Qusar Rayon Məhkəməsi Qərardad — İş №2(029)-766/2020

Azərbaycan Respublikası adından QƏRARDAD Qusar şəhəri İş № 2(029)-766/2020 12.08.2020 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu İddiaçı ASC-nin Cavabdeh1 və qeyrilərinə qarşı kredit müqaviləsinin ləğvi, kreditin, faizlərin və zərərin ödənilməsi tələbinə dair iddia ərizəsinə baxaraq, Müəyyən etdim: İddiaçı ASC Cavabdeh1 və qeyrilərinə qarşı kredit müqaviləsinin ləğvi, kreditin, faizlərin və zərərin ödənilməsi tələbinə dair iddia ərizəsi ilə məhkəməyə müraciət etmişdir. İş materiallarından görünür ki, iddia ərizəsi xx xxxx 2020-ci il tarixdə tərtib olunduğu halda, iddia ərizəsinə əlavə olunmuş qəbzdə dövlət rüsumunun xx.xx.2018-ci il tarixdə ödənildiyi qeyd olunmuşdur. Bundan başqa, qəbzdə iddianın məhz hansı şəxsə (şəxslərə) qarşı yönəldiyi də qeyd olunmamışdır. Bununla da, iddiaçı tərəfindən ödənilmiş dövlət rüsumunun məhz hazırkı iş üzrə ödənilməsinə əsaslı şübhə yaradır və hesab edirəm ki, iddiaçı tərəfindən qanunla müəyyən edilmiş qaydada dövlət rüsumu ödənilməmişdir. Azərbaycan Respublikasının MPM-nin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Ona görə də hesab edirəm ki, iddia ərizəsi geri qaytarılmalıdır. Yuxarıda göstərilənlərə əsasən və Azərbaycan Respublikasının MPM-nin 152, 263- 264, 267-268-ci maddələrini rəhbər tutaraq, Qərara aldım: İddia ərizəsi və ona əlavə edilmiş sənədlər İddiaçı ASC-nə geri qaytarılsın. İddiaçı ASC-nə izah edilsin ki, göstərilən nöqsanlar aradan qaldırıldıqdan sonra yenidən ümumi qaydada ərizə ilə aidiyyəti üzrə məhkəməyə müraciət etmək olar. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar.