Beyləqan Rayon Məhkəməsi Qərardad — İş №2(020)-3/2023

Azərbaycan Respublikası adından QƏRARDAD Beyləqan rayon İş № 2(020)-3/2023 18.12.2023 BEYLƏQAN RAYON MƏHKƏMƏSİ Beyləqan Rayon Məhkəməsinin hakimi Seyfullayev Seyfəli İzzət oğlunun sədrliyi, Abbasov Zaur Alı oğlunun katibliyi ilə, İddiaçı Azkredit MMC-nin Cavabdeh qarşı kredit borcun, kredit faizlərinin və cərimənin ödənilməsi tələbinə dair mülki işə məhkəmə iclasında baxaraq, MÜƏYYƏN ETDİ: İddiaçı Azkredit MMC-nin Cavabdeh qarşı kredit borcun, kredit faizlərinin və cərimənin ödənilməsi tələbinə dair iddia ərizəsi ilə məhkəməyə müraciət etmişdir. Məhkəmə araşdırmaları zamanı müəyyən edildi ki, Cavabdeh 20 sentyabr 2015-ci il tarixdə ölmüşdür. Məhkəmə iş üzrə toplanmış materialları nəzərdən keçirib, hesab edir ki, hazırkı iş üzrə icraata xitam verilməldir. Azərbaycan Respublikası Mülki Prossesual Məcəllənin 261.0.1-cı maddəsinə əsasən iş məhkəmədə baxılmalı deyildirsə hakim iş üzrə icraata xitam verir. Məhkəmədə müəyyən edildi ki, iddia ərizəsi xx.xx.2020-ci il tarixdə məhkəməyə daxil olmuşdur. İş üzrə Cavabdeh isə 20 sentyabr 2015-ci il tarixdə, yəni iddiaçı hazırkı iddia ilə məhkəməyə müraciət etməmişdən əvvəl ölmüşdür. Beləliklə iddiaçının ölən şəxsə qarşı məhkəmədə iddia qaldırması müəyyən edilmişdir ki, iddiaçı bu cür iddia qaldırmaqda haqlı olmamışdır. Qanunun tələbinə görə iddiaçı ölən şəxsin hüquqi varislərini müəyyən etməli və bundan sonra onun vərəsələri müəyyən edildiyi təqdirdə onlara qarşı hazırkı iddia ilə məhkəməyə müraciət etməli idi. Azərbaycan Respublikası Mülki Prosessual Məcəlləsinin 262.1-ci maddəsinə əsasən iş üzrə icraata xitam verilməsi barədə məhkəmə qərardad çıxarır. Məhkəmə hesab edir ki, hazırkı mülki iş üzrə cavabdeh öldüyündən işin icraatına xitam verilməlidir. Qeyd edilənlərə əsasən və Azərbaycan Respublikası MPM-nin 261.0.1 və 262.1 və 263-264cü maddələrini təhbər tutaraq, məhkəmə Qərara aldı: İddiaçı Azkredit MMC-nin Cavabdeh qarşı kredit borcun, kredit faizlərinin və cərimənin ödənilməsi tələbinə dair mülki iş üzrə icraata qərardadın təsviri hissəsində göstərilənlərə əsasən xitam verilsin. İddiaçı tərəfindən ödənilmiş 30 manat məbləğində dövlət rüsumu özünə qaytarılsın. Qərardaddan alındıgı vaxtdan 10 gün müddətinə Beyləqan Rayon Məhkəməsinə şikayət verilə bilər. Hakim: Seyfəli Seyfullayev.