Qubadlı Rayon Məhkəməsi Qərardad — İş №2(028)-161/2024

Azərbaycan Respublikası adından QƏRARDAD Sumqayıt şəhəri İş № 2(028)-161/2024 23.02.2024 QUBADLI RAYON MƏHKƏMƏSİ X1 İddiaçı Cavabdeh qarşı müqavilə üzrə əsl tərəfin müəyyən edilməsi tələbinə dair ərizəsini nəzərdən keçirib, m ü ə y y ə n e t d i: İddiaçı məhkəməyə müraciət edərək, Cavabdeh ilə aralarında bağlanmış Bakı şəhər 52 saylı notariat kontorunda xx.xx.2023-cü il tarixli kredit müqaviləsi üzrə faktiki tərəf olan X2 əsl tərəf kimi əvəz edilməsi barədə qətnamə çıxarılmasını xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək belə nəticəyə gəlir ki, İddiaçı ərizəsinin qəbul edilməsindən imtina edilməlidir. Belə ki, ərizəyə əlavə edilmiş bildirişdən və ərizənin məzmunundan aydın olur ki, Bakı şəhəri Yasamal Rayon Məhkəməsində Cavabdeh İddiaçı qarşı Bakı şəhər 52 saylı notariat kontorunda aralarında bağlanmış xx.xx.2023-cü il tarixli kredit müqaviləsi üzrə mübahisə tələbinə dair iddiası vardır. Məhkəmə qeyd edir ki, Azərbaycan Respublikası Ali Məhkəməsinin Mülki və Kommersiya kollegiyalarının Əqdə əsaslanan iddialara baxıldığı halda, ayrıca icraatda həmin əqdin etibarlılığının mübahisələndirilməsinin mümkünlüyünə dair qanunvericiliyin tətbiqi məsələləri üzrə xx.xx.2022-ci il tarixli Qərardadına əsasən məhkəmə tərəfindən Bakı şəhəri Yasamal Rayon Məhkəməsində baxılan mülki işdə Bakı şəhər 52 saylı notariat kontorunda tərəflər arasında bağlanmış xx.xx.2023-cü il tarixli kredit müqaviləsinin öyrənilməsi zamanı müqavilə üzrə əsl tərəfin müəyyən edilməsi məsələsi də araşdırılır. Azərbaycan Respublikası Ali Məhkəməsinin Mülki və Kommersiya kollegiyalarının Əqdə əsaslanan iddialara baxıldığı halda, ayrıca icraatda həmin əqdin etibarlılığının mübahisələndirilməsinin mümkünlüyünə dair qanunvericiliyin tətbiqi məsələləri üzrə xx.xx.2022ci il tarixli Qərardadına əsasən - Məhkəmənin icraatında əqdə əsaslanan iddialar olduğu halda, işdə iştirak edən şəxslər tərəfindən ayrıca icraatda həmin əqdin etibarsız hesab edilməsinə dair verilmiş iddia ərizəsinin qəbulundan Azərbaycan Respublikası Mülki Prosessual Məcəlləsinin 153.2.4-cü maddəsinə əsasən imtina olunmalı, belə iddialar səhvən məhkəmənin icraatına qəbul edildiyi halda isə iddia ərizəsi Azərbaycan Respublikası Mülki Prosessual Məcəlləsinin 259.0.4-cü maddəsinə əsasən baxılmamış saxlanılmalıdır. Azərbaycan Respublikası Mülki Prossesual Məcəlləsinin 153.2.4-cü maddəsinə əsasən eyni tərəflər arasında, eyni predmet barəsində və eyni əsaslar üzrə mübahisəyə dair başqa məhkəmənin icraatında iş olarsa, hakim iddianın yolverilməzliyinə görə iddia ərizəsini qəbul etməkdən imtina edir. Həmin Məcəllənin 153.5-ci maddəsinə əsasən ərizəni qəbul etməkdən imtina edilməsi ərizəçiyə həmin cavabdehə qarşı, həmin predmet barəsində və həmin əsaslarla yenidən iddia qaldırmağa mane olur. Yuxarıda göstərilənləri və Azərbaycan Respublikası MPM-nin 153-cü və 263-268-ci maddələrini rəhbər tutaraq, qərara aldı: İddiaçı Cavabdeh qarşı müqavilə üzrə əsl tərəfin müəyyən edilməsi tələbinə dair iddia ərizəsinin qəbulundan imtina edilsin. Qərardaddan şikayət qərardad tərəfə rəsmi qaydada verildikdən sonra 10 gün müddətində Qubadlı Rayon Məhkəməsinə (“Elektron məhkəmə” informasiya sistemində yaradılan elektron kabinetdən istifadə edilməklə) verilə bilər. HAKİM ELMİR HÜSEYNOV