Quba Rayon Məhkəməsi Qərardad — İş №2(027)-1548/2021

Azərbaycan Respublikası adından QƏRARDAD Quba şəhəri İş № 2(027)-1548/2021 01.07.2021 QUBA RAYON MƏHKƏMƏSİ Mən, Quba Rayon Məhkəməsinin hakimi Seyidov Vüqar Mircuma oğlu, Kreditor Borclu qarşı məhkəmə əmrinin verilməsi barədə ərizəsinin məhkəmə icraatına götürülməsi mümkünlüyü məsələsinə baxaraq, m ü ə y y ə n e t d i m: Kreditor ərizə ilə məhkəməyə müraciət edərək, mağazanın ərizəsinə əmr icraatı qaydasında baxıb, avadanlıq alan Borclu hal-hazıra kimi mağazaya olan 878 AZN məbləğində qalıq borcun, gecikməyə görə kreditora dəymiş 162 (yüz altmış iki) AZN faiz borcunun və 20 AZN dövlət rüsumunun, ümumilikdə 1060 AZN məbləğində pulun borcludan, Borclu məcburi surətdə tutularaq mağazanın xeyrinə ödənilməsi barədə məhkəmə əmrinin verilməsini xahiş etmişdir. Ərizədən və ona əlavə edilmiş sənədlərdən görünür ki, ərizənin forması və məzmunu Azərbaycan Respublikası Mülki-Prosessual Məcəlləsinin (bundan sonra Azərbaycan Respublikası MPM) 278-ci maddəsinin tələblərinə uyğun tərtib edilməmişdir. Belə ki, Azərbaycan Respublikası MPM-nin 278.2.3-ci maddəsinə əsasən borclu haqqında məlumatlar: soyadı, adı, atasının adı, iş yeri, yaşayış yeri və ya olduğu yer və həmin Məcəllənin 278.2.5-ci maddəsinə əsasən tələbin əsaslılığını təsdiq edən sənədlər ərizədə göstərilməlidir. Lakin ərizədə borclunun iş yeri haqqında məlumat və tələbin əsaslılığını təsdiq edən sənədlər göstərilməmişdir. Azərbaycan Respublikası MPM-nin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa, bu halda məhkəmə əmri verilə bilər. Azərbaycan Respublikası MPM-nin 279.1 və 279.2-ci maddələrinə görə məhkəmə, məhkəmə əmrinin verilməsi haqqında ərizənin qəbul olunmasından bu Məcəllənin 153-cü maddəsi ilə müəyyən edilmiş əsaslar olduqda imtina edir. Bundan başqa, verilmiş tələb bu Məcəllənin 276-cı maddəsi ilə nəzərdə tutulmamışdırsa, bu hal da imtina üçün əsasdır. Məhkəmə iclasında müvafiq sübutlar tədqiq edilmədən və tərəflər dindirilmədən kreditor tərəfindən irəli sürülən 878 manat əsas borc məbləği və 162 manat faiz borcunun tutulmasına dair tələbin tam əsaslılığı məhkəmə üçün aşkar deyildir. Belə ki, kreditor tərəfindən məhkəmə əmrinin verilməsi haqqında ərizəyə əlavə olunmaqla təqdim edilmiş sənədlərlə onun borcluya qarşı olan tələbi aşkar olmadığı üçün həmin tələb üzrə məhkəmə əmri verilə bilməz. Azərbaycan Respublikası MPM-nin 279.4-cü maddəsinə əsasən məhkəmə əmrinin verilməsi haqqında ərizənin qəbul edilməsindən imtina olunması kreditorun həmin tələb üzrə iddia icraatı qaydasında iddia verməsinə mane olmur. Qeyd edilənlər əsasında hesab edirəm ki, ərizənin qəbul olunmasından imtina edilməlidir. Yuxarıda göstərilənləri və Azərbaycan Respublikası MPM-nin 276-279-cu maddələrini rəhbər tutub, q ə r a r a a l d ı m: Kreditor Borclu qarşı məhkəmə əmrinin verilməsi barədə ərizəsinin qəbul olunmasından imtina edilsin. Kreditor həmin tələb üzrə iddia icraatı qaydasında iddia vermək hüququ izah edilsin. Bu qərardaddan şikayət verilə bilməz. Hakim : Vüqar Seyidov