manat, 87 (səksən yeddi) qəpik məbləğində borc pul və dövlət rüsumu 41 (qırx bir) manat, 24 (iyirmi dörd) qəpik məbləğində pul "xxxx" KB ASC xeyrinə tutulması barədə qətnamə çıxarılmasını xahiş etmişdir. İddiaçı "xxxx" KB ASC ərizəsini onunla əsaslandırmışdır ki, cavabdeh X3 ilə arasında bağlanmış 5625sLKN/20 saylı, 29 mart 2001-ci il kredit müqaviləsinə əsasən cavabdehə istehlak məqsədləri üçün illik 29 faiz olmaqla, 60 ay müddətinə 2000 (iki) manat məbləğində kredit limiti ayrılmışdır. Borcalan kreditdən məqsədli təyinatına uyğun istifadə etməyi və kredit məbləğini müəyyən olunmuş müddətə faizi birlikdə tələbkara qaytarmağı öhdəsinə götürmüşdür. Lakin borcalan 22 may 2021-ci il tarixdə vəfat etmişdir. Mərhumun vərəsələri olan Cavabdeh1 və Cavabdeh2 qızı mərhumun hüquqi varisi sayıldığından kredit borcu olan 2000 (iki min) manat əsas borc, 82 (səksən iki) manat, 64(altmış dörd) qəpik faiz borcu, 1 (bir) manat, 23(iyirmi üç) qəpik cərimə, cəmi 2083 (iki min səksən üç) manat, 87 (səksən yeddi) qəpik məbləğində borc pul və dövlət rüsumu 41 (qırx bir) manat, 24 (iyirmi dörd) qəpik məbləğində pul Cavabdeh1 və Cavabdeh2 qızından alınıb "xxxx" KB ASC xeyrinə tutulması barədə qətnamə çıxarılmasını xahiş etmişdir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. İş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edirəm ki, iddia tələbi təmin edilməlidir. Belə ki, iş materiallarında olan: "xxxx" KB ASC ilə borclu X3 arasında olan 5625sLKN/20 saylı, 29 mart 2001-ci il kredit müqaviləsindən görünür ki, X2 illik 29 faiz olmaqla, 60 ay müddətinə 2000 manat kredit limiti ayrılmışdır. “Elektron notariat” X1 çıxarışın surətindən görünür ki, Cavabdeh1 və Cavabdeh2 qızı mərhum X5 oğlunun hüquqi varisidirlər. Belə ki, Azərbaycan Respublikası Mülki Məcəlləsinin: 21.1. Zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətlərdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1. Öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. 389.1. Mülki hüquq və vəzifələrin müəyyənləşdirilməsi, dəyişdirilməsi və ya xitamı haqqında iki və ya bir neçə şəxsin razılaşması müqavilə sayılır. 390.1. Fiziki və hüquqi şəxslər azad surətdə müqavilələr bağlaya və bu müqavilələrin məzmununu müəyyənləşdirə bilərlər. Onlar bu Məcəllədə nəzərdə tutulmayan, lakin ona zidd olmayan müqavilələr də bağlaya bilərlər. 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; 443.1. Öhdəliyini icra etməyən borclu kreditora dəymiş zərərin əvəzini ödəməyə borcludur. Borclunun üzərinə öhdəliyi pozmağa görə məsuliyyət qoyulmadıqda bu qayda qüvvədə olmur. Azərbaycan Respubikası Mülki Prosessual Məcəlləsinin 119-cu maddəsinə əsasən məhkəmə xərcləri ödənilmiş tələblərin məbləğində münasib olaraq işdə iştirak edən şəxslərə aid edilir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia təmin edilərək yaranmış borc məbləği cavabdehdən iddiaçının xeyrinə tutulmalıdır. Həmçinin, hesab edirəm ki, Azərbaycan Respublikası Mülki Prosessual Məcəlləsinin 119-cu maddəsinə əsasən məhkəmə xərcləri ödənilmiş tələblərin məbləğində münasib olaraq işdə iştirak edən şəxslərə aid edildiyindən, iddiaçı tərəfindən dövlət büdcəsinə köçürülmüş 41,24 manat dövlət rüsumu cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284, 284-5, 216-220-ci maddələrini rəhbər tutaraq, Qət etdi: İddia təmin edilsin. Cavabdehlər Cavabdeh1 və Cavabdeh2 qızından, müştərək qaydada, 2000 (iki min) manat əsas borc, 82 (səksən iki) manat 64(altmış dörd) qəpik faiz borcu, 01 (bir) manat 23(iyirmi üç) qəpik cərimə, cəmi 2083 (iki min səksən üç) manat 87 (səksən yeddi) qəpik məbləğind borc və dövlət rüsumu üçün ödənilmiş 41 (qırx bir) manat 24 (iyirmi dörd) qəpik məbləğində pul vəsaiti "xxxx" KB ASC-nin xeyrinə tutulsun. Qətnamədən, rəsmi qaydada verildiyi göndən bir ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: İlqar Məmmədov