Astara Rayon Məhkəməsi Qətnamə — İş №2(018)-538/2023

Azərbaycan Respublikası adından QƏTNAMƏ Astara rayonu İş № 2(018)-538/2023 01.05.2023 ASTARA RAYON MƏHKƏMƏSİ Astara Rayon Məhkəməsinin hakimi Məmmədov Mübariz İsfəndiyar oğlunun sədrliyi, məhkəmə iclasının katibi Paşabəyli Yusifkamal Elçin oğlunun katibliyi ilə, iddiaçı "xxxx" Kommersiya Bankı ASC-nin Cavabdeh qarşı «borc tələbinə» kiçik iddiaya dair mülki işə sadələşdirilmiş icraat qaydasında Astara Rayon Məhkəməsinin binasında baxaraq, məhkəmə MÜƏYYƏN ETDİ: İddiaçı "xxxx" Kommersiya Bankı ASC-nin PİKÜMİD-nin Regional Məhkəmə Hüquq şöbəsinin baş hüquqşunası Rəfael Cabbarov Cavabdeh qarşı «borc tələbi barədə» iddia verərək, Cavabdeh iddiaçı "xxxx" KB ASC-nin xeyrinə 998 (doqquz yüz doxsan səkkiz) manat 38 (otuz səkkiz) qəpik əsas, 240 (iki yüz qırx) manat 71 (yetmiş bir) qəpik faiz üzrə, 9 (doqquz) manat, 50 (əlli) qəpik cərimə, 5 (beş) manat komisyon haqqı, cəmi 1253 (bir min iki yüz əlli üç) manat 59 (əlli doqquz) qəpik borcun və dövlət rüsumu olaraq ödənilmiş 32 (otuz iki) manat 95 ( doxsan beş) qəpik məbləğində vəsaitin tutulması barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, iddiaçı "xxxx" KB ASC ilə cavabdeh arasında bağlanmış 05 mart 2022-ci il tarixli, 186sSHEK/22 saylı kredit müqaviləsinin 1.1 bəndinə əsasən “Bank” müştəriyə SMS bildirişdə qeyd edilən məbləğdə, müddətdə, illik faiz dərəcəsində kredit limiti ayırmış, “Bank” “Borcalana” bank hesabı (cari, kredit) açmış və ödəniş kartı təqdim etmişdir. “Borcalan” isə həmin kreditdən məqsədli təyinatına uyğun istifadə etməyi və müəyyən olunmuş müddətdə onu faizi ilə birlikdə “Bank”a qaytarmağı öhdəsinə götürmüşdür. Kredit xəttindən istifadəyə görə minimum 1%, maksimum 6% (min. 1 manat) komissiya haqqı hesablanır və növbəti ödəniş zamanı “Borcalan” tərəfindən əlavə olaraq ödənilir. Müqavilə üzrə kreditin faktiki illik faiz dərəcəsi minimum 25%, məksimum 40% təşkil edir. Tərəflər arasında bağlanmış müqavilədən və təqdim olunmuş hesabdan çıxarışdan məlum olur ki, borcluya 1000 (bir min) manat kredit ayrılaraq karta köçürülmüş, o da kart vasitəsi ilə nağdlaşma etmiş və sonra isə ödəniş etməmiş və nəticədə onun banka borcu yaranmışdır. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi qismən təmin olunmalıdır. Mülki işin materiallarına əlavə edilmiş ödəniş tapşırığından görünür ki, iddiaçı "xxxx" ASC-nin adından məhkəməyə müraciət edilməsi üçün dövlət büdcəsinə 32 (otuz iki) manat, 95 (doxsan beş) qəpik dövlət rüsumu ödənilmişdir. İş materiallarına əlavə olunmuş iddiaçı "xxxx" ASC ilə Cavabdeh arasında bağlanılmış 05 mart 2022-ci il tarixli, 186sSHEK/22 saylı kredit müqaviləsindən görünür ki, cavabdehə 60 ay müddətinə, illik faiz dərəcəsi 40% faizədək olmaq şərtilə 1000 (bir min) manat məbləğdə, kredit müraciəti üçün 5 (beş) manat komisyon haqqı tutmaqla verə bilər. İş materiallarına əlavə olunmuş 04 mart 2023-cü il tarixli arayışından görünür ki, Cavabdeh 186sSHEK/22 saylı kredit müqaviləsi üzrə 998 (doqquz yüz doxsan səkkiz) manat 38 (otuz səkkiz) qəpik əsas, 240 (iki yüz qırx) manat 71 (yetmiş bir) qəpik faiz üzrə, 9 (doqquz) manat, 50 (əlli) qəpik cərimə, 5 (beş) manat komisyon haqqı, cəmi 1253 (bir min iki yüz əlli üç) manat 59 (əlli doqquz) qəpik borcu vardır. İş materiallarına əlavə olunmuş bildirişdən görünür ki, "xxxx" KB ASC ilə cavabdeh arasında bağlanmış 05 mart 2022-ci il tarixli, 186sSHEK/22 saylı kredit müqaviləsinə əsasən cavabdehin üzərinə götürdüyü öhdəlikəri yerinə yetirmədiyi üçün sonuncunun Banka borcu yarandığı barədə bildirilmişdir. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Azərbaycan Respublikası Mülki Məcəlləsinin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İddia tələbini qismən təmin edən məhkəmə iş üzrə toplanmış sübutların məcmusuna qiymət verərək, habelə qanunvericilik aktlarının müddəalarına istinad edərək belə qənaətə gəlir ki, 05 mart 2022-ci il tarixli, 186sSHEK/22 saylı müqaviləsi üzrə iddiaçının iddia etdiyi 09 (doqquz) manat, 50 (əlli) qəpik məbləğində dəbbə pulu silinərək 0 manat həddində müəyyən edilməlidir. Belə ki, Azərbaycan Respublikası Mülki Məcəlləsinin 467-ci maddəsinə əsasən məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın tam və ya qismən və ya rədd haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 32 (otuz iki) manat, 95 (doxsan beş) qəpik dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia qismən təmin edilsin. Cavabdehnın 05 mart 2022-ci il tarixli, 186sSHEk/22 saylı kredit müqaviləsi üzrə, 998 (doqquz yüz doxsan səkkiz) manat 38 (otuz səkkiz) qəpik əsas, 240 (iki yüz qırx) manat 71 (yetmiş bir) qəpik faiz, 5 (beş) manat komisyon haqqı, cəmi 1244 (bir min iki yüz qırx dörd) manat 09 (doqquz) qəpik borc və dövlət rüsumu olaraq ödənilmiş 32 (otuz iki) manat 95 ( doxsan beş) qəpik dövlət rüsumu alınıb iddiaçı "xxxx" KB ASC-nin xeyrinə ödənilsin. İddia qalan hissədə təmin edilməsin. Qətnamə rəsmi qaydada verildikdən sonra 1 (bir) ay müddətində Astara Rayon Məhkəməsi vasitəsilə Şirvan Apelyasiya Məhkəməsinə apelyasiya şikayəti verilə bilər. Məhkəmə qətnaməsindən apelyasiya şikayəti verilməmişdirsə, qəbul edildiyi gündən 1 ay keçdikdən sonra qanuni qüvvəyə minir. Qətnamə qanuni qüvvəyə mindikdən sonra icra edilir. Hakim: Mübariz Məmmədov