Balakən Rayon Məhkəməsi Qərardad — İş №2(019)-345/2021

Azərbaycan Respublikası adından QƏRARDAD Balakən Rayonu İş № 2(019)-345/2021 15.02.2021 BALAKƏN RAYON MƏHKƏMƏSİ Balakən Rayon Məhkəməsinin hakimi Tahirov Zamin Cəbrayıl oğlu, iddiaçı “İddiaçı“ ASCnin cavabdehlər Cavabdeh1 və Cavabdeh2 qarşı müqavilənin ləğv edilməsi və kredit borcu tələbinə dair kiçik iddia ərizəsinə və ona əlavə olunmuş sənədlərə baxaraq, müəyyən etdim : İddiaçı “İddiaçı “ ASC cavabdehlər Cavabdeh1 və Cavabdeh2 qarşı iddia ərizəsi ilə məhkəməyə müraciət edərək, Cavabdeh1 ilə “İddiaçı“ ASC-nin arasında bağlanmış xx xxx 2019cu il tarixli, 036CASA191510001 saylı güzətli kredit müqaviləsini ləğv edilməsi, Cavabdeh1 və Cavabdeh2 müştərək qaydada 1408.45AZN əsas kredit borcu , 6.86AZN kreditdən istifadəyə görə faiz borcu olmaqla cəmi 1415,31AZN məbləğində pul vəsaitinin, həmçinin iddia qaldırılması üçün 30 manat dövlət rüsumunun tutulması barədə qətnamə çıxarmağınızı xahiş etmişdir. Ərizəyə və ona əlavə olunmuş sənədlərə baxaraq, hesab edirəm ki, aşağıda göstərilən əsaslara görə bu ərizənin qəbul olunmasından imtina edilməlidir. Belə ki, Azərbaycan Respublikası Mülki-Prosessual Məcəlləsinin (bundan sonra Azərbaycan Respublikası MPM) 284-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qadada baxılmasına yol verilir. Azərbaycan Respublikası MPM-nin 284-2-ci maddəsinə əsasən kiçik iddialara dair işlərdə ərizə bu Məcəllənin 4-cü fəslində müəyyən edilmiş ümumi aidiyyət qaydalarına əsasən verilir. Azərbaycan Respublikası MPM-nin 284-4.1.3-cü maddəsinə əsasən verilmiş tələbi təsdiq edən sənədlər təqdim olunmamışdırsa, məhkəmə kiçik iddialar dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Azərbaycan Respublikası MPM-nin 284-4.2-ci maddəsinə əsasən bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Azərbaycan Respublikası MPM-nin 284-4.3-cü maddəsinə əsasən ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. İş materiallarından görünür ki, Cavabdeh1 ilə “İddiaçı“ ASC-nin arasında bağlanmış xx xxx 2019-cu il tarixli, 036CASA191510001 saylı güzətli kredit müqaviləsinin ləğv edilməsi üçün faktoloji əsasları təsdiq edən sənədlər və Cavabdeh1 və Cavabdeh2 müştərək qaydada 1408.45 AZN əsas kredit borcu və 6.86 AZN kreditdən istifadəyə görə faiz borcu olmaqla cəmi 1415,31 AZN məbləğində pul vəsaitinin tutulması tələbini təsdiq edən sənədlər ərizəyə əlavə edilməmişdir. Tərəflər dinlənilmədən və müvafiq yetərli sübutlar təqdim olunmadan ərizəyə əlavə edilmiş sənədlərlə Cavabdeh1 ilə “İddiaçı“ ASC-nin arasında bağlanmış xx xxx 2019-cu il tarixli, 036CASA191510001 saylı güzətli kredit müqaviləsini ləğv edilməsi və Cavabdeh1 və Cavabdeh2 müştərək qaydada “İddiaçı“ ASC-yə 1408.45 AZN əsas kredit borcu və 6.86 AZN kreditdən istifadəyə görə faiz borcu olmaqla cəmi 1415,31 AZN məbləğində borcu olması barədə dəqiq nəticəyə gəlmək mümkün deyildir. Qeyd olunanlara əsasən hesab edirəm ki, “İddiaçı “ ASC-nin Cavabdeh1 və Cavabdeh2 qarşı müqavilənin ləğv edilməsi və kredit borcu tələbinə dair kiçik iddia ərizəsinin qəbul olunmasından imtina edilməli və “İddiaçı “ ASC-yə ərizənin qəbul edilməsindən imtina olunmasının həmin tələb üzrə iddia icraatı qaydasında iddia verməsinə mane olmaması və bu halda iddiaçı tərəfindən ödənilmiş dövlət rüsumunun ödənilməli olan dövlət rüsumuna hesablanması izah edilməlidir. Yuxarıda göstərilənlərə əsasən və Azərbaycan Respublikası MPM-nin 263-264, 266, 284-1, 284-2, 284-3 və 284-4-cü maddələrini rəhbər tutub, qərara aldım: “İddiaçı“ ASC-nin Cavabdeh1 və Cavabdeh2 qarşı müqavilənin ləğv edilməsi və kredit borcu tələbinə dair kiçik iddia ərizəsinin qəbul olunmasından imtina edilsin; “İddiaçı “ ASC-yə ərizənin qəbul edilməsindən imtina olunmasının həmin tələb üzrə iddia icraatı qaydasında iddia verməsinə mane olmaması və bu halda iddiaçı tərəfindən ödənilmiş dövlət rüsumunun ödənilməli olan dövlət rüsumuna hesablanması izah edilsin. Bu qərardaddan şikayət verilə bilməz. Hakim: Zamin Tahirov