Qusar Rayon Məhkəməsi Qərardad — İş №2(029)-811/2022

Azərbaycan Respublikası adından QƏRARDAD Qusar şəhəri İş № 2(029)-811/2022 08.08.2022 QUSAR RAYON MƏHKƏMƏSİ Qusar rayon məhkəməsinin hakimi Cəlilov Əli İsa oğlu, İddiaçı Məhsimova (Nizaməddinova) Səbinə Nasim qızının Cavabdeh qarşı “alimentin miqdarının artırılmasına” dair iddia ərizəsinin məhkəmə icraatına götürülməsinin mümkünlüyünə baxaraq məhkəmə, müəyyən etdi: İddiaçı Məhsimova (Nizaməddinova) Səbinə Nasim qızı Cavabdeh qarşı “alimentin miqdarının artırılmasına” dair iddia ərizəsi ilə məhkəməyə müraciət edərək Cavabdeh birgə nikahlarından anadan olan uşaqlarının 22 dekabr 2011-ci il təvəllüdlü X3, 19 avqust 2013-cü il təvəllüdlü X1 və 16 avqust 2016-cı il təvəllüdlü X2 yetkinlik yaşına çatana kimi saxlanması üçün onun xeyrinə tutulan alimentin miqdarını artıraraq hər ay hər uşağa görə 193 manat olmaqla cəmi 579 manat sabit pul məbləğində aliment tutularaq uşaqların yetkinlik yaşına çatana kimi saxlanması üçün ona verilməsi barədə məhkəmədən xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi ona əlavə edilmiş sənədlərlə birlikdə geri qaytarılmalıdır. Belə ki, Azərbaycan Respublikasının MPM-nin 89.3-cü maddəsinə əsasən yazılı sübutların əsli və ya lazımi qaydada təsdiq olunmuş surəti təqdim edilir. Əgər baxılan işə sənədin yalnız bir hissəsi aiddirsə, belə olan halda, bu sənəddən təsdiq olunmuş çıxarış təqdim edilir. Həmin Məcəllənin 149.2.3, 149.2.5-ci maddələrinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb; ərizəyə əlavə edilən sənədlərin siyahısı göstərilməlidir. Mülki prosessual qanunvericiliyə əsasən ərizəyə əlavə edilən sənədlərin siyahısı ərizənin tərkib hissəsi kimi müəyyən edilmişdir. İş materiallarından görünür ki, cavabdehin maddi və əmlak vəziyyətinin dəyişməsi, onun hazırda işləyib-işləməməsi, aylıq sabit gəlirinin olub-olmaması barədə müvafiq sənədlərin surətləri ərizəyə əlavə olunmamşdır. Bundan başqa iddia ərizəsinə əlavə olunmuş sənədlərin surətləri lazımı qaydada təsdiq olunmamışdır. Azərbaycan Respublikası Mülki Prosessual Məcəlləsinin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.1.1-ci maddəsinə əsasən iddia ərizəsinin bu Məcəllənin 149cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Göstərilənlərə əsasən məhkəmə hesab edir ki, iddiaçı Məhsimova (Nizaməddinova) Səbinə Nasim qızının Cavabdeh qarşı “alimentin miqdarının artırılmasına” dair iddia ərizəsi və ona əlavə edilmiş sənədlər iddaiçıya geri qaytarılmalıdır. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 149-152, 263, 264 və 268-ci maddələrini rəhbər tutaraq məhkəmə, qərara aldı : İddiaçı Məhsimova (Nizaməddinova) Səbinə Nasim qızının Cavabdeh qarşı “alimentin miqdarının artırılmasına” dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçıya izah edilsin ki, göstərilən nöqsan aradan qaldırıldıqdan sonra iddiaçı təkrarən ümumi qaydada iddia ərizəsi ilə məhkəməyə müraciət edə bilər. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar. Hakim: Əli Cəlilov