Qəbələ Rayon Məhkəməsi Qətnamə — İş №2(025)-741/2020

Azərbaycan Respublikası adından QƏTNAMƏ Qəbələ şəhəri İş № 2(025)-741/2020 12.08.2020 QƏBƏLƏ RAYON MƏHKƏMƏSİ Hakim İsayev Elman Bəhruz oğlunun sədrliyi, Aslanova Ayşən Əfqan qızının katibliyi, iddiaçı Ekologiya və X2 6 saylı Regional Ekologiya və X4 nümayəndəsi X1 iştirakı ilə, İddiaçı Ekologiya və X2 6 saylı Regional Ekologiya və X4 Cavabdeh qarşı "ziyanın ödənilməsi" tələbinə dair iddiası üzrə mülki işə məhkəmənin inzibati binasında açıq məhkəmə iclasında baxaraq, məhkəmə müəyyən etdi : İddiaçı Ekologiya və X2 6 saylı Regional Ekologiya və X8 Cavabdeh qarşı iddia ərizəsi ilə məhkəməyə müraciət edərək, cavabdehdən 560.00 (beş yüz altmış) manat maddi ziyan məbləğinin alınaraq X7 üzrə Dövlət Fonduna ödənilməsi barədə qətnamə çıxarılmasını məhkəmədən xahiş etmişdir. İddiaçı iddia tələblərini onunla əsaslandırmışdır ki, xx xxx 2020-ci il tarixində Qəbələ rayonu Dızaxlı çay ərazisində İdarənin əməkdaşları tərəfindən monitorinq keçrilmişdir. Keçirilən monitorinq zamanı Qəbələ rayonu Böyük Əmili kənd sakini Cavabdeh tərəfindən qarışıq süxurun ələnməsi faktı aşkar edilmişdir. Faktla bağlı təbiətə dəymiş ziyan 560.00 (beş yüz altmış) manat hesablanmışdır. Vurulmuş ziyan qanunvericiliyə əsasən X7 üzrə Dövlət Fonduna ödənilməsi təmin edilməlidir. xx.xx.2020-ci il tarixdə cavabdehdən meşə fonduna dəymiş ziyanı ödəmək tələb edilsə də, heç bir nəticə olmamış, bu səbəbdən də məhkəməyə müraciət etmək qərarına gəlinmişdir. Məhkəmə iclasında iddiaçı Ekologiya və X2 6 saylı Regional Ekologiya və X4 nümayəndəsi X3 iddia ərizəsinə uyğun izahat verərək, iddianın təmin edilməsi barədə qətnamə çıxarılmasını xahiş etmişdir. Cavabdeh isə məhkəmə iclasının vaxtı və yeri barədə lazımi qaydada xəbərdar edilməsinə baxmayaraq məhkəmə iclasına gəlməmiş və bunun səbəbləri barədə məhkəməyə məlumat verməmişdir. Azərbaycan Respublikası MPM-nin 185.5-ci maddəsinin tələbinə görə, məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəmə gəlməməyin səbəblərini üzrsüz hesab etdikdə, yaxud məhkəmə cavabdehin icraatı qəsdən yubandırdığını aşkar etdikdə, işə baxmağa haqlıdır. Bu halda qətnamə çəkişmə şəraitində qəbul edilmiş kimi qiymətləndirilərək cavabdehə apellyasiya qaydasında şikayət vermək hüququ verilir. Ona görə də məhkəmə işə cavabdehin iştirakı olmadan baxmağı mümkün hesab etmişdir. Məhkəmə iddiaçının izahatını, işdə olan sənədləri tədqiq etməklə toplanmış sübutların məcmusuna qiymət verərək hesab edir ki, iddia təmin edilməlidir. Belə ki, işdə olan inzibati tənbeh vermə haqqında xx xxxx 2020-ci il tarixli MN ******* nömrəli qərarından görünür ki, İslamov X5 çay yatağında qanunsuz olaraq primitiv üsulla qum ələnməsi ilə məşğul olmuş, X7 üzrə Dövlət Fonduna ziyan dəymişdir. Nəticədə CavabdehAzərbaycan Respublikası İnzibati Xətalar Məcəlləsinin 228-ci maddəsi ilə təqsirli bilinərək 600 manat məbləğində cərimə edilmişdir. İşdə olan həcm-qiymət cədvəlindən görünür ki, X7 üzrə Dövlət Fonduna zərərin Cavabdeh tərəfindən vurulması aşkar edilmiş, zərərin məbləği hesablanmış, müvafiq rəsmiləşdirmə və hesablama aparıldıqdan sonra X7 üzrə Dövlət Fonduna 560.00 (beş yüz altmış) manat dəyərində zərərin vurulması müəyyən edilmişdir. İşdə olan Ekologiya və X2 6 saylı Regional Ekologiya və X8 tərəfindən Cavabdeh ünvanlanmış 696 saylı, xx.xx.2020-ci il tarixli məktubdan görünür ki, cavabdehə xx.xx.2020-ci il tarixli, 60033 saylı Akt əsasında hesablanmış 560 (beş yüz altmış) manat məbləğində vurulmuş zərərin 1 ay ərzində ödənilməli olduğu barədə xəbardarlıq edilmişdir. İşin faktiki hallarından göründüyü kimi, cavabdehin qanunsuz olaraq primitiv üsulla qum ələnməsi ilə məşğul edilməsinin təqsirli olması qanuni qüvvəyə minmiş inzibati tənbeh vermə haqqında qərarla təsdiq olunur. Cavabdeh tərəf zərərin məbləğini mübahisələndirməmiş, daha az zərər vurulmasına dair hər hansı sübut təqdim etməmiş, müvafiq ekspertizaların keçirilməsini xahiş etməmişdir. Azərbaycan Respublikası Mülki Məcəlləsinin (bundan sonra Mülki Məcəllənin) 21-ci maddəsinə əsasən hüququ pozulmuş şəxs, ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. Mülki Məcəllənin 1096-cı maddəsinə əsasən mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). Delikt törətmiş şəxs mülki hüquq məsuliyyəti daşıyır. Mülki Məcəllənin 1097-ci maddəsinə əsasən mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərər vuran tərəfindən tam ödənilməlidir. Göründüyü kimi, mülki hüquq pozuntusu məhz Cavabdeh tərəfindən törədilmişdir və o, törətdiyi hüquq pozuntusu nəticəsində vurduğu zərəri ödəməyə borcludur. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 76.1 və 76.2-ci maddəsinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyətli olan başqa halların mövcud olduğunu və ya olmadığını məhkəmə müəyyən edərkən həmin Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. Həmin Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə, məhkəmə iş üzrə tədqiq olunmuş sübutlara məcmu halında qiymət verərək hesab edir ki, iddia təmin edilməli, 560.00 (beş yüz altmış) manat məbləğində vurulmuş zərər Cavabdeh X7 üzrə Dövlət Fondunun xeyrinə tutulmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 233 və 360-cı maddələrini rəhbər tutaraq məhkəmə, q ə t e t d i: İddia təmin edilsin. 560 (beş yüz altmış) manat məbləğində vurulmuş zərər Cavabdeh X7 üzrə Dövlət Fondunun xeyrinə tutulsun. Qətnamədən onun surəti rəsmi qaydada verildiyi gündən 1 (bir) ay müddətində Qəbələ Rayon Məhkəməsi vasitəsilə Şəki Apellyasiya Məhkəməsinə apellyasiya şikayəti verilə bilər. Hakim Elman İsayev