Daşkəsən Rayon Məhkəməsi Qətnamə — İş №2(030)-323/2023

Azərbaycan Respublikası adından QƏTNAMƏ Daşkəsən rayonu İş № 2(030)-323/2023 22.05.2023 DAŞKƏSƏN RAYON MƏHKƏMƏSİ Hakim Mustafayev Mustafa Əli oğlunun sədrliyi, Fərzəliyev Bəylər Amil oğlunun katibliyi ilə, İddiaçı “X3mayan Kredit Təşkilatı” X1 (bundan sonra "xxxx" MMC) Cavabdeh qarşı pul tələbinə dair kiçik iddiası üzrə mülki işə sadələşdirilmiş icraat qaydasında baxaraq MÜƏYYƏNETDİ: İddiaçı "xxxx" MMC Cavabdeh qarşı iddia ərizəsi ilə məhkəməyə müraciət edərək, Cavabdeh 29 dekabr 2020-ci il tarixli GGK01181 saylı “Nisyə alqı-satqı müqaviləsi”nə üzrə 173.45 manat qalıq borc, 105.45 manat cərimə borcu olmaqla, cəmi 278.90 manat borcun və ödənilmiş 30 manat dövlət rüsumunun alınıb “X3mayan Kredit Təşkilatı” MMC-yə ödənilməsi barədə qətnamə çıxarılmasını xahiş etmişdir. İş üzrə bildirişdən və poçt xəbərnaməsindən görünür ki, Cavabdeh göndərilmiş 04 may 2023-cü il tarixdə “bu ünvanda yaşamır” poçt qeydi ilə geri qaytarılmışdır. İddia ərizəsindən görünür ki, iddiaçı "xxxx" MMC Cavabdeh qarşı iddia ərizəsi ilə məhkəməyə müraciət edərək, satıcı "xxxx" MMC ilə Cavabdeh arasında bağlanmış 29 dekabr 2020-ci il tarixli GGK01181 saylı “Nisyə alqı-satqı müqaviləsi”nə əsasən ilkin ödəniş 50 manat olmaqla, 12 ay müddətinə hissə-hissə hər ay üçün 21 manat, sonuncu ay üçün isə 22.45 manat ödəmək şərti ilə, 303.45 manat dəyərində Malların nisyə satış müqaviləsinə 2 saylı Əlavədə-Təhvil-təslim aktında göstərilən məişət texnikalarını nisyə satılmış və həmin məhsullar cavabdehə Təhvil-təslim aktı üzrə təhvil verilmişdir. Müqavilənin və tərəflər arasında tərtib edilmiş “ödəniş qrafiki”nin şərtlərinə borclu tərəfindən əməl edilməmiş, o, borcun qaytarılmasına dair öhdəliyi vaxtında və lazımi qaydada icra etməmişdir. Borcluya dəfələrlə tərəfimizdən yazılı və şifahi qaydada xəbərdarlıq edilməsinə baxmayaraq, o, öhdəliyini yerinə yetirməmişdir. Cavabdehin iddiaçı qarşısında xx.xx.2020-ci il tarixli GGK01181 saylı müqavilə üzrə 173.45 manat qalıq borcu, 105.45 manat cərimə borcu olmaqla, cəmi 278.90 manat borcu yaranmışdır. "xxxx" MMC tərəfindən borclu Cavabdeh xx.xx.2020-ci il tarixli GGK01181 saylı nisyə alqı-satqı müqaviləsindən irəli gələn pul tələbini "xxxx" MMC-yə güzəşt etməsi barədə bildiriş verilmişdir. İşə əlavə edilmiş 29 dekabr 2020-ci il tarixli GGK01181 saylı “Nisyə alqı-satqı müqaviləsi”nin surətindən görünür ki, "xxxx" MMC ilə Cavabdeh arasında bağlanmış 29 dekabr 2020-ci il tarixli GGK01181 saylı “Nisyə alqı-satqı müqaviləsi”nə əsasən “satıcı” “alıcı”ya siyahısı Təvil-təslim aktında göstərilən mal(lar)ı satır, alıcı isə həmin mal(lar)ı qəbul edir və bu müqavilə ilə razılaşdırılmış qaydada mal(lar)ın dəyərini “satıcı”ya ödəməlidir. İşə əlavə edilmiş 29 dekabr 2020-ci il tarixli GGK01181 saylı “Nisyə alqı-satqı müqaviləsi”nə 1 saylı Əlavənin surətindən görünür ki, caavbdeh Cavabdeh hər ay 21 manat ödəməklə 12 ay müddətinə alqı-satqı qiyməti 303.45 manat olan “Samsung Galaxy” markalı mobil telefonu satın almışdır. İşə əlavə edilmiş 29 dekabr 2020-ci il tarixli təhvil-təslim aktının surətindən görünür ki, 29 dekabr 2020-ci il tarixli GGK01181 saylı “Nisyə alqı-satqı müqaviləsi”nə əsasən 1 ədəd “Samsung Galaxy A10s 32GB Red” markalı mobil telefon Cavabdeh təhvil verilmiş, Cavabdeh tərəfindən akt imzalanmışdır. İşə əlavə edilmiş 06 mart 2023-cü il tarixli Maliyyə arayışından görünür ki, Cavabdeh, 29 dekabr 2020-ci il tarixli GGK01181 “Nisyə alqı-satqı müqaviləsi”nə əsasən qalıq borc məbləği 173.45 manat, hesablanmış cərimə məbləği 351.52 manat, hesablanmış cərimə məbləğinin 30%-i 105.45 manat olmaqla, qalıq borcun və cərimənin 30%-nin cəmi 278.90 manat məbləğində borcu vardır. İşə əlavə edilmiş 12 aprel 2023-cü il tarixli ********** nömrəli mədaxil qəbzinin surətindən görünür ki, "xxxx" MMC tərəfindən 30 manat məbləğində dövlət rüsumu ödənilmişdir. Məhkəmə iddia ərizəsini, işdə olan hüquqi sənədləri tədqiq edib, toplanmış üçün təmin olunmalıdır. Belə ki sübutların məcmusuna hüquqi qiymət verərək, belə nəticəyə gəlir ki, iddia tələbi əsaslı və qanuni olduğu, məhkəmə baxışında işin faktiki halları ilə müəyyən edildi ki, iddiaçı "xxxx" MMC ilə Cavabdeh arasında bağlanmış 29 dekabr 2020-ci il tarixli GGK01181 saylı “Nisyə alqı-satqı müqaviləsi”nə əsasən 1 ədəd "xxxx" markalı mobil telefonu 303.45 manata satın almışdır. Cavabdehin MMC-yə 29 dekabr 2020-ci il tarixli GGK01181 saylı “Nisyə alqı-satqı müqaviləsi” üzrə 173.45 manat məbləğində qalıq borcu və 105.45 manat cərimə borcu yaranmışdır. AR MM-in 467-ci maddəsinə əsasən məhkəmə cavabdehin maddi vəziyyətinin ağırlığı, hesablanmış cərimənin tənasübsüzlüyü nəzərə 29 dekabr 2020-ci il tarixli GGK01181 saylı “Nisyə alqı-satqı müqaviləsi” üzrə hesablanmış 105.45 manat məbləğində cərimə azaldılaraq 2 manat məbləğində müəyyən edilməlidir. Şərh olunanlara və iş üzrə tərəfin təqdim etdiyi sənədlərə əsasən məhkəmə hesab edir ki, iddia qismən təmin edilməli, Cavabdeh 29 dekabr 2020-ci il tarixli GGK01181 saylı “Nisyə alqı-satqı müqaviləsi”nə əsasən 1 ədəd "xxxx" markalı mobil telefon üçün 175.45 manat pul vəsaiti alınaraq iddiaçı “X3mayan Kredit Təşkilatı” MMC-yə ödənilməlidir. Azərbaycan Respublikası MPM-nin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Qeyd olunan hüquq normasına uyğun olaraq məhkəmə hesab edir ki, iddia tam təmin olunduğu üçün iddiaçı tərəfindən ödənilmiş 30 manat məbləğində dövlət rüsumu cavabdehə aid edilməlidir. Azərbaycan Respublikası MPM-nin 119.1-ci maddəsinə uyğun olaraq məhkəmə hesab edir ki, iddia tam təmin olunduğu üçün iddiaçı tərəfindən ödənilmiş 30 manat məbləğində dövlət rüsumu cavabdehə aid edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 385-1, 284-1, 284-5 və 284-6-cı maddələrini rəhbər tuturaq, məhkəmə QƏT ETDİ: İddia qismən təmin edilsin. Cavabdeh 29 dekabr 2020-ci il tarixli GGK01181 saylı “Nisyə alqı-satqı müqaviləsi”nə əsasən "xxxx" markalı mobil telefon üçün 175.45 manat pul vəsaiti və ödənilmiş 30 manat dövlət rüsumu tutularaq “X3mayan Kredit Təşkilatı” X2 ödənilsin. İddia tələbi qalan hissədə təmin edilməsin. Qətnamədən 1 ay müddətində Daşkəsən Rayon Məhkəməsi vasitəsilə Gəncə Apelyasiya Məhkəməsinə apelyasiya şikayəti verilə bilər. Hakim: Mustafa Mustafayev