Quba Rayon Məhkəməsi Qətnamə — İş №2(027)-678/2022

Azərbaycan Respublikası adından QƏTNAMƏ Quba şəhəri İş № 2(027)-678/2022 14.03.2022 QUBA RAYON MƏHKƏMƏSİ Quba Rayon Məhkəməsinin hakimi Məmmədov İlqar Aslan oğlu iddiaçı "xxxx" MMC-nin cavabdeh X4 qarşı “pul tələbinə” dair kiçik iddiası üzrə mülki işə sadələşdirilmiş icraat qaydasında baxaraq, m ü ə y y ə n e t d i: İddiaçı "xxxx" MMC iddia ərizəsi ilə məhkəməyə müraciət edərək, 08.03.2021-ci il tarixli müqaviləsinə əsasən “Samsung” markalı tozsoran üçün 386 (üç yüz səksən altı) manat 80 qəpik ödənilməmiş hissə, 38 (otuz səkkiz) manat 20 qəpik cərimə; 09.03.2021-ci il tarixli müqaviləsinə əsasən İMEİ kodu **********43588 “Samsung Galaxy A21s” markalı telefon üçün 408 (dörd yüz səkkiz) manat 40 qəpik ödənilməmiş hissə, 40 (qırx) manat 60 qəpik cərimə, ümumilikdə 874 (səkkiz yüz yetmiş dörd) manat borc və 30 (otuz) manat ödənilmiş dövlət rüsumu, cavabdeh X2 alınaraq "ABC TELECOM” Məhdud Məsuliyyətli Cəmiyyətinə ödənməsi barədə qətnamə qəbul edilməsini xahiş etmişdir. İddiaçı "xxxx" MMC ərizəsini onunla əsaslandırmışdır ki, "ABC TELECOM” MMC ilə cavabdeh X5 arasında bağlanmış 08.03.2021-ci il və 09.03.2021-ci il tarixli müqaviləsinə əsasən “Samsung” markalı tozsoran və İMEİ kodu **********43588 “Samsung Galaxy A21s” markalı telefon almış və nəticədə 874 (səkkiz yüz yetmiş dörd) manat borc yaranmışdır. Cavabdeh müqavilənin şərtlərini pozmuş, üzərinə düşən öhdəliyi icra etməmişdir. İddiaçı "xxxx" MMC məhkəməyə ərizə ilə müraciət etmək qərarına gələrək, cavabdehdən 08.03.2021-ci il tarixli müqaviləsinə əsasən “Samsung” markalı tozsoran üçün 386 (üç yüz səksən altı) manat 80 qəpik ödənilməmiş hissə, 38 (otuz səkkiz) manat 20 qəpik cərimə; 09.03.2021-ci il tarixli müqaviləsinə əsasən “Samsung Galaxy A21s” markalı telefon üçün 408 (dörd yüz səkkiz) manat 40 qəpik ödənilməmiş hissə, 40 (qırx) manat 60 qəpik cərimə, ümumilikdə 874 (səkkiz yüz yetmiş dörd) manat borc və 30 (otuz) manat ödənilmiş dövlət rüsumu, cavabdeh X2 alınaraq "ABC TELECOM” Məhdud Məsuliyyətli Cəmiyyətinə ödənməsi barədə qətnamə qəbul edilməsini xahiş etmişdir. Azərbaycan Respubikası Mülki Prosessual Məcəlləsinin: 284-cü maddəsinə əsasən mülki işlər üzrə iddianın qiyməti iki min manatdan, iqtisadi mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə bu fəslə uyğun olaraq sadələşdirilmiş qaydada baxılmasına yol verilir; 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.1-ci maddəsinə əsasən, işə mahiyyəti üzrə baxan hakim tərəfindən iddianın tam və ya qismən təmin və ya rədd edilməsi haqqında qətnamə qəbul edilir. İş üzrə toplanmış materialları tədqiq edərək, araşdırılan sübutlara məcmu halda hüquqi qiymət verərək hesab edirəm ki, iddia tələbi qismən təmin edilməlidir. Belə ki, iş materiallarında olan: "xxxx" MMC ilə cavabdeh arasında bağlanmış 08.03.2021-ci tarixli müqaviləsinə əsasən X5 “Samsung” markalı tozsoran; "xxxx" MMC ilə cavabdeh arasında 25.06.2019-cu il tarixli müqaviləsinə əsasən X5 İMEİ kodu **********43588 “Samsung Galaxy A21s” markalı telefon almışdır. 13.12.2021 ci il tarixli maliyyə və ödəniş cədvəlinə əsasən, X3 08.03.2021-ci il tarixli müqaviləsinə əsasən “Samsung” markalı tozsoran üçün 386 (üç yüz səksən altı) manat 80 qəpik ödənilməmiş hissə, 38 (otuz səkkiz) manat 20 qəpik cərimə; 09.03.2021-ci il tarixli müqaviləsinə əsasən İMEİ kodu **********43588 “Samsung Galaxy A21s” markalı telefon üçün 408 (dörd yüz səkkiz) manat 40 qəpik ödənilməmiş hissə, 40 (qırx) manat 60 qəpik cərimə, ümumilikdə 874 (səkkiz yüz yetmiş dörd) manat məbləğində borcu yaranmışdır; İşdə olan 19.10.2021-ci il tarixli xəbərdarlığdan görünür ki, X5 tərəfindən banka olan borc ödənilmədiyi təqdirdə barəsində müvafiq tədbirlər görüləcəyi barədə xəbərdar edilmişdir; 14.12.2021-ci il tarixli, ********* nömrəli mədaxil qəbzindən görünür ki, məhkəmədə iddia qaldırılması üçün iddiaçı tərəfindən 30 (otuz) manat məbləğində dövlət rüsumu ödənilmişdir. İşdə olan DİN-nin BPQMİ-nin MAPS arayışından görünür ki, X1 şəhəri, Ərdəbil küçəsi, ev 95 ünvanında qeydiyyatdadır. Beləliklə, tərəflər arasında olan müqavilə münasibətlərindən göründüyü kimi, tərəflər əşyanın nisyə alınıb-satılması barədə razılığa gəlmişlər. Cavabdeh müqaviləyə əsasən hissə-hissə ödəmək şərtilə satın aldığı əşyaların dəyərindən qalan məbləği hər ay vaxtında ödəyəcəyi barədə üzərinə öhdəlik götürsə də, müqavilənin şərtlərini icra etməmiş və nəticədə iddiaçıya 874 (səkkiz yüz yetmiş dörd) manat məbləğində borcu yaranmışdır. Azərbaycan Respublikası Mülki Məcəlləsinin: 600.1-ci maddəsinin tələbinə görə, alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyanın nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinin tələbinə görə, əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 467-ci maddəsinə əsasən, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həm də bütün əsaslı mənafeləri nəzərə alınır. Dəbbə pulu ödənildikdən sonra onun miqdarının azaldılması istisna edilir. Beləliklə, təqdim edilən sənədlərin iş üzrə yekun qərarın çıxarılması üçün kifayət etdiyi, iş üzrə əlavə araşdırmanın, o cümlədən tərəfləri çağıraraq izahatların alınması, yaxud şahidlərdən ifadələrin və ya ekspertlərdən rəyin alınması zərurətinin olmadığı qənaətinə gələrək, hesab edirəm ki, kiçik iddia qismən təmin edilərək yaranmış borc məbləği cavabdehdən iddiaçının xeyrinə tutulmalıdır. Həmçinin, məhkəmə hesab edir ki, Azərbaycan Respublikası Mülki Prosessual Məcəlləsinin 119-cu maddəsinə əsasən məhkəmə xərcləri ödənilmiş tələblərin məbləğində münasib olaraq işdə iştirak edən şəxslərə aid edildiyindən, iddiaçı tərəfindən dövlət büdcəsinə köçürülmüş 30 (otuz ) manat dövlət rüsumu cavabdehdən iddiaçının xeyrinə tutulmalıdır. Şərh olunanlara əsaslanaraq və Azərbaycan Respublikası Mülki Prosessual Məcəlləsinin 284-1, 284-5, 284-6, 216-220-ci maddələrini rəhbər tutaraq, q ə t e t d i: Kiçik mübahisələrə dair iddia ərizəsi qismən təmin olunsun. X2 08.03.2021-ci il tarixli müqaviləsinə əsasən “Samsung” markalı tozsoran üçün 386 (üç yüz səksən altı) manat 80 qəpik ödənilməmiş hissə, 8 (səkkiz) manat 20 qəpik cərimə borcu, 09.03.2021-ci il tarixli müqaviləsinə əsasən İMEİ kodu **********43588 “Samsung Galaxy A21s” markalı telefon üçün 408 (dörd yüz səkkiz) manat 40 qəpik ödənilməmiş hissə, 10 (on) manat 60 qəpik cərimə borcu, ümumilikdə 814 (səkkiz yüz on dörd) manat məbləğində borc və 30 (otuz) manat ödənilmiş dövlət rüsumu tutulub "xxxx" MMC-nin xeyrinə ödənilsin. Qətnamə rəsmi qaydada verildikdən sonra 1(bir) ay müddətində Quba Rayon Məhkəməsi vasitəsilə Sumqayıt Apelyasiya Məhkəməsinə apellyasiya şikayəti verilə bilər. Kiçik iddialara dair işlər üzrə sadələşdirilmiş icraat qaydasında baxılmış işlər üzrə çıxarılmış məhkəmə qətnaməsindən şikayət verilməmişdirsə, qətnamə qəbul edildiyi gündən 1 (bir) ay keçdikdən sonra qanuni qüvvəyə minir. Hakim: İlqar Məmmədov