Şabran Rayon Məhkəməsi Qətnamə — İş №2(031)-825/2020

Azərbaycan Respublikası adından QƏTNAMƏ Şabran şəhəri İş № 2(031)-825/2020 24.11.2020 ŞABRAN RAYON MƏHKƏMƏSİ Hakim İsgəndərov Çingiz Əmir oğlunun sədrliyi Məhərrəmov Aydın Yarməmməd oğlunun katibliyi ilə İDDİAÇİ: «İddiaçı» İstehsalat Birliyinin CAVABDEH: Cavabdeh qarşı Dəymiş maddi ziyanın ödənilməsi tələbinə dair mülki işə açıq məhkəmə iclasında baxaraq müəyyən etdi: «İddiaçı» İstehsalat Birliyi məhkəmədə Cavabdeh qarşı iddia qaldıraraq ünvan 1 ünvanında yaşayan Cavabdeh 475.20 manat məbləğində pul vəsaitinin və 20 manat dövlət rüsumunun tutularaq Azərbaycan Respublikası Dövlət Neft Şirkəti «İddiaçı» İB-nin xeyrinə ödənilməsi barədə qətnamə çıxarılmasını xahiş etmişdir. İddiaçı «İddiaçı» İstehsalat Birliyi iddiasını onunla əsaslandırmışdır ki, X2 X1 rayonu üzrə Xidmət Sahəsində abonent kimi qeydiyyatda olan ünvan 1 ünvanında yaşayan Cavabdeh fərdi yaşayış evində qaz təsərrüfatına baxış keçirilərkən sayğacdan kənar qeyri-qanuni xətt vasitəsi ilə təbii qazdan istifadə olunduğu aşkar olunmuş və ona dəymiş maddi ziyan (itirilmiş qazın həcmi) 4752 m3 hesablanmışdır. Rəsmi xəbərdarlıq edilməsinə baxmayaraq Cavabdeh dəymiş maddi ziyanı ödəməkdən imtina edir. Xahiş edir, ünvan 2 ünvanında yaşayan Cavabdeh 475.20 manat məbləğində pul vəsaitinin və 20 manat dövlət rüsumunun tutularaq Azərbaycan Respublikası Dövlət Neft Şirkəti «İddiaçı» İB-nin xeyrinə ödənilməsi barədə qətnamə çıxarılsın. Cavabdeh məhkəmə iclasında iddianı qəbul edərək bildirdi ki, «İddiaçı» İB-i ona məxsus fərdi yaşayış evini təbii qazla təchiz etmişdir. Onun sayğacına baxış keçirilmiş, sayğacdan kənar qeyri –qanuni xətt vasitəsi rlə təbii qazdan istifadə halı aşkar edilmişdir. Bu barədə akt tərtib olunmuşdur. Təbii qazdan qanunsuz olaraq kənar xəss vasitəsi ilə istifadə etdiyinə görə 475.20 manat məbləğində ziyan hesablanmışdır. O, məhkəmədə ona qarşı qaldırılan iddianı qəbul edir. «İddiaçı» İB-nə olan borcunu hissə-hissə ödəməyə etiraz etmir. Məhkəmə cavabdehi dinləyib, işdə olan sənədləri araşdırıb hesab edir ki, iddia təmin edilməlidir. Belə ki, iş materiallarında olan «İddiaçı» İB-yi tərəfindən tərtib edilmiş xx xxxxxx 2020-ci il tarixli dəymiş ziyanın bərpasına dair tələbnamədən görünür ki, təbii qazdan istifadə qaydalarının pozulması haqqında xx xxxxxx 2020-ci il tarixli ******* saylı akta əsasən 3024 kub metr itirilmiş qazın bərpa edilməli olması qeyd olunmuşdur. İşə əlavə edilmiş Təbii qazandan istifadə qaydalarının pozulması haqqında ******* saylı aktdan görünür ki, Cavabdeh məxsus G-4 markalı, ******* nömrəli qaz sayğacının plombu qırıq olduğu üçün sayğacabaxış keçirilmiş və sayğacın mexanizminə sim keçirilərək işlədilməsi aşkar olunmuşdur. İşə əlavə edilmiş qaz paylayıcısı ilə məişət qaz qurğusu istifadəçisi arasında qazın alqı-satqısı barədə xx xxxxxx 2020-ci il tarixli müqavilədən görünür ki, Xaçmaz Regional Qİİ ilə Cavabdeh arasında müqavilə bağlanmış və müqaviləyə əsasən paylayıcı bu müqavilə ilə müəyyən edilmiş şərtlərə uyğun olaraq İstehlakçını keyfiyyətli qazla təmin edir, İstehlakçı isə aldığı qazın dəyərini qaz sayğacının göstəricilərinə uyğun olaraq Paylayıcı tərəfindən təqdim edilən hesaba əsasın ödəyir. İşə əlavə edilmiş Abonentin saldosundan görünür ki, Cavabdeh qazdan istifadəyə görə 475.20 manat borcu yaranmışdır. Azərbaycan Respublikası Mülki Məcəlləsinin 21.1-ci maddəsinə əsasən zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər. Həmin Məcəllənin 21.2-ci maddəsinə əsasən zərər dedikdə, hüququ pozulmuş hüququnu bərpa etmək üçün çəkdiyi və ya çəkməli olduğu xərclər, əmlakdan məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adı mülki dövriyyə şəraitində əldə edəcəyi gəlirlər (əldən çıxmış fayda) başa düşülür. Həmin Məcəllənin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 16-cı maddəsinə əsasən fiziki və hüquqi şəxslərin yalnız və yalnız başqa şəxsə ziyan vurmaq niyyəti ilə həyata keçirdikləri hərəkətlərə, habelə hüquqdan digər formalarda sui-istifadə edilməsinə yol verilmir. Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. Heç bir sübutun məhkəmə üçün qabaqcadan müəyyən edilmiş qüvvəsi yoxdur. Həmin Məcəllənin 106.1-ci maddəsinə əsasən işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir. Həmin Məcəllənin 191.3-cü maddəsinə əsasən cavabdeh tərəfindən iddia etiraf edildikdə və bu, məhkəmə tərəfindən təsdiq edildikdə, məhkəmə iddiaçının irəli sürdüyü tələblərin təmin olunması barədə qətnamə çıxarır. Ona görə də, məhkəmə belə nəticəyə gəlir ki, iddia təmin edilməli, ünvan 1 ünvanında yaşayan Cavabdeh 475.20 manat məbləğində pul vəsaiti və 20 manat dövlət rüsumu tutularaq Azərbaycan Respublikası Dövlət Neft Şirkəti «İddiaçı» İB-nin xeyrinə ödənilməlidir. Qeyd olunanlara əsasən və Azərbaycan Respublikası MPM-nin 216-237-ci maddələrini rəhbər tutaraq məhkəmə qət e t d i: İddia təmin edilsin. ünvan 1 ünvanında yaşayan Cavabdeh 475.20 manat məbləğində pul vəsaiti və 20 manat dövlət rüsumu tutularaq Azərbaycan Respublikası Dövlət Neft Şirkəti «İddiaçı» İBnin xeyrinə ödənilsin. Məhkəmə qətnaməsi şikayət verilməmişdirsə, qəbul edildiyi gündən 1 ay keçdikdən sonra qanuni qüvvəyə minir. Qətnamə rəsmi qaydada verildiyi gündən bir ay müddətində Şabran rayon məhkəməsi vasitəsi ilə Sumqayıt Apellyasiya məhkəməsinə apellyasiya şikayəti verilə bilər. Hakim Çingiz İsgəndərov