Bərdə Rayon Məhkəməsi Qərardad — İş №2(021)-4445/2025

Azərbaycan Respublikası adından QƏRARDAD Bərdə rayonu İş № 2(021)-4445/2025 08.11.2025 BƏRDƏ RAYON MƏHKƏMƏSİ Bərdə Rayon Məhkəməsinin hakimi Məhərrəmov Bayram Yusif oğlu, İddiaçı cavabdeh Mətanət(soyadı və atasının adı məlum deyil) qarşı “səhvən köçürülmüş 645 manat vəsaitinin geri qaytarılması tələbinə” dair iddia ərizəsini nəzərdən keçirib MÜƏYYƏNETDİM: İddiaçı dair iddia ərizəsi ilə məhkəməyə müraciət edərək, cavabdeh Mətanət adlı şəxsin şəxsiyyət məlumatlarının “Kapitalbank” vasitəsilə müəyyənləşdirilməsi üçün məhkəmə tərəfindən rəsmi sorğunun göndərilərək Mətanət adlı şəxsin səhvən qəbul etdiyi 645 manat məbləğində ona geri qaytarılması və qarşı tərəfin razılıq verməməsi səbəbindən ona dəyən 355 masnat maddi ziyanın digər 645 manat ilə qarşı tərəfdən alınaraq ödənilməsinin təmin olunması barədə qətnamə çıxarılmasını xahiş etmişdir. İddia ərizəsini və ona əlavə edilmiş sənədləri nəzərdən keçirib belə hesab edirəm ki, aşağıda göstərilənlərə əsasən iddia ərizəsi geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin 149.2.2-ci maddəsinə əsasən iddia ərizəsinə iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) əlavə edilir. İddiaçı qeyd olunan maddənin tələblərinə əməl etməmişdir, cavabdeh Mətanət adlı şəxsin soyadı, ata adı, yaşayış və ya qeydiyyat ünvanı barədə sənədi, cavabdehin eyniləşdirmə məlumatlarını (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) iddia ərizəsinə əlavə etməmişdir. İddiaçı Azərbaycan Respublikasının Mülki Prosessual Məcəlləsinin 149-cu maddəsinə əməl etmədiyindən iddia ərizəsi və ona əlavə edilmiş sənədlər geri qaytarılmalıdır. Azərbaycan Respublikası Mülki Prosessual Məcəlləsinin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə iddia ərizəsi geri qaytarılmalıdır. Azərbaycan Respublikasının Mülki Prosessual Məcəlləsinin: 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. 152.3-cü maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. Həmin maddələrin tələblərinə əsasən İddiaçı cavabdeh Mətanət(soyadı və atasının adı məlum deyil) qarşı “səhvən köçürülmüş 645 manat vəsaitinin geri qaytarılması tələbinə” dair iddia ərizəsi geri qaytarılmalıdır. İddiaçı cavabdeh Mətanət (soyadı və atasının adı məlum deyil) qarşı “səhvən köçürülmüş 645 manat vəsaitinin geri qaytarılması tələbinə” dair iddia ərizəsi geri qaytarıldığından İddiaçı tərəfindən ödənilmiş 30.00 manat dövlət rüsumu ona qaytarılmalıdır. Şərh olunanlara əsasən Azərbaycan Respublikasının Mülki Prosessual Məcəlləsinin 149-152-ci maddələrini rəhbər tutaraq QƏRARVERDİM: İddiaçı cavabdeh Mətanət(soyadı və atasının adı məlum deyil) qarşı “səhvən köçürülmüş 645 manat vəsaitinin geri qaytarılması tələbinə” dair iddia ərizəsi və ona əlavə edilmiş sənədlər geri qaytarılsın. İddiaçı xx.xx.2025-ci il tarixdə dövlət büdcəsinə ödədiyi 30 (otuz) manat dövlət rüsumu geri qaytarılsın (qəbz №-**********, büdcə təsnifatının kodu ********). Qərardaddan qərardad tərəflərə rəsmi qaydada verildikdən sonra 10 (on) gün müddətində (“Elektron məhkəmə” informasiya sistemində yaradılmış elektron kabinet vasitəsilə) Bərdə Rayon Məhkəməsinə şikayət verilə bilər. Hakim: Bayram Məhərrəmov