Bərdə Rayon Məhkəməsi Qərardad — İş №2(021)-3616/2025

Azərbaycan Respublikası adından QƏRARDAD Bərdə rayonu İş № 2(021)-3616/2025 24.08.2025 BƏRDƏ RAYON MƏHKƏMƏSİ Mən, Bərdə Rayon Məhkəməsinin hakimi Abdullayev Fərman Firidun oğlu, İddiaçı Azərbaycan Dövlət X2 “X3 Xidməti” X5 X6 Sistemlərinin İstismarı İdarəsinin cavabdehlər Cavabdeh1, Cavabdeh2 və qeyrilərinə qarşı “suvarma kanalına çirkabların axıdılmasının qarşısıın alınması, borunun sökülməsi və müəyyən hərəkətlərin cavabdehlərə qadağan olunması” tələbinə dair iddia ərizəsini nəzərdən keçirib MÜƏYYƏNETDİM: İddiaçı Azərbaycan Dövlət X2 “X3 Xidməti” X5 X6 Sistemlərinin İstismarı İdarəsi cavabdehlər Cavabdeh1, Cavabdeh2 və qeyrilərinə qarşı “suvarma kanalına çirkabların axıdılmasının qarşısıın alınması, borunun sökülməsi və müəyyən hərəkətlərin cavabdehlərə qadağan olunması” dair iddia ərizəsi ilə məhkəməyə müraciət etmişdir. Ərizəni və ona əlavə edilmiş sənədləri nəzərdən keçirib belə hesab edirəm ki, aşağıda göstərilənlərə əsasən iddia ərizəsi geri qaytarılmalıdır. Belə ki, iddiaçı Azərbaycan Dövlət X2 “X3 Xidməti” X5 X6 Sistemlərinin İstismarı İdarəsi iddia ərizəsində qeyd edilən cavabdehlərin eyniləşdirmə məlumatlarını (şəxsiyyət vəsiqəsinin seriya nömrəsini) göstərməmişdir. Azərbaycan Respublikasının Mülki Prosessual Məcəlləsinin 149.2.2-ci maddəsinə əsasən ərizədə iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. Azərbaycan Respublikasının Mülki Prosessual Məcəlləsinin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə iddia ərizəsi geri qaytarılır. Azərbaycan Respublikasının Mülki Prosessual Məcəlləsinin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 152.3-cü maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Azərbaycan Respublikasının Mülki Prosessual Məcəlləsinin 114.1.3-cü madddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa ödənilmiş dövlət rüsumu qaytarılır. Beləliklə, iddiaçı Azərbaycan Dövlət X2 “X3 Xidməti” X5 X6 Sistemlərinin İstismarı İdarəsinin cavabdehlər Cavabdeh1, Cavabdeh2 və qeyrilərinə qarşı “suvarma kanalına çirkabların axıdılmasının qarşısıın alınması, borunun sökülməsi və müəyyən hərəkətlərin cavabdehlərə qadağan olunması” tələbinə dair ərizəsi geri qaytarıldığından ərizəçi X1 tərəfindən ödənilmiş 100 manat dövlət rüsumu ona qaytarılmalıdır. İddiaçı Azərbaycan Dövlət X2 “X3 Xidməti” X5 X6 Sistemlərinin İstismarı İdarəsinə nöqsanlar aradan qaldırıldıqdan sonra ümumi qaydada məhkəməyə müraciət etmək hüququ izah edilməlidir. Şərh olunanlara əsasən Azərbaycan Respublikasının Mülki Prosessual Məcəlləsinin 149-152-ci maddələrini rəhbər tutaraq QƏRARVERDİM: İddiaçı Azərbaycan Dövlət X2 “X3 Xidməti” X5 X6 Sistemlərinin İstismarı İdarəsinin cavabdehlər Cavabdeh1, Cavabdeh2 və qeyrilərinə qarşı “suvarma kanalına çirkabların axıdılmasının qarşısıın alınması, borunun sökülməsi və müəyyən hərəkətlərin cavabdehlərə qadağan olunması” tələbinə dair iddia ərizəsi geri qaytarılsın. İddiaçı Azərbaycan Dövlət X2 “X3 Xidməti” X5 X6 Sistemlərinin İstismarı İdarəsi tərəfindən ödənilmiş 100 (yüz) manat dövlət rüsumu geri qaytarılsın. İddiaçı Azərbaycan Dövlət X2 “X3 Xidməti” X5 X6 Sistemlərinin İstismarı İdarəsinə nöqsanlar aradan qaldırıldıqdan sonra ümumi qaydada məhkəməyə müraciət etmək hüququ izah edilsin. Qərardaddan, qərardad tərəfə rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılan elektron kabinet vasitəsilə Bərdə rayon Məhkəməsinə şikayət verilə bilər. Qərardaddan şikayət verilməzsə 10 (on) gün müddət keçdikdən sonra qanuni qüvvəyə minir. Hakim Fərman Abdullayev