Quba Rayon Məhkəməsi Məhkəmə əmri — İş №2(027)-2085/2021

Azərbaycan Respublikası adından MƏHKƏMƏ ƏMRİ Quba şəhəri İş № 2(027)-2085/2021 20.09.2021 QUBA RAYON MƏHKƏMƏSİ Mən, Quba Rayon Məhkəməsinin hakimi Məmmədov İlqar Aslan oğlu, KreditorMMC-nin Borclu qarşı borc tələbi barədə məhkəmə əmrinin çıxarılmasına dair ərizəsini və ərizəyə əlavə olunmuş sənədləri nəzərdən keçirib, Müəyyən etdim: KreditorMMC ərizə ilə məhkəməyə müraciət edərək, xx.xx.1972-ci ildə ünvan 1 ünvanında qeydiyyatda olan Borclu 3453 (üç min dörd yüz əlli üç) manat məbləğində əsas borcun və 20 manat məbləğində ödənilmiş dövlət rüsumunun, cəmi 3473 (üç min dörd yüz yetmiş üç) manat məbləğində pul vəsaitinin alınaraq Kreditor-nin hesabına (Azərbaycan Beynəlxalq Bankı Nəsimi filialı, m/h: AZ03NABZ********************, H/h: AZ53İBAZ********************) ödənilməsi barədə məhkəmə əmrinin çıxarılmasını xahiş etmişdir. KreditorMMC ərizəsini onunla əsaslandırmışdır ki, iş üzrə Borclu 04 noyabr 2020-ci il tarixli kredit müqaviləsinə əsasən Kreditor-dən dəyəri 1576 manat olan məişət avadanlığı əldə edib. Borclunun müqavilə üzrə ödənişlər etdikdən sonra kreditora 1425 manat borcu qalıb. İş üzrə Borclu 04 noyabr 2020-ci il tarixli kredit müqaviləsinə əsasən Kreditor-dən dəyəri 2234 manat olan məişət avadanlığı əldə edib, borclunun müqavilə üzrə ödənişlər etdikdən sonra kreditora 2028 manat borcu qalıb. Odur ki, iddiaçı borcludan 3453 manat məbləğində əsas borcun və 20 manat məbləğində ödənilmiş dövlət rüsumunun, cəmi 3473 manat məbləğində pul vəsaitinin alınaraq Kreditor-yə ödənilməsi barədə məhkəmə əmrinin verilməsini xahiş etmişdir. Azərbaycan Respublikası Mülki Prosessual Məcəlləsinin 275.1-ci maddəsinə əsasən müəyyən pul məbləğinin ödənilməsi tələbləri və ya əmlakın tələb edilməsi üzrə işlərə baxılmasının bu fəslə uyğun olaraq sadələşdirilmiş qaydasına yol verilir. Həmin Məcəllənin 276.1-ci maddəsinə əsasən kreditorun tələbi aşkardırsa və ya həmin tələb borclunun mübahisə edilməyən vəzifəsinə əsaslanırsa, bu hallarda məhkəmə əmri verilə bilər. Həmin Məcəllənin 276.2.2-ci maddəsinə əsasən tələb sadə yazılı formada bağlanmış əqdə əsaslanırsa, məhkəmə əmri verilə bilər. Ərizəni və ərizəyə əlavə olunmuş sənədləri araşdıraraq hesab edirəm ki, Kreditor-nin tələbinin aşkar olduğu, tələbin sadə yazılı formada bağlanmış əqdə və borclunun mübahisə edilməyən vəzifəsinə əsaslandığı təsdiq olunur. Buna görə də həmin tələb üzrə məhkəmə əmrinin verilməsi mümkündür. Belə ki, iş materiallarında olan 04.11.2020-ci il tarixli MZK5713479 saylı borc müqaviləsinə əsasən Borclu Kreditor-dən 15 ay müddətinə ilkin ödəniş məbləği 151 manat ödəməklə, dəyəri 1576 manat olan məişət avadanlığı əldə edib və ayda 95 manat ödəməyi öhdəsinə götürüb. İş materiallarında olan 04.11.2020-ci il tarixli MZK5713477 saylı borc müqaviləsinə əsasən Borclu Kreditor-dən 12 ay müddətinə ilkin ödəniş məbləği 206 manat ödəməklə, dəyəri 2234 manat olan məişət avadanlığı əldə edib və ayda 169 manat ödəməyi öhdəsinə götürüb. İş materiallarında olan 15.04.2021-ci il tarixli maliyyə arayışından görünürki, Borclu KreditorMMC-yə 04.11.2020-ci il tarixli MZK5713479 saylı borc müqaviləsi üzrə ödənilməmiş 1425.00 manat məbləğdə, 04.11.2020-ci il tarixli MZK5713477 borc müqaviləsi üzrə ödənilməmiş 2028.00 manat, ümumilikdə 3453 manat ödənilməmiş borcu vardır. İş materiallarında olan 12.09.2021-ci il tarixli ********* nömrəli mədaxil qəbzindən görünürki, Kreditor tərəfindən 20 (iyirmi) manat rüsum ödənilmişdir. Azərbaycan Respublikası Mülki Prosessual Məcəlləsinin 282-ci maddəsinə əsasən borclu məhkəmə əmrini aldığı gündən 10 gün müddətinə verilmiş tələb və ya onun hissəsinə qarşı əmri vermiş məhkəməni yazılı xəbərdar etməklə etiraz edə bilər. Həmin Məcəllənin 283-cü maddəsinə əsasən borclunun etirazı prossesual baxımdan iddia ərizəsinə bərabər tutulur. Əgər o, vaxtında verilmişdirsə, hakim əmri ləğv edir və materiallar bu Məcəllə ilə müəyyən edilmiş ümumi müddəalara uyğun olaraq iddia icraatına keçir. Qeyd olunanlara əsasən və Azərbaycan Respublikası MPM-nin 275-276, 280-282 və 284-cü maddələrini rəhbər tutaraq, əmr etdim: Ərizə təmin edilsin. xx.xx.1972-ci il təvəllüdlü, ünvan 2 ünvanında qeydiyyatda olan Borclu 3453 (üç min dörd yüz əlli üç) manat məbləğində əsas borcun və 20 manat məbləğində ödənilmiş dövlət rüsumunun, cəmi 3473 (üç min dörd yüz yetmiş üç) manat məbləğində pul vəsaitinin tutulub Kreditor-yə ödənilsin. Borclu məhkəmə əmrini aldığı gündən 10 (on) gün müddətində verilmiş tələbə və ya onun hissəsinə qarşı əmri vermiş məhkəməyə yazılı xəbərdar etməklə etiraz edə bilər. Məhkəmə əmri qətnamə qüvvəsinə malikdir. Məhkəmə əmrindən şikayət verilə bilməz. Sədrlik edən:İlqar Məmmədov