Balakən Rayon Məhkəməsi Qərardad — İş №2(019)-679/2020

Azərbaycan Respublikası adından QƏRARDAD Balakən Rayonu İş № 2(019)-679/2020 14.08.2020 BALAKƏN RAYON MƏHKƏMƏSİ Balakən Rayon Məhkəməsinin hakimi Tahirov Zamin Cəbrayıl oğlu, iddiaçı «xxxxxxxxxxxxxxxxxx» X1 (bundan sonra «xxxxxxxxxxxxxxxxxx» MMC) cavabdehlər Cavabdeh1 və Cavabdeh2 qarşı kredit müqaviləsi üzrə borcun hesablanmış faiz və cərimənin ödənilməsi barədə kiçik iddia ərizəsini və ona əlavə olunmuş sənədləri araşdıraraq, müəyyən etdim: «xxxxxxxxxxxxxxxxxx» MMC Cavabdeh1 və Cavabdeh2 qarşı kiçik iddia ərizəsi ilə Balakən Rayon Məhkəməsinə müraciət edərək cavabdehlər Cavabdeh1 və Cavabdeh2952 manat əsas borcun, 163 manat faiz borcunun, 10 manat cərimə borcunun, cəmi 1125 manat məbləğində kredit borcunun və ödənilmiş 20 (iyirmi) manat dövlət rüsumunun tutularaq BOKT«xxxxxxxxxxxxxxxxxx» MMC-nin xeyrinə ödənilməsi barədə kiçik iddialara dair işlər üzrə sadələşdirilmiş icraat qaydasında qətnamə çıxarılmasını xahiş etmişdir. Ərizəyə və ona əlavə olunmuş sənədlərə baxaraq, hesab edirəm ki, aşağıda göstərilən əsaslara görə bu ərizənin qəbul olunmasından imtina edilməlidir. Belə ki, Azərbaycan Respublikası Mülki-Prosessual Məcəlləsinin (bundan sonra Azərbaycan Respublikası MPM) 284-1-ci maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qadada baxılmasına yol verilir. Azərbaycan Respublikası MPM-nin 284-2-ci maddəsinə əsasən kiçik iddialara dair işlərdə ərizə bu Məcəllənin 4-cü fəslində müəyyən edilmiş ümumi aidiyyət qaydalarına əsasən verilir. Azərbaycan Respublikası MPM-nin 284-4.1.3-cü maddəsinə əsasən verilmiş tələbi təsdiq edən sənədlər təqdim olunmamışdırsa, məhkəmə kiçik iddialar dair işlərə sadələşdirilmiş qaydada baxılması ilə əlaqədar ərizənin qəbul olunmasından imtina edir. Azərbaycan Respublikası MPM-nin 284-4.2-ci maddəsinə əsasən bu Məcəllənin 284-4.1-ci maddəsində nəzərdə tutulmuş hallarda məhkəmə ərizənin daxil olduğu gündən 5 (beş) iş günü müddətində onun qəbul edilməsindən imtina haqqında əsaslandırılmış qərardad çıxarır. Məhkəmə bu müddət ərzində ərizəni qəbul etməkdən imtina etməyibsə, o, qəbul edilmiş sayılır. Ərizəni qəbul etməkdən imtina barədə qərardaddan şikayət verilə bilməz. Azərbaycan Respublikası MPM-nin 284-4.3-cü maddəsinə əsasən ərizənin qəbul edilməsindən imtina olunması iddiaçının həmin tələb üzrə iddia icraatı qaydasında iddia verməsinə mane olmur. Bu halda iddiaçı tərəfindən ödənilmiş dövlət rüsumu ödənilməli olan dövlət rüsumuna hesablanır. İş materiallarından görünür ki, Cavabdeh1 və Cavabdeh2 952 manat əsas borcu, 163 manat faiz borcu, 10 manat cərimə borcu, cəmi 1125 manat məbləğində kredit borcu tələbini təsdiq edən sənədlər, həmçinin cavabdehlərin qeydiyyatda olduğu yer haqqında müvafiq sənədlər ərizəyə əlavə edilməmişdir. Ərizəyə əlavə edilmiş sənədlər əsasında Cavabdeh1 və Cavabdeh2«xxxxxxxxxxxxxxxxxx» MMC-yə 952 manat əsas borcu, 163 manat faiz borcu, 10 manat cərimə borcu, cəmi 1125 manat məbləğində kredit borcuolması barədə dəqiq nəticəyə gəlmək mümkün deyildir. Həmçinin iş üzrə cavabdehlərin hazırki kredit müqaviləsi üzrə iddia müddətinin tətbiqi barədə ərizə vermək hüquqları vardır. Həmin hüquqların pozulması yolverilməzdir. Qeyd olunanlara əsasən hesab edirəm ki, «xxxxxxxxxxxxxxxxxx» X1 (bundan sonra «xxxxxxxxxxxxxxxxxx» MMC) cavabdehlər Cavabdeh1 və Cavabdeh2 qızına qarşı borcun tutulması tələbinə dair kiçik iddia ərizəsinin qəbul olunmasından imtina edilməli və «xxxxxxxxxxxxxxxxxx» MMC-yə ərizənin qəbul edilməsindən imtina olunmasının həmin tələb üzrə iddia icraatı qaydasında iddia verməsinə mane olmaması və bu halda iddiaçı tərəfindən ödənilmiş dövlət rüsumunun ödənilməli olan dövlət rüsumuna hesablanması izah edilməlidir. Yuxarıda göstərilənlərə əsasən və Azərbaycan Respublikası MPM-nin 263-264, 266, 284-1, 284-2, 284-3 və 284-4-cü maddələrini rəhbər tutub, qərara aldım: «xxxxxxxxxxxxxxxxxx» X1 (bundan sonra «xxxxxxxxxxxxxxxxxx» MMC) cavabdehlər Cavabdeh1 və Cavabdeh2 qızına qarşı borcun tutulması barədə kiçik iddia ərizəsinin qəbul olunmasından imtina edilsin; iddiaçı «xxxxxxxxxxxxxxxxxx» MMC-yə ərizənin qəbul edilməsindən imtina olunmasının həmin tələb üzrə iddia icraatı qaydasında iddia verməsinə mane olmaması və bu halda iddiaçı tərəfindən ödənilmiş dövlət rüsumunun ödənilməli olan dövlət rüsumuna hesablanması izah edilsin. Bu qərardaddan şikayət verilə bilməz. Hakim: Zamin Tahirov