Bərdə Rayon Məhkəməsi Qərardad — İş №2(021)-2402/2021

Azərbaycan Respublikası adından QƏRARDAD Bərdə rayonu İş № 2(021)-2402/2021 11.08.2021 BƏRDƏ RAYON MƏHKƏMƏSİ İ Hakim Əbilov Qamət Mehman oğlunun sədrliyi, X2 oğlunun iclas katibliyi ilə, İddiaçı Ləğv prosesində olan Açıq Səhmdar Cəmiyyəti Standart İnsurance Sığorta Şirkətinin Cavabdeh Miryaqub oğluna qarşı “subroqasiya hüququ üzrə zərərin əvəzinin ödənilməsi” tələbinə dair iddia ərizəsi üzrə mülki işə Bərdə şəhərində açıq məhkəmə iclasında baxaraq, məhkəmə müəyyən etdi: İddiaçı Ləğv prosesində olan Açıq Səhmdar Cəmiyyəti Standart İnsurance Sığorta Şirkəti Cavabdeh Miryaqub oğluna qarşı “subroqasiya hüququ üzrə zərərin əvəzinin ödənilməsi” tələbinə dair iddia ərizəsi ilə məhkəmə müraciət etmişdir. Tərəflər məhkəmə iclasına çağırılmalarına baxmayaraq gəlməmiş və işə onların iştirakı olmadan baxılmasını məhkəmədən xahiş etməmişlər. Məhkəmə onların iştirakı olmadan işə baxılmasını mümkün hesab etmişdir. Azərbaycan Respublikası MPM-nin 259.0.6-cı maddəsinin tələbinə görə işə onların iştirakı olmadan baxmağı xahiş etməmiş tərəflər məhkəməyə gəlmədikdə məhkəmə ərizəni baxılmamış saxlayır. Məhkəmə işdə olan sənədləri araşdırıb, belə hesab edir ki, iddia ərizəsi Azərbaycan Respublikası MPM-nin 259.0.6-cı maddələrinin tələbinə əsasən baxılmamış saxlanılmalıdır. İddiaçıya həmin Məcəllənin 260.4-cü maddəsinə əsasən ərizənin baxılmamış saxlanması üçün səbəb olan şərait aradan qaldırıldıqdan sonra ümumi qaydada ərizə ilə məhkəməyə yenidən müraciət etmək hüququ izah olunmalıdır. Göstərilənləri nəzərə alaraq və Azərbaycan Respublikasi Mulki Prossesual Məcəlləsinin 259.0.6, 260.4, 263, 264, 266- 268-ci maddələrini rəhbər tutaraq, QƏRARA A L D İ: İddiaçı Ləğv prosesində olan Açıq Səhmdar Cəmiyyəti Standart İnsurance Sığorta Şirkətinin Cavabdeh Miryaqub oğluna qarşı “subroqasiya hüququ üzrə zərərin əvəzinin ödənilməsi” tələbinə dair iddia ərizəsi baxılmamış saxlanılsın. İddiaçı Ləğv prosesində olan Açıq Səhmdar Cəmiyyəti Standart İnsurance Sığorta Şirkətinə yenidən məhkəməyə müraciət etmək hüququnun olması izah edilsin. Qərardaddan rəsmi qaydada verildiyi gündən 10 gün müddətinə Bərdə rayon məhkəməsinə şikayət vermək olar.