Qəbələ Rayon Məhkəməsi Qərardad — İş №2(025)-1819/2024

Azərbaycan Respublikası adından QƏRARDAD Qəbələ şəhəri İş № 2(025)-1819/2024 12.12.2024 QƏBƏLƏ RAYON MƏHKƏMƏSİ Qəbələ Rayon Məhkəməsinin hakimi X1 iddiaçılar, İddiaçı1, İddiaçı2 Xasəmməd qızı, İddiaçı4 və İddiaçı3 Cavabdeh qarşı “torpaq sahəsinin boşaldılması və dəymiş zərərin ödənilməsi tələbi barədə ərizəsinə və ona əlavə edilmiş sənədlərə baxaraq, MÜƏYYƏN ETDİ: İddiaçılar, İddiaçı1, İddiaçı2 Xasəmməd qızı, İddiaçı4 və İddiaçı3 Cavabdeh qarşı “torpaq sahəsinin boşaldılması və dəymiş zərərin ödənilməsi” tələbi barədə ərizə ilə məhkəməyə müraciət edib Cavabdeh onlara məxsus olan Qəbələ rayonunda yerləşən torpaq sahəsindən çıxarılması və vurduğu zərərə görə 20000 manat ödəməsi barədə qətnamə çıxarılmasını xahiş etmişdir. Aşağıda qeyd olunan əsaslara görə iddia ərizəsi məhkəmənin icraatına qəbul edilə bilməz. AR MPM-nin 149.2.2-ci maddəsinə əsasən iddia ərizəsində iddiaçının, onun nümayəndəsinin (əgər iddia ərizəsini nümayəndə təqdim edirsə), cavabdehin və işdə iştirak edən digər şəxslərin, şahidin və məhkəmə iclasına dəvət etmək istədiyi digər şəxslərin soyadı, adı, atasının adı (hüquqi şəxsə münasibətdə adı), şəxsiyyəti eyniləşdirməyə imkan verən digər məlumatlar, yaşayış yeri və ya olduğu yer (həm faktiki, həm də rəsmi qeydə alındığı ünvanı), yazışmaların aparılmasının istənildiyi digər ünvan, olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, cavabdehin və işdə iştirak edən digər şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, əcnəbilərin və vətəndaşlığı olmayan şəxslərin, xarici hüquqi şəxslərin və ya onların nümayəndəsinin eyniləşdirmə məlumatları) göstərilməlidir. Həmin Məcəllənin 149.2.3-cü maddəsinə əsasən iddia ərizəsində iddianın predmeti və qiyməti, iddiaçının və ya ərizəçinin tələbi, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilməlidir. Həmin Məcəllənin 149.2.5-ci maddəsinə əsasən iddia ərizəsində ərizəyə əlavə edilən sənədlərin siyahısı göstərilməlidir. Həmin Məcəllənin 149.4-cü maddəainə əsasən iddia ərizəsində mübahisənin düzgün həll edilməsi üçün zəruri olan digər məlumatlar, həmçinin iddiaçının vəsatətləri də göstərilməlidir. Həmin Məcəllənin 150.0.2-ci maddəsinə əsasən iddia ərizəsinə dövlət rüsumunun ödənilməsi haqqında sənəd əlavə edilməlidir. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə olunmuş sənədləri geri qaytarır. Həmin Məcəllənin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə iddia ərizəsi geri qaytarılır. Məhkəmə hesab edir ki, iddia ərizəsində iddianın predmeti (torpaq sahəsinin hüquqi statusu və harda yerləşdiyi məlum deyil), istinad edilən fakt və halları təsdiq edən sübutlar, ərizəyə əlavə edilən sənədlərin siyahısı göstərilmədiyindən, işdə iştirak edən şəxslər barədə məlumatlar (soyadı, adı, atasının adı, yaşayış yeri və ya olduğu yer) qeyd olunmadığından və dövlət rüsumunun ödənilməsi haqqında qəbz əlavə edilmədiyindən, habelə iddia ərizəsi “Elektron məhkəmə” informasiya sistemində yaradılan elektron kabinet vasitəsilə verilmədiyindən iddiaçılar, İddiaçı1, İddiaçı2 Xasəmməd qızı, İddiaçı4 və İddiaçı3 Cavabdeh qarşı “torpaq sahəsinin boşaldılması və dəymiş zərərin ödənilməsi tələbi barədə iddia ərizəsi geri qaytarılmalıdır Yuxarıda göstərilənlərə əsasən və Azərbaycan Respublikası Mülki Prosessual Məcəllənin 263, 264, 267 və 268-ci maddələrini rəhbər tutaraq, QƏRARA ALDİ: İddiaçılar, İddiaçı1, İddiaçı2 Xasəmməd qızı, İddiaçı4 və İddiaçı3 Cavabdeh qarşı “torpaq sahəsinin boşaldılması və dəymiş zərərin ödənilməsi” tələbi barədə iddia ərizəsi geri qaytarılsın. Qərardadın surəti təqdim edildiyi və ya alındığı gündən 10 gün müddətində Qəbələ Rayon Məhkəməsinə şikayət verilə bilər. Hakim: Ülvi Qənbərov