Zərdab Rayon Məhkəməsi Qətnamə — İş №2(035)-170/2024

Azərbaycan Respublikası adından QƏTNAMƏ Zərdab rayonu İş № 2(035)-170/2024 29.03.2024 ZƏRDAB RAYON MƏHKƏMƏSİ İddiaçı Cavabdeh qarşı “pul tələbinə” dair mülki iş üzrə (Açar sözlər: Pul tələbi) X2 Elxan oğlunun sədrliyi Babayeva Leyla Şirin qızının katibliyi İddiaçı Cavabdeh iştirakı ilə, İddiaçı Cavabdeh qarşı “pul tələbi”nə dair iddia ərizəsi üzrə mülki işə Zərdab Rayon Məhkəməsinin binasında 29 mart 2024-cü il tarixdə açıq məhkəmə iclasında baxaraq, Müəyyən Etdi: İddiaçı Cavabdeh qarşı iddia ərizəsi ilə məhkəməyə müraciət edərək cavabdehdən 4659 manat pulun və dövlət rüsumu olaraq ödənilmiş olduğu 67 manat olmaqla, cəmi 4726 manat məbləğində pulun məcburi qaydada alınaraq mənə verilməsi barədə qətnamə çıxarılmasını xahiş etmişdir. İşin faktiki halları: İddia tələbi onunla əsaslandırılmışdır ki, tərəflər arsında dərin dostluq-yoldaşlıq münasibətləri olduğu üçün 2023-cü ilin noyabr ayında cavabdeh Zərdab şəhəri Azərbaycan küçəsində yerləşən “Aydan” mağazasından 4659 manat məbləğində nisiyə kontur götürmək istəsədə, mağazanın sahibi X3 ona nisiyə mal vermədiyini bildirmişdir. iddiaçı cavabdehi yaxından tanıdığı üçün Oqtay Eyvazova telefon zəngi edərək tanıdığı adam olduğunu deyərək cavabdehə kontur verməsini xahiş etmişdir. Oqtay Eyvazovda iddiaçıya bildirmişdir ki, əgər Cavabdeh pulunu qaytarmasa pulunu ondan alacaqdır. İddiaçı isə heç-bir narahatçılq olmadığını bildirdirmişdir. Lakin, cavabdeh bugünədək X1 olan borcunu qaytarmamışdır. Cavabdeh iddiaçıya olan borcundan hazırki vaxta kimi 4659 manat qalıq borcu qalmışdır. Lakin, cavabdeh bu vaxta kimi qalıq borcu olan 4659 manat məbləğində pulu iddiaçıya geri qaytarmadığı üçün X3 pulu ondan almışdır. Verilən müddətin keçməsinə baxmayaraq cavabdeh hər dəfə bir bəhanə gətirməklə ondan borc olaraq almış olduğu pulu qaytarmamışdır. İddiaçı tərəfindən cavabdehə borcun ödənilməsi barədə xəbərdarlıq olunmasına baxmayaraq cavabdeh tərəfindən borcun könüllü ödənişi təmin edilməmişdir. Cavabdehin keçən müddət ərzində iddiaçıya qalıq borcu olduğı 4659 manat pulu ödəmədiyindən belə nəticəyə gəlmişdir ki, cavabdeh özü könüllü olaraq borcunu qaytarmaq fikrində deyil. Ona görə də hazırki iddia ilə məhkəməyə müraciət edilmişdir. Məhkəmədən iddianın təmin edilməsini xahiş etmişdir. Məhkəmə icraatı iştirakçılarının iştirakı və izahatları: Məhkəmə iclasında İddiaçı iddianı müdafiə edərək izahatında göstərmişdir ki, cavabdehlə yaxın münasibətləri olmuşdur. Cavabdeh 2023-ci ilin noyabr ayında ona yaxınlaşaraq Zərdab şəhəri Azərbaycan küçəsində yerləşən “Aydan” mağazasından 4659 manat məbləğində nisiyə kontur götürmək istəsədiyini bildirmişdir. Lakin, mağazanın sahibi X3 cavabdehə nisiyə mal vermədiyi üçün o, Oqtay Eyvazova telefon zəngi edərək tanıdığı adam olduğunu deyərək 4659 manat məbləğində cavabdehə kontur verməsini xahiş etmişdir. Oqtay Eyvazovda qeyd olunan məbləğdə olan konturu cavabdehə vermişdir. Lakin, cavabdeh verilən müddətin keçməsinə baxmayaraq hər dəfə bir bəhanə gətirməklə ondan borc olaraq almış olduğu pulu qaytarmamışdır. Onun tərəfindən cavabdehə borcla bağlı çoxlu sayda zənglər edib iradlarını bildirmək istədikdə, cavabdeh ona borclu olduğunu etiraf etsədə müxtəlif bəhanələr gətirərək olan borcunu ödəməkdən boyun qaçırmışdır. Cavabdehin keçən müddət ərzində ona borclu olduğı 4659 manat pulu ödəmədiyindən belə nəticəyə gəlmişdir ki, cavabdeh özü könüllü olaraq ona olan borcunu qaytarmaq fikrində deyil. Odur ki, məhkəmədən iddianın təmin edilməsini xahiş edir Məhkəmə iclasında Cavabdeh iddianı qəbul edərək izahatında göstərmişdir ki, iddiaçı ilə yaxın münasibətləri olmuşdur. O, 2023-ci ilin noyabr ayında Zərdab şəhəri Azərbaycan küçəsində yerləşən “Aydan” mağazasından 4659 manat məbləğində nisiyə kontur götürmək istəsədiyini bildirmişdir. Lakin, mağazanın sahibi X3 ona nisiyə mal vermədiyi üçün Oqtay Eyvazovla yaxın münasibətdə olan iddiaçıdan ona xahiş etməyini istəmişdir. İddiaçı Oqtay Eyvazova telefon zəngi edərək tanıdığı adam olduğunu deyərək 4659 manat məbləğində kontur ona verməsini xahiş etmişdir. İddiaçı tərəfindən mağazanın sahibi Oqtay Eyvazova zəng olduqdan sonra ona 4659 manat məbləğində kontur verilmişdir. İddiaçıya əsas borca görə 4659 manat və ödənilmiş dövlət rüsumuna görə 67 manat olmaqla cəmi 4726 manat borcu vardır. İddiaçıya olan borcunu maddi durumu və ailə vəziyəti ağır olduğu üçün ödəyə bilməmişdir. Odur ki, iddiaçıya olan borcunu ödəməyə razıdır və gələcəkdə hissə-hissə ödəyəcəkdir. Mülki işdə olan sənədlər: İş materiallarında olan xx.xx.2023-cü il tarixli qəbzlərdən görünür ki, İddiaçı tərəfindən iddia ərizəsinə məhkəmədə baxılması üçün dövlət büdcəsinə 67 manat məbləğində dövlət rüsumu ödənilmişdir. İşdə olan Cavabdeh tərəfindən məhkəməyə təqdim olunmuş xx.xx.2024-cü il tarixli ərizədən görünür ki, o, iddianı qəbul edərək İddiaçı 4726 manat məbləğində borcu olduğunu, həmin borcu ödəməyə razı olduğunu və gələcəkdə hissə-hissə ödəyəcəyini bildirmişdir. Mülki işdə tədbiq edilən hüquq: Azərbaycan Respublikası Konstitusiyası: 60-cı maddəsinin 1-ci hissəsinə görə hər kəsin hüquq və azadlıqlarının məhkəmədə müdafiəsinə təminat verilir. 71-ci maddəsinə görə vətəndaşların hüquq və azadlıqlarını gözləmək və qorumaq qanunverici, icra və məhkəmə orqanlarının borcudur. 72-ci maddəsinin 2-ci hissəsinə görə hər bir şəxs Azərbaycan Respublikasının Konstitusiyasına və qanunlarına əməl etməli, başqa şəxslərin hüquq və azadlıqlarına hörmət bəsləməli, qanunla müəyyən edilmiş digər vəzifələri yerinə yetirməlidir. Azərbaycan Respublikası Mülki Məcəlləsi: 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 739.1-ci maddəsinə əsasən borc müqaviləsinə görə iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə, miqdarda olan eyni növlü əşyalar şəklində borc verənə qaytarmağı öhdəsinə götürür. Həmin Məcəllənin 739.2-ci maddəsinə görə borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər. Həmin Məcəllənin 740.1-ci maddəsinə görə borc müqaviləsi tərəflərin razılaşması ilə şifahi və ya yazılı formada bağlanır. Həmin Məcəllənin 443.1-ci maddəsinə görə öhdəliyini icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki Prosessual Məcəlləsi: 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. 76.1-ci maddəsinəəsasən tərəflərin tələb və etirazlarınıəsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən bu Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. 76.2.-ci maddəsinəəsasən bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmənin mövqeyi: Məhkəmə iş üzrə aşağdakıları qeyd etməyi zəruri hesab edir. Beləliklə, məhkəmə araşdırması zamanı iddiaçının və cavabdehin izahatından və iş materiallarından müəyyən olundu ki, 2023-cü ilin noyabr ayında cavabdeh Zərdab şəhəri Azərbaycan küçəsində yerləşən “Aydan” mağazasından 4659 manat məbləğində nisiyə kontur götürmək istəsədə, mağazanın sahibi X3 ona nisiyə mal vermədiyini bildirmişdir. Odur ki, iddiaçı Oqtay Eyvazova telefon zəngi edərək yaxından tanıdığı adam olduğunu deyərək cavabdehə kontur verməsini xahiş etmişdir. Oqtay Eyvazovda iddiaçıya bildirmişdir ki, əgər Cavabdeh pulunu qaytarmasa pulunu ondan alacaqdır. İddiaçı isə heçbir narahatçılq olmadığını bildirdirmişdir. Lakin, cavabdeh bu vaxta kimi qalıq borcu olan 4659 manat məbləğində pulu iddiaçıya geri qaytarmadığı üçün iddiaçı məcbur olub X1 olan borcu özü qaytarmışdır. Həmin borcun könüllü şəkildə ödənilməsi üçün dəfələrlə cavabdehə xəbərdarlıq olunsa da, borcun könüllü şəkildə ödənişi təmin edilməmişdir. Ona görə də iddiaçı hazırki iddia ərizəsi ilə məhkəməyə müraciət etmişdir. Məhkəmə iddiaçının izahatına, işin digər materiallarına məcmu halında qiymət verərək və yuxarıda istinad olunan maddi və prosessual qanunvericilik normalarının müddəalarını rəhbər tutaraq, belə nəticəyə gəlir ki, iddia təmin edilməli, cavabdehdən borca görə 4659 manat və dövlət rüsumuna görə ödənilmiş 67 manat pul tutularaq iddiaçıya verilməlidir. Azərbaycan Respublikasının MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə görə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Göründüyü kimi, qanunverici məhkəmənin üzərinə yalnız məhkəməyə tərəflərin təqdim etdikləri sübutları araşdırıb, onlardan istifadə etmək vəzifəsini, tərəflərin üzərinə isə tələb və etirazlarının əsası kimi istinad etdikləri halları məhkəmədə sübut etmək vəzifəsini qoymuşdur. Məhkəmə bununla əlaqədar qeyd etməyi zəruri hesab edir ki, Mülki prosessual qanunvericiliyin (MPM-nın 14, 2, 77.1-ci maddələri) tələbinə əsasən hər bir tərəf tələb və etirazının əsası kimi istitnad etdiyi halları sübut etməli, məhkəmə isə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikasının MPM-nin 119-cu maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Odur ki, iddia təmin olunduğu üçün məhkəmə xərcləri ödənilmiş tələblərin məbləğinə münasib olaraq cavabdehə aid edilməlidir. Beləliklə, məhkəmə yuxarıda göstərilənlərə əsaslanaraq və Azərbaycan Respublikası MPM-nin 216-220, 360-cı maddələrini rəhbər tutaraq, Qət Etdi: İddia təmin edilsin. Cavabdeh yaranmış borca görə 4659 manat və dövlət rüsumuna görə ödənilmiş 67 manat, cəmi 4726 manat pul tutularaq İddiaçı ödənilsin. Qətnamədən, qətnamə işdə iştirak edən şəxslərə rəsmi qaydada verildiyi gündən bir ay müddətinə “Elektron məhkəmə” informasiya sistemində yaradılan elektron kabinetdən Zərdab Rayon Məhkəməsi vasitəsi ilə Şəki Apelyasiya Məhkəməsinə apelyasiya şikayəti verilə bilər. Sədrlik edən İlqam Həsənquliyev