Quba Rayon Məhkəməsi Qətnamə — İş №2(027)-1988/2020

Azərbaycan Respublikası adından QƏTNAMƏ Quba şəhəri İş № 2(027)-1988/2020 26.11.2020 QUBA RAYON MƏHKƏMƏSİ Hakim Həsənov Rahim Təşəkkül oğlunun sədrliyi, X8 oğlunun katibliyi, X9 X5 nümayəndəsi X1 iştirakı ilə, X9 X5 Cavabdeh qarşı “ziyanın ödənilməsi” tələbinə dair mülki işə Quba Rayon Məhkəməsinin inzibati binasında, açıq məhkəmə iclasında baxaraq, müəyyən etdi: X9 X7 Cavabdeh qarşı “ziyanın ödənilməsi” tələbinə dair iddia ərizəsi ilə məhkəməyə müraciət edərək, Cavabdeh tərəfindən Meşə Fonduna vurulmuş 986,58 manat ziyanın Mərkəzin Kapital bankdakı Benifisiarın adı: Quba Regional X7, Benifisiarın hesabı: AZ69CTRE********************, VÖEN: **********, Büdcə təsnifat kodu: 142593, Büdcə səviyyə kodu: 3 hesabına ödənilməsi barədə qətnamə çıxarılmasını xahiş etmişdir. X9 X7 iddia tələbini onunla əsaslandırmışdır ki, cavabdeh xx xxxxxxx 2020-ci il tarixdə X2 3 saylı dolayısının ərazisindən qanunsuz yolla meşə məhsullarının buraxılış orderi olmadan müxtəlif cins və diametrdə 9 ədəd yaş köküstə ağacları özbaşına kəsərək Meşə fonduna 986,58 manat ziyan vurmuşdur. Meşədən qanunsuz yolla oduncaq əldə etməklə Cavabdeh “Meşə təsərrüfatına dəymiş ziyana görə maddi məhsuliyyətə cəlb edilmə qaydaları haqqında Azərbaycan Respublikası Nazirlər Kabinetinin” xx xxxxxx 2019-cu il tarixli 30 saylı qərarının 7-ci əlavəsini pozmuşdur. Məhkəmə iclasında Quba Regional X5 nümayəndəsi X3 iddia ərizəsinin məzmununa uyğun izahat verərək iddianın təmin olunması barədə qətnamə çıxarılmasını xahiş etdi. İş üzrə Cavabdeh məhkəmə iclasının yeri və vaxtı barədə lazımı qaydada xəbərdarlıq edilməsinə baxmayaraq məhkəmə iclasına gəlməmiş və gəlməməsinin səbəbi barədə məhkəməyə məlumat verməmişdir. Məhkəmə Azərbaycan Respublikası Mülki Prosessual Məcəlləsinin 185.5-ci maddəsinə əsasən işə cavabdehin iştirakı olmadan baxılmasını mümkün hesab edir. Məhkəmə iddiaçının nümayəndəsinin izahatını dinləyib, iş materiallarını araşdıraraq hesab edir ki, iddia əsaslı olduğundan təmin edilməlidir. Belə ki, iş materiallarında olan Azərbaycan Respublikası Ekologiya və Təbii Sərvətlər Nazirliyi Quba Regional X5 xx xxxxxxx 2020-ci il tarixli 61062 nömrəli aktından görünür ki, Rustov meşəbəyliyinin 3 saylı dolayısının xidməti ərazisində meşələrin qorunub mühafizə olunma vəziyyətini yoxlayan zaman Cavabdeh özbaşına meşəyə girərək, meşədən qanunsuz oduncaq əldə etmək üçün ağacları kəsdiyi barədə Quba Regional X7nə məlumat daxil olmuşdu. Cavabdeh özbaşına meşəyə girərək, meşədən qanunsuz oduncaq əldə etmək barədə məlumat araşdırılarkən məlum olmuşdu ki, Cavabdeh xx.xx.2020-ci il tarixdə at arabası ilə Rustov meşəbəyliyinin 3 saylı dolayısının 19-1 saylı kvartalına daxil olmuş və oradan qanunsuz olaraq, vələs cinsindən 48 sm diametrdə 3 ədəd, palıd cinsindən 48 sm diametrdə 2 ədəd, 44 sm diametrdə 4 ədəd odunluğ ağacları kəsmişdir. Cavabdeh akta qol çəkməsi üçün müraciət etsələr də o bu müraciətdən imtina etmişdir. İş materiallarında olan həcm-qiymət cədvəlindən görünür ki, Rustov meşəbəyliyinin 3 saylı dolayısında xx.xx.2020-ci il tarixli yoxlama zamanı aşkar edilmiş qanunsuz qırıntıya görə meşə fonduna 986,58 manat məbləğində ziyan hesablanmışdır. İş materiallarında olan Quba Regional X5 xx.xx.2020-ci il tarixli, 614 saylı məktubundan görünür ki, Cavabdeh X4 3 saylı dolayısının ərazisindən qanunsuz yolla meşə məhsullarının buraxılış orderi olmadan 9 ədəd müxtəli cinsli yaş köküstə ağacı kəsdiyinə görə Meşə Fonduna vurduğu 986,58 manat məbləğində ziyanı könüllü şəkildə ödəməsi təklif olunmuşdur. Məhkəmə iş üzrə mövcud sübutlara və fotoşəkillərə əsasən müəyyən etmişdir ki, Cavabdeh xx.xx.2020-ci il tarixdə Rustov Meşəbəyliyinin 3 saylı dolayısının ərazisindən oduncaq ehtiyatı üçün qanunsuz 9 ədəd müxtəli cinsli yaş köküstə ağacı kəsmiş, mülki hüquq pozuntusu törətmiş, nəticədə Meşə Fonduna 986,58 manat məbləğində ziyan vurmuşdur. Azərbaycan Respublikası Mülki Məcəlləsinin 1096.1-ci maddəsinə əsasən mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). Həmin Məcəllənin 1097.1-ci maddəsinə əsasən mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Məhkəmə iş üzrə mövcud sübutlara qiymət verərək hesab edir ki, Cavabdeh tərəfindən Meşə Fonduna vurulmuş 986,58 manat ziyan Mərkəzin Kapital bankdakı Benifisiarın adı: Quba Regional X7, Benifisiarın hesabı: AZ69CTRE********************, VÖEN: **********, Büdcə təsnifat kodu: 142593, Büdcə səviyyə kodu: 3 hesabına ödənilməlidir. Məhkəmə həmçinin hesab edir ki, iddiaçı X10 və Bərpası Müəssisəsi iddianın qaldırılması ilə əlaqədar dövlət rüsumunu ödəməkdən azad olunduğuna və iddia tam həcmdə təmin olunduğuna görə Azərbaycan Respublikasının “Dövlət rüsumu haqqında” Qanunu ilə müəyyən edilmiş 30 manat məbləğində dövlət rüsumu Cavabdeh tutularaq, Azərbaycan Respublikası Dövlət büdcəsinə ödənilməlidir. Belə ki, Azərbaycan Respublikası Mülki Prosessual Məcəlləsinin 119.2-ci maddəsinə əsasən iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə münasib olaraq cavabdehdən tutularaq dövlət gəlirlərinə alınır. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 216- 220 və 360-cı maddələrini rəhbər tutaraq, məhkəmə qət etdi: İddia təmin edilsin. Cavabdeh 986,58 manat məbləğində pul alınaraq, Mərkəzin Kapital bankdakı Benifisiarın adı: Quba Regional X7, Benifisiarın hesabı: AZ69CTRE********************, VÖEN: **********, Büdcə təsnifat kodu: 142593, Büdcə səviyyə kodu: 3 hesabına ödənilsin. Cavabdeh 30 (otuz) manat dövlət rüsumu tutularaq Dövlət Büdcəsinə ödənilsin. Qətnamədən rəsmi qaydada verildiyi gündən 1 (bir) ay müddətində Quba Rayon Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Sədrlik edən: Rahim Həsənov