Zərdab Rayon Məhkəməsi Qətnamə — İş №2(035)-642/2023

Azərbaycan Respublikası adından QƏTNAMƏ Zərdab rayonu İş № 2(035)-642/2023 09.10.2023 ZƏRDAB RAYON MƏHKƏMƏSİ Zərdab Rayon Məhkəməsi X2 Elxan oğlunun sədrliyi Məhkəmə iclas katibi X1 iştirakı ilə, İddiaçı "xxxx" MMC-nin cavabdeh Nəsibova (Həmidova) Şərqiyə Rəfail qızına qarşı “pul tələbinə dair” kiçik iddialara dair sadələşdirilmiş icraat qaydasında ərizəsi üzrə mülki işə 09 oktyabr 2023-cü il tarixdə Zərdab Rayon Məhkəməsinin binasında baxaraq, MÜƏYYƏN ETDİ: İddiaçı "xxxx" MMC cavabdeh Nəsibova (Həmidova) Şərqiyə Rəfail qızına qarşı iddia ərizəsi ilə məhkəməyə müraciət edərək xx.xx.2022-ci il tarixli müqaviləyə əsasən İMEİ kodu **********75503 SAMSUNG GALAXY A03 CORE markalı telefon üçün ödənilməmiş hissə üzrə 335 manat, cərimə borcuna görə 33 manat; xx.xx.2022-ci il tarixli müqaviləyə əsasən İMEİ kodu **********19088 SAMSUNG GALAXY A03 CORE markalı telefon üçün ödənilməmiş hissə üzrə 182.82 manat, cərimə borcuna görə 18.18 manat; xx.xx.2022-ci il tarixli müqaviləyə əsasən SOYUDUCU HOFFMANN üçün ödənilməmiş hissə üzrə 129.46 manat, cərimə borcuna görə 12.54 manat; xx.xx.2022-ci il tarixli müqaviləyə əsasən PALTARYUYAN HOFFMANN üçün ödənilməmiş hissə üzrə 95.24 manat, cərimə borcuna görə 9.76 manat, ümümilikdə 816 manat, ödənilmiş dövlət rüsumuna görə 30 manat pulun cavabdeh Nəsibova (Həmidova) Şərqiyə Rəfail qızından alınaraq "xxxx" MMC-nin xeyrinə ödənilməsi barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, tərəflər arasında bağlanmış xx.xx.2022-ci il tarixli müqaviləyə əsasən cavabdeh Nəsibova (Həmidova) Şərqiyə Rəfail qızına 12 ay müddətinə, ilkin ödəniş 12 manat olmaqla, hissə-hissə hər ay 30.5 manat ödəmək şərti ilə 378 manat dəyərində İMEİ kodu **********75503 SAMSUNG GALAXY A03 CORE markalı telefon; xx.xx.2022-ci il tarixli müqaviləyə əsasən cavabdehə 14 ay müddətinə, hissə-hissə hər ay 23.63 manat ödəmək şərti ilə 330.82 manat dəyərində İMEİ kodu **********19088 SAMSUNG GALAXY A03 CORE markalı telefon; xx.xx.2022-ci il tarixli müqaviləyə əsasən cavabdehə ilkin ödəniş 200 manat olmaqla, 18 ay müddətinə, hissə-hissə hər ay 24.97 manat ödəmək şərti ilə 649.46 manat dəyərində SOYUDUCU HOFFMANN; xx.xx.2022-ci il tarixli müqaviləyə əsasən cavabdehə 18 ay müddətinə, hissə-hissə hər ay 29.18 manat ödəmək şərti ilə 525.24 manat dəyərində PALTARYUYAN HOFFMANN satılmışdır. Cavabdehin cəmi ödədiyi məbləğ 1141 manat təşkil edir. Cavabdeh müqavilə şərtlərini pozmuş və nəticədə iddiaçıya 816 manat borcu yaranmışdır. Məhkəmə hazırkı iddianın qiymətinin beş min manatdan az olmasını nəzərə alaraq mülki işə sadələşdirilmiş icraat qaydasında baxılmasını mümkün hesab etmişdir. Belə ki, Azərbaycan Respublikası Mülki Prosessual Məcəlləsinin 284.1-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrinə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. Həmin Məcəllənin 284-5.1-ci maddəsinə əsasən, ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. İş materiallarından görünür ki, iddia ərizəsi xx.xx.2023-ci il tarixdə məhkəməyə daxil olmuş vəhəmin tarixdə məhkəmə cavabdeh Nəsibova (Həmidova) Şərqiyə Rəfail qızına prosessual hüquq və vəzifələrinin izahı barədə rəsmi qaydada bildiriş göndərmişdir. Azərbaycan Respublikası Mülki Prosessual Məcəlləsinin 284-5.2-ci maddəsinə görə cavabdeh bildirişi rəsmi qaydada aldığı gündən 10 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. İş materiallarında olan “Poçt göndərişinin verilməsi haqqında” xəbərnamədən görünür ki, xx.xx.2023-cü il tarixdə məhkəmə bildirişini etibarnamə ilə cavabdehin oğlu Əfqan qəbul etmiş, lakin həmin tarixdən 10 (on) iş günü müddət keçməsinə baxmayaraq cavabdeh iddiaya qarşı əsaslandırılmış etirazını və ona əlavə olunmuş sənədləri məhkəməyə göndərməmişdir. Məhkəmə, cavabdeh Nəsibova (Həmidova) Şərqiyə Rəfail qızına qanunla müəyyən olunmuş qaydada prosessual hüquq və vəzifələrinin izah olunduğunu, iddiaya qarşı etirazlarının olmamasını və iddia tələbinin kiçik iddialar kateqoriyasına aid olduğunu nəzərə alaraq hesab edir ki, mülki işin iddia icraatına keçirilməklə iş üzrə əlavə araşdırma aparılmasına, ekspertiza təyin olunmasına və ya tərəflərin məhkəməyə çağırılmaqla dinlənilmələrinə lüzum yoxdur, mülki işin prosessual vəziyyəti işə sadələşdirilmiş icraat qaydasında baxılmasına mane olmur. Azərbaycan Respublikası Mülki Prosessual Məcəlləsinin 284-5.3-cü maddəsinə əsasən, kiçik iddialar üzrə ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Məhkəmə iddiaçının təqdim etdiyi sənədləri tədqiq edərək toplanmış sübutlara Azərbaycan Respublikası Mülki Prosessual Məcəlləsinin 88-ci maddəsinə əsasən məcmusu halında qiymət verərək hesab edir ki, iddia tələbi təmin olunmalıdır. Məhkəmə gəldiyi nəticəni aşağıda qeyd olunanlarla əsaslandırır. Azərbaycan Respublikası Konstitusiyasının 60-cı maddəsinin birinci hissəsinə görə hər kəsin hüquq və azadlıqlarının məhkəmədə müdafiəsinə təminat verilir. Azərbaycan Respublikası Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənnin 77-ci maddəsinin tələblərinə görə hər bir tərəf öz tələblərinin və etirazlarının əsası kimi istinad etdikləri halları sübut etməlidir. Həmin Məcəllənin 88-ci maddəsinə əsasən məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq qiymət verir. İşdə olan tərəflər arasında bağlanmış ******* nömrəli, xx.xx.2022-ci il tarixli müqavilədən və həmin müqavilənin tərkib hissəsi olan ödəniş cədvəlindən görünür ki, "xxxx" MMC tərəfindən cavabdeh Nəsibova (Həmidova) Şərqiyə Rəfail qızına 18 ay müddətinə, hissə-hissə hər ay 29.18 manat ödəmək şərti ilə 525.24 manat dəyərində PALTARYUYAN HOFFMANN satılmışdır. İşdə olan tərəflər arasında bağlanmış 04311385 nömrəli, xx.xx.2022-ci il tarixli müqavilədən və həmin müqavilənin tərkib hissəsi olan ödəniş cədvəlindən görünür ki, "xxxx" MMC tərəfindən cavabdeh Nəsibova (Həmidova) Şərqiyə Rəfail qızına 18 ay müddətinə, ilkin ödəniş 200 manat olmaqla, hissə-hissə hər ay 24.97 manat ödəmək şərti ilə 649.46 manat dəyərində SOYUDUCU HOFFMANN satılmışdır. İşdə olan tərəflər arasında bağlanmış ******* nömrəli, xx.xx.2022-ci il tarixli müqavilədən və həmin müqavilənin tərkib hissəsi olan ödəniş cədvəlindən görünür ki, "xxxx" MMC tərəfindən cavabdeh Nəsibova (Həmidova) Şərqiyə Rəfail qızına 14 ay müddətinə, hissə-hissə hər ay 23.63 manat ödəmək şərti ilə 330.82 manat dəyərində İMEİ kodu **********19088 SAMSUNG GALAXY A03 CORE markalı telefon satılmışdır. İşdə olan tərəflər arasında bağlanmış 04281532 nömrəli, xx.xx.2022-ci il tarixli müqavilədən və həmin müqavilənin tərkib hissəsi olan ödəniş cədvəlindən görünür ki, "xxxx" MMC tərəfindən cavabdeh Nəsibova (Həmidova) Şərqiyə Rəfail qızına 12 ay müddətinə, ilkin ödəniş 12 manat olmaqla, hissə-hissə hər ay 30.5 manat ödəmək şərti ilə 378 manat dəyərində İMEİ kodu **********75503 SAMSUNG GALAXY A03 CORE markalı telefon satılmışdır. İşdə olan "xxxx" MMC tərəfindən təqdim olunmuş xx.xx.2023-ci il tarixli maliyyə arayışı və ödəniş cədvəlindən görünür ki, cavabdeh Nəsibova (Həmidova) Şərqiyə Rəfail qızının xx.xx.2022ci il tarixli müqaviləyə əsasən İMEİ kodu **********75503 SAMSUNG GALAXY A03 CORE markalı telefon üçün iddiaçıya olan borcu ödənilməmiş hissə üzrə 335 manat, cərimə borcuna görə 33 manat; xx.xx.2022-ci il tarixli müqaviləyə əsasən İMEİ kodu **********19088 SAMSUNG GALAXY A03 CORE markalı telefon üçün iddiaçıya olan borcu ödənilməmiş hissə üzrə 182.82 manat, cərimə borcuna görə 18.18 manat, xx.xx.2022-ci il tarixli müqaviləyə əsasən SOYUDUCU HOFFMANN üçün iddiaçıya olan borcu ödənilməmiş hissə üzrə 129.46 manat, cərimə borcuna görə 12.54 manat; xx.xx.2022-ci il tarixli müqaviləyə əsasən PALTARYUYAN HOFFMANN üçün iddiaçıya olan borcu ödənilməmiş hissə üzrə 95.24 manat, cərimə borcuna görə 9.76 manat, cəmi 816 manat təşkil edir. İşdə olan "xxxx" MMC tərəfindən cavabdehə ünvanlanmış xx.xx.2023-ci il tarixli xəbərdarlıq məktubundan görünür ki, borcun könüllü şəkildə ödənilməsi barədə cavabdehə xəbərdarlıq olunmuş, əks təqdirdə aidiyyəti üzrə məhkəməyə müraciət ediləcəyi bildirilmişdir. İşdə olan xx.xx.2023-ci il tarixli mədaxil qəbzindən görünür ki, iddiaçı iddia ərizəsinə məhkəmədə baxılması üçün dövlət rüsumuna görə 30 manat, xidmət haqqına görə 0,40 manat pul ödəmişdir. İşin araşdırılan hallarından müəyyən olunur ki, cavabdeh müqavilə ilə üzərinə götürdüyü öhdəlikləri lazımi qaydada icra etməmiş, onun iddiaçının qarşısında icra edilməmiş öhdəlikləri vardır. Azərbaycan Respublikası Mülki Məcəlləsinin 567-ci maddəsinə əsasən alqı-satqı müqvailəsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür. Həmin Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Həmin Məcəllənin 600.2-ci maddəsinə əsasən əşyaların nisyə satışı, satış günü qüvvədə olmuş qiymətlər üzrə həyata keçirilir. Nisyə satılmış əşyaların qiymətinin sonradan dəyişməsi, əgər müqavilədə ayrı qayda nəzərdə tutulmayıbsa, yenidən hesablaşmaya səbəb olmur. Həmin Məcəllənin 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər. Azərbaycan Respublikası Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Məhkəmə yuxarıda qeyd olunan normalara əsaslanaraq hesab edir ki, iddia təmin edilməli, cavabdeh Nəsibova (Həmidova) Şərqiyə Rəfail qızından xx.xx.2022-ci il tarixli müqaviləyə əsasən İMEİ kodu **********75503 SAMSUNG GALAXY A03 CORE markalı telefon üçün iddiaçıya olan borcu ödənilməmiş hissə üzrə 335 manat, cərimə borcuna görə 33 manat; xx.xx.2022-ci il tarixli müqaviləyə əsasən İMEİ kodu **********19088 SAMSUNG GALAXY A03 CORE markalı telefon üçün iddiaçıya olan borcu ödənilməmiş hissə üzrə 182.82 manat, cərimə borcuna görə 18.18 manat, xx.xx.2022-ci il tarixli müqaviləyə əsasən SOYUDUCU HOFFMANN üçün iddiaçıya olan borcu ödənilməmiş hissə üzrə 129.46 manat, cərimə borcuna görə 12.54 manat; xx.xx.2022-ci il tarixli müqaviləyə əsasən PALTARYUYAN HOFFMANN üçün iddiaçıya olan borcu ödənilməmiş hissə üzrə 95.24 manat, cərimə borcuna görə 9.76 manat, ümümilikdə 816 manat, ödənilmiş dövlət rüsumuna görə 30 manat, xidmət haqqına görə 0,40 manat pulun tutularaq iddiaçı "xxxx" MMC-nin xeyrinə ödənilməlidir. Beləliklə, məhkəmə yuxarıda göstərilənlərə əsaslanaraq və Azərbaycan Respublikası MPM-in 216-220, 222 və 360-ci maddələrini rəhbər tutaraq, QƏT ETDİ: İddia təmin edilsin. Cavabdeh Nəsibova (Həmidova) Şərqiyə Rəfail qızından xx.xx.2022-ci il tarixli müqaviləyə əsasən İMEİ kodu **********75503 SAMSUNG GALAXY A03 CORE markalı telefon üçün iddiaçıya olan borcu ödənilməmiş hissə üzrə 335 manat, cərimə borcuna görə 33 manat; xx.xx.2022-ci il tarixli müqaviləyə əsasən İMEİ kodu **********19088 SAMSUNG GALAXY A03 CORE markalı telefon üçün iddiaçıya olan borcu ödənilməmiş hissə üzrə 182.82 manat, cərimə borcuna görə 18.18 manat, xx.xx.2022-ci il tarixli müqaviləyə əsasən SOYUDUCU HOFFMANN üçün iddiaçıya olan borcu ödənilməmiş hissə üzrə 129.46 manat, cərimə borcuna görə 12.54 manat; xx.xx.2022-ci il tarixli müqaviləyə əsasən PALTARYUYAN HOFFMANN üçün iddiaçıya olan borcu ödənilməmiş hissə üzrə 95.24 manat, cərimə borcuna görə 9.76 manat, ödənilmiş dövlət rüsumuna görə 30 manat, xidmət haqqına görə 0,40 manat, cəmi 846.40 manat məbləğində pul tutularaq iddiaçı "xxxx" MMC-nin xeyrinə ödənilsin. Qətnamə rəsmi qaydada verildikdən sonra 1 (bir) ay müddətində Zərdab Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Sədirlik edən: İlqam Həsənquliyev