Bərdə Rayon Məhkəməsi Qətnamə — İş №2(021)-2188/2021

Azərbaycan Respublikası adından QƏTNAMƏ Bərdə rayonu İş № 2(021)-2188/2021 06.07.2021 BƏRDƏ RAYON MƏHKƏMƏSİ Bərdə Rayon Məhkəməsinin hakimi Əhmədov Elsun Məzahir oğlu iddiaçı "xxxx" ASC-nin cavabdehlər Cavabdeh1, İsmayılova Aygün Babaş qızına və Cavabdeh3 Səfqulu qızına qarşı pul tələbinə dair iddia ərizəsi üzrə mülki işə Bərdə Rayon Məhkəməsinin inzibati binasında kiçik iddialara dair işlər üzrə sadələşdirilmiş icraat qaydasında baxaraq, M Ü Ə Y Y Ə N E T D İ: İddiaçı "xxxx" ASC-nin cavabdehlər Cavabdeh1, İsmayılova Aygün Babaş qızına və Cavabdeh3 Səfqulu qızına qarşı pul tələbinə dair kiçik mübahisələr üzrə iddia ərizəsi ilə Bərdə Rayon Məhkəməsinə müraciət etmişdir. İddia tələbi onunla əsaslandırılmışdır ki, Cavabdeh1, İsmayılova Aygün Babaş qızı, Cavabdeh3 Səfqulu qızı ilə birgə borclular olaraq "xxxx" İKB ASC arasında bağlanmış kredit müqaviləsinə əsasən cavabdehlər iddiaçıdan 3000 manat məbləğində kredit almışdır. Cavabdehlər müqavilənin şərtlərini pozmuş və nəticədə onların iddiaçıya 07 may 2021-ci ilədək Süleymanov Qalib Dilşad oğlunun banka 21 sentyabr 2014-cü il tarixli kredit müqaviləsi üzrə 203.83 manat əsas borc, 88.85 manat faiz borcu, 19.74 manat cərimə borcu və kredit müqaviləsi üzrə gecikdirilmiş vaxt üçün illik 5 (beş) faizlə hesablanmış 68.7 manat məbləğində əldən çıxmış fayda olmaqla ümumilikdə cəmi 381.12 AZN borcu yaranmışdır. Azərbaycan Respublikası Mülki Prosessual Məcəlləsinin 284-1-ci maddəsinə əsasən, mülki işlər üzrə iddianın qiyməti iki min manatdan ... az olan iddialar (kiçik iddialar) üzrə işlərə ... sadələşdirilmiş qaydada baxılmasına yol verilir. İddia ərizəsi kiçik iddialara dair işlər üzrə sadələşdirilmiş icraat qaydasında baxılması üçün icraata qəbul edilmiş və cavabdehə bildiriş göndərilərək, bildirişi rəsmi qaydada aldığı gündən 10 iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək hüququnun olması izah edilmişdir. Cavabdeh tərəfindən iddiaya qarşı əsaslandırılmış etiraz məhkəməyə daxil olmamış və məhkəmə iddiaçının təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxaraq belə nəticəyə gəlir ki, iddia tələbi aşağıdakı əsaslara görə təmin edilməlidir. İş materiallarında olan 12 sentyabr 2014-cü tarixli müqavilədən görünür ki, həmin müqavilə "xxxx" İKB ASC ilə cavabdehlər Cavabdeh1, İsmayılova Aygün Babaş qızı, Cavabdeh3 Səfqulu qızı arasında bağlanmış kredit müqaviləsinə əsasən cavabdehlər "xxxx" İKB ASC -dən kredit götürmüşdür. İş materiallarında olan 12 sentyabr 2014-cü il tarixli ödəniş cədvəlindən görünür ki, cavabdehlərə 24 ay ərzində ayda hissə-hissə ödəmək şərti ilə kreditor tərəfindən borc alana illik 30 % ödənilməsi şərti ilə 3000 manat məbləğində krediti 25 oktyabr 2020-ci il tarixədək İddiaçı ASC-yə ödəməli idi. İş materiallarında olan maliyyə arayışlarından və ödəniş cədvəlindən görünür ki, 07 may 2021-ci ilədək Süleymanov Qalib Dilşad oğlunun banka 21 sentyabr 2014-cü il tarixli kredit müqaviləsi üzrə 203.83 manat əsas borc, 88.85 manat faiz borcu, 19.74 manat cərimə borcu və kredit müqaviləsi üzrə gecikdirilmiş vaxt üçün illik 5 (beş) faizlə hesablanmış 68.7 manat məbləğində əldən çıxmış fayda olmaqla ümumilikdə cəmi 381.12 AZN manat borcu mövcuddur. İş materiallarında olan 07 may 2021-ci il tarixli xəbərdarlıq məktubundan görünür ki, cavabdeh borcun mövcud olması barədə və öhdəlik icra edilmədiyi təqdirdə iddiaçı tərəfindən atılacaq qanunvericilikdə nəzərdə tutulmuş addımlar barədə məlumatlandırılmışdır. Azərbaycan Respublikası Mülki Məcəlləsinin 567-ci maddəsinə əsasən, alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Mülki Məcəllənin 448.1-ci maddəsinə əsasən, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Qeyd olunanlara əsasən məhkəmə hesab edir ki, cavabdehlərdən 07 may 2021-ci ilədək 21 sentyabr 2014-cü il tarixli kredit müqaviləsi üzrə 203.83 manat əsas borc, 88.85 manat faiz borcu, 19.74 manat cərimə borcu və kredit müqaviləsi üzrə gecikdirilmiş vaxt üçün illik 5 (beş) faizlə hesablanmış 68.7 manat məbləğində əldən çıxmış fayda olmaqla ümumilikdə cəmi 381.12 manat borc tutularaq İddiaçı ASC-yə ödənilməlidir. Azərbaycan Respublikasının Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara əsasən və Azərbaycan Respublikası Mülki Prosessual Məcəlləsinin 284-1, 216-220 və 360-cı maddələrini rəhbər tutaraq, məhkəmə QƏT E T D İ: İddia tələbi təmin edilsin. Cavabdehlər Cavabdeh1, İsmayılova Aygün Babaş qızından, Cavabdeh3 Səfqulu qızından 07 may 2021-ci ilədək 21 sentyabr 2014-cü il tarixli kredit müqaviləsi üzrə 203.83 manat əsas borc, 88.85 manat faiz borcu, 19.74 manat cərimə borcu və kredit müqaviləsi üzrə gecikdirilmiş vaxt üçün illik 5 (beş) faizlə hesablanmış 68.7 manat məbləğində əldən çıxmış fayda olmaqla ümumilikdə cəmi 381.12 (üç yüz səksən bir manat on iki) manat borc və 30 (otuz) manat ödənilmiş dövlət rüsumu tutularaq iddiaçı "xxxx" ASC-yə ödənilsin. Qətnamədən onun rəsmi qaydada verildiyi gündən 1 (bir) ay müddətində Bərdə Rayon Məhkəməsi vasitəsi ilə Gəncə Apellyasiya Məhkəməsinin Mülki Kollegiyasına apellyasiya şikayəti verilə bilər. Qətnamədən şikayət verilmədiyi təqdirdə qəbul edildiyi gündən 1 (bir) ay keçdikdən sonra qanuni qüvvəyə minir.