Qazax Rayon Məhkəməsi Qətnamə — İş №2(023)-341/2023

Azərbaycan Respublikası adından QƏTNAMƏ Qazax rayon İş № 2(023)-341/2023 07.03.2023 QAZAX RAYON MƏHKƏMƏSİ Məhkəmənin hakimi Nemət Əlimusa oğlu Musayevin sədrliyi Məhkəmə iclas katibi Elminaz Zarif qızı Çobanovanın katibliyi ilə İddiaçı MMC-nin borclu Cavabdeh qarşı borcun tutulmasına qarşı pul tələbi barədə kiçik iddiaya dair mülki işə sadələşdirilmiş icraat qaydasında Qazax Rayon Məhkəməsinin binasında 07 mart 2023-cü il tarixdə baxaraq müəyyən etdi: Tələbkar İddiaçı MMC məhkəmədə iddia qaldıraraq, 05 noyabr 2019-cu il tarixli, QZK5779934 saylı borc müqaviləsinə əsasən Qazax şəhəri, Nizami küç, 20 nömrəli evdə qeydiyyatda olan və yaşayan borclu Cavabdeh 800 manat əsas, hesablanmış 300 manat faiz borcu və ödənilmiş 31 manat dövlət rüsumu, cəmi 1131 manat pulun alınaraq İddiaçı MMC-nin hesabına ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən ərizə məhkəməyə daxil olduğu gündən 5 (beş) iş günü ərzində cavabdehə rəsmi qaydada bildiriş göndərilmişdir. İddia ərizəsindən görünür ki, tələbkar İddiaçı MMC 05 noyabr 2019-cu il tarixli, QZK5779934 saylı kredit müqaviləsinə əsasən borclu Cavabdeh 12 ay müddətinə ödəmək şərti ilə 3538 manat dəyərində məişət avadanlığı satılmışdır. İşdə olan sənədlərdən görünür ki, xx.xx.2022-ci il tarixə 05 noyabr 2019-cu il tarixli, QZK5779934 saylı kredit müqaviləsinə əsasən Cavabdeh İddiaçı MMC-yə 800 manat əsas borcu qalmışdır. İddiaçı MMC 31 manat dövlət rüsumu ödəmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış sübutların məcmusuna hüquqi qiymət verərək, belə nəticəyə gəlir ki, iddia tələbi təmin olunmalıdır. Azərbaycan Respublikası Mülki Məcəlləsinin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. İş üzrə tərəfin təqdim etdiyi sənədlər yekun qərarın çıxarılması üçün kifayət etdiyi üçün məhkəmə hesab edir ki, iddia təmin olunmalı, tərəflər arasında bağlanmış kredit razılaşmasına əsasən iddiaçıya olan borc cavabdehdən alınaraq iddiaçıya ödənilməlidir. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil oluduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Həmin Məcəllənin 284-6.1-ci maddəsinə əsasən işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Azərbaycan Respublikası Mülki Prosessual Məcəlləsinin 119.1-ci maddəsinə əsasən iddia qaldırılması üçün iddiaçının ödədiyi 31 (otuz bir) manat dövlət rüsumu da onun xeyrinə cavabdehdən tutulmalıdır. Göstərilənlərə əsasən və Azərbaycan Respublikası Mülki Prosessual Məcəlləsinin 284-1, 284-5, 284-6 və 357-ci maddələrini rəhbər tuturaq, məhkəmə qət etdi: İddia təmin edilsin. Borclu– 05 noyabr 2019-cu il tarixli, QZK5779934 saylı borc müqaviləsinə əsasən xx.xx.1958-ci il təvəllüdlü, Qazax şəhəri, Nizami küç, 20 nömrəli evdə qeydiyyatda olan və yaşayan borclu Cavabdeh 800 manat əsas, hesablanmış 300 manat faiz borcu və ödənilmiş 31 manat dövlət rüsumu, cəmi 1131 manat tutularaq İddiaçı MMC-nin hesabına ödənilsin. Qətnamə tərəfə rəsmi qaydada verildiyi gündən bir ay müddətində Qazax Rayon Məhkəməsi vasitəsi ilə Gəncə Apelyasiya Məhkəməsinə apelyasiya şikayəti verilə bilər.