Qusar Rayon Məhkəməsi Qərardad — İş №2(029)-520/2023

Azərbaycan Respublikası adından QƏRARDAD Qusar şəhəri İş № 2(029)-520/2023 01.06.2023 QUSAR RAYON MƏHKƏMƏSİ Mən, Qusar Rayon Məhkəməsinin hakimi Cəlilov Əli İsa oğlu, İddiaçı Cavabdeh qarşı “yaşayış sahəsindən istifadə qaydasının müəyyən edilməsi” tələbinə dair iddia ərizəsini və ərizəyə əlavə edilmiş sənədləri nəzərdən keçirib, MÜƏYYƏN ETDİM : İddiaçı Cavabdeh qarşı “yaşayış sahəsindən istifadə qaydasının müəyyən edilməsi” tələbinə dair ərizə ilə məhkəməyə müraciət edərək, onun azyaşlı uşaqları ilə birlikdə Qusar rayonu Yasab kəndində yerləşən fərdi yaşayış evindən istifadə hüquqlarına Cavabdeh tərəfindən törədilən maneçiliklərə son qoyulsun. Qusar rayonu Yasab kəndində yerləşən fərdi yaşayış evindən istifadə qaydası müəyyən edilməklə bir otaq onun ayrıca istifadəsinə verilməsi, evin mətbəxi, dəhlizləri, eyvanları, sanitar qovşağı və hamamı evdən istifadə edən şəxslərin ümumi istifadəsində saxlanması, Qusar rayonu Yasab kəndində yerləşən fərdi yaşayış evinin işıq, qaz və su xətlərini kəsməsi cavabdehə qadağan edilməsi, onun istehlak etdiyi qaz, işıq və su haqlarını müəyyən etmək üçün rəsmi qeydiyyata alınmadan daxili nəxarət sayğacları quraşdırılmaqla özünün ödəməsi müəyyən olunması barədə qətnamə çıxarılmasını məhkəmədən xahiş etmişdir. Ərizəni və ərizəyə əlavə edilmiş sənədləri nəzərdən keçirib hesab edirəm ki, ərizə Azərbaycan Respublikası Mülki Prosessual Məcəlləsinin tələblərinə riayət edilməməklə təqdim edildiyindən icraata qəbul edilməməli və geri qaytarılmalıdır. Belə ki, “X1” Azərbaycan Respublikası Qanunun 1.1-ci maddəsinə əsasən dövlət rüsumu - dövlət orqanları və müvafiq icra hakimiyyəti orqanının yaratdığı qurumlar tərəfindən hakimiyyət səlahiyyətlərinin icrası zamanı göstərilən və hüquqi nəticələrin yaranmasına səbəb olan xidmətlərə və hüquqi hərəkətlərə görə (sənədlərin tərtibi, qeydiyyatı, razılıqların verilməsi və s.) ödənilən haqdır (ödənişdir. Azərbaycan Respublikasının Mülki Prosessual Məcəlləsinin 149.2.5.-ci maddəsinə əsasən ərizəyə əlavə edilən sənədlərin siyahısı ərizədə göstərilməlidir. Bu Məcəllənin 152.1.5.-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Bu Məcəllənin 108.3.-ci maddəsinə əsasən dövlət rüsumu yalnız elektron ödəniş sistemləri vasitəsilə ödənilməlidir. Həmin Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Eyni Məcəllənin 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. İş materiallarından görünür ki, iddia ərizəsində dövlət rüsumunun ödənilməsi barədə qəbzin i materiallarına əlavə olunması haqqında qoşmada qeyd olunsada, həmin qəbz iş materiallarına əlavə olunmamışdır. Qeyd olunanlara əsasən hesab edirəm ki, İddiaçı Cavabdeh qarşı “yaşayış sahəsindən istifadə qaydasının müəyyən edilməsi” tələbinə dair iddia ərizəsi və ona əlavə edilmiş sənədlər geri qaytarılmalıdır. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 149-152, 263, 264 və 268-ci maddələrini rəhbər tutaraq məhkəmə, qərara aldı: İddiaçı Cavabdeh qarşı “yaşayış sahəsindən istifadə qaydasının müəyyən edilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya izah edilsin ki, göstərilən nöqsan aradan qaldırıldıqdan sonra iddiaçı təkrarən ümumi qaydada iddia ərizəsi ilə məhkəməyə müraciət edə bilər. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar. Hakim: Əli Cəlilov