Qubadlı Rayon Məhkəməsi Qətnamə — İş №2(028)-177/2021

Azərbaycan Respublikası adından QƏTNAMƏ Sumqayıt şəhəri İş № 2(028)-177/2021 04.05.2021 QUBADLI RAYON MƏHKƏMƏSİ X3 Ruvinovun sədrliyi İddiaçı MMC Cavabdeh qarşı “borcun ödənilməsi tələbinə” dair mülki işə sadələşdirilmiş icraat qaydasında baxaraq, məhkəmə MÜƏYYƏN ETDİ: İddiaçı MMC iddia ərizəsi ilə məhkəməyə mürciət edərək, Cavabdeh 36,55 manat borcun və 20 manat dövlət rüsumunun İddiaçı MMC-nın xeyrinə tutulmasına dair qətnamə çıxarılmasını xahiş etmişdir. İddia onunla əsaslandırılmışdır ki, İddiaçı MMC-nin X1 ilə Qubadlı rayonu, Qarağac kəndində qeydiyyatda olan Cavabdeh arasında CDMA rabitə xidmətlərinin göstərilməsi barədə 04.10.2011-ci il tarixli müqavilə imzalanmışdır. Borclu Cavabdeh Abşeron TKQ ilə bağladığı xidmət müqaviləsinə əsasən İddiaçı MMC-yə məxsus və cavabdehin istifadəsinə verilmiş ***-**-** nömrəli telefondan istifadəyə görə xidməti haqqını ödəmədiyi üçün 36,55 manat borcu yaratmışdır. Yaranmış borcun ödənilməsi ilə bağlı cavabdehə dəfələrlə yazılı və şifahi xəbərdarlıq edilməsinə baxmayaraq borc ödənilməmişdir.Cavabdeh iddiaçı tərəfin xidmətindən istifadə etmiş, müqavilə üzrə götürdüyü öhdəlikləri yerinə yetirməyərək xidmət haqqıını ödəməkdən yayınmışdır.Borclu ilə Abşeron TKQ arasında bağlanan xidmət Müqaviləsinin 8.1-ci bəndinə əsasən tərəflər arasında mübahisələr qarşılıqlı razılaşma yolu ilə həll edilir.Həmin müqavilənin 8.2-ci bəndinə əsasən razılaşma əldə edilmədiyi halda, bütün mübahisələr və ziddiyyətləri Azərbaycan respublikasının qanunvericiliyinə uyğun olaraq məhkəmə yolu ilə həll edilə bilər. Göstərilənlərə əsasən iddianın təmin edilməsi barədə qətnamə çıxarılması xahiş edilir. Azərbaycan Respublikası Mülki Prosessual Məcəlləsinin 284-5.2-ci maddəsinə əsasən cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təstiq edilmiş etirazını və ona əlavə olunmuş, “Elektron imza və elektron sənəd haqqında”Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. Cavabdeh ünvanlanmış məhkəmə bildirişi cavabdehin ünvanına çatdırılmış, lakin ondan məkəməyə heç bir sənəd daxil olmamışdır. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə işin materiallarını araşdırıb, sübutlara məcmu halda qiymət verərək hesab edir ki, iddia təmin olunmalıdır. İş materiallarında olan 04.10.2011-ci il tarixli İddiaçı MMC-nin X1 ilə Cavabdeh arasında CDMA rabitə xidmətləri barəsində müqavilə bağlanmışdır.Müqavilənin 4.2.1-ci maddəsinə əsasən xidmətlərdən istifadə və rabitə şəbəkəsinə hər bağlantı ilə əlaqədar olaraq TKQ qarşısında yalnız abonent məsuliyyət daşıyır.Abonent CDMA xidmətlərindən lazımi qaydada istifadə etməli və istifadə zamanı bu şərtlər və müddəaların tələblərinə riayət etməlidir.Xidmətlərdən istifadə Telefon rabitəsindən istifadə qaydaları ilə tənzimlənir.4.2.2-ci maddəyə əsasən abonent CDMA tariflər cədvəlində yazılan şərtləri qəbul edir və onlarla razılaşır. ÜŞ-5/624 saylı 01.06.2020-ci il tarixli Maliyyə arayışından görünür ki, Cavabdeh adında olan ******* saylı telefonun üzərində abunə haqqına görə 10 manat, ŞAD görə 26,55 manat, ümumilikdə 36,55 manat borcu mövcuddur. ÜŞ-2/1068 saylı 05.08.2020-ci il tarixli xəbərdarlıqdan görünür ki, Cavabdeh İddiaçı MMC-nin X1na borcu barədə məlumatlandırılmışdır. Azərbaycan Respublikası Mülki Məcəlləsinin 385-ci maddəsinə müvafiq olaraq, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkətləri etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə öhdəliyini icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Borclu öz öhdəliklərinin hər bir təqsirli pozuntusu (hərəkət və ya hərəkətsizlik) üçün məsuliyyət daşıyır. Məhkəmə toplanmış və tədqiq olunmuş sübutlara məcmu halda hüquqi qiymət verərək bu nəticəyə gəlir ki, iddia tələbi təmin edilməli, Cavabdeh 36,55 manat borc və 20 manat dövlət rüsumu İddiaçı MMC-nin xeyrinə tutulmalıdır. Azərbaycan Respublikası Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Göstərilənlərə əsasən və Azərbaycan Respublikası MPM-in 119, 284-1-284-6, 360-cı maddələrini rəhbər tutaraq, məhkəmə QƏT ETDİ: İddia tələbi təmin edilsin. Cavabdeh 36,55 manat borc və 20 manat dövlət rüsumu İddiaçı MMC-nin xeyrinə tutulsun. Qətnamədən məhkəmə qətnaməsi rəsmi qaydada verildiyi gündən bir ay müddətində Qubadlı Rayon Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, qəbul edildiyi gündən bir ay keçdikdən sonra qanuni qüvvəyə minir. HAKİM VLADİMİR RUVİNOV