İmişli Rayon Məhkəməsi Qətnamə — İş №2(036)-1186/2021

Azərbaycan Respublikası adından QƏTNAMƏ İmişli rayonu İş № 2(036)-1186/2021 05.07.2021 İMİŞLİ RAYON MƏHKƏMƏSİ Hakim: Nüsrətov Tərlan Vaqif oğlunun sədrliyi, Məhkəmə iclasının katibi: Əhmədova Günel Mirzə qızının katibliyi, İddiaçı “Finca Azerbaijan” X4-Bank Kredit Təşkilatının nümayəndəsi: X2 iştirakı ilə, İddiaçı “Finca Azerbaijan” X4-Bank Kredit Təşkilatının cavabdehlər Cavabdeh və Zamin qarşı “kredit borcunun ödənilməsi” tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə MÜƏYYƏN ETDİ: İddiaçı “Finca Azerbaijan” X4-Bank Kredit Təşkilatı cavabdehlər Cavabdeh və Zamin qarşı “kredit borcunun ödənilməsi” tələbinə dair iddia ərizəsi ilə məhkəməyə müraciət etmişdir. Məhkəmə iclasında iddiaçı Finca Azerbaijan” X4-Bank Kredit Təşkilatının nümayəndəsi X3 iddia tələbini müdafiə edərək izahatında bildirmişdir ki, iddiaçı “Finca Azerbaijan” X4-Bank Kredit Təşkilatı ilə Cavabdeh arasında bağlanmış **********2106 saylı, 13 noyabr 2014-cü il tarixli kredit müqaviləsinə əsasən cəmiyyət tərəfindən Cavabdeh illik 28 (iyirmi səkkiz) % dərəcəsi tətbiq edilməklə, 24 (iyirmi dörd) ay müddətinə 4000 (dörd min) AZN məbləğində kredit verilmişdir. Kredit müqaviləsinin şərtlərinə əsasən Cavabdeh hər ay vaxtı-vaxtında əsas kredit borcunu və kreditdən istifadəyə görə hesablanmış faiz borcunu bankın xeyrinə ödəməyi öz üzərinə öhdəlik götürmüşdür. Eyni zamanda, kredit müqaviləsindən meydana gələn öhdəliyin icrasının təminatı olaraq digər cavabdeh Zamin cəmiyyət qarşısında “zamin” durmuşdur. Belə ki, “borclu” cəmiyyət qarşısında yaranmış öhdəlikləri vaxtında və lazıminca icra etmədikdə, öhdəliklərin icrası üçün “zamin” və “borclu” eyni dərəcədə, tam həcmdə və birgə məsuliyyət daşıyırlar. Cavabdeh kredit müqaviləsinə əsasən cəmiyyətin xeyrinə müəyyən məbləğ pul ödənişini həyata keçirmişdir. Bundan başqa, tərəflər arasında **********2106 saylı, 13 noyabr 2014cü il tarixli kredit müqaviləsi **********2243 saylı, 10 noyabr 2015-ci il tarixli yeni hesab nömrəli saziş ilə restrukturizasiya olunmuş və öhdəliyin icra olunmamış hissəsi, əsas borc 2936.63 (iki min doqquz yüz otuz altı, altmış üç) AZN məbləği, faiz borcu 0 (sıfır) AZN məbləği, cərimə borcu 0 (sıfır) AZN məbləği müəyyən edilmişdir. Bundan başqa, tərəflər arasında **********2243 saylı, 10 noyabr 2015-ci il tarixli kredit müqaviləsi **********8732 saylı, 12 may 2016-cı il tarixli yeni hesab nömrəli saziş ilə restrukturizasiya olunmuş və öhdəliyin icra olunmamış hissəsi, əsas borc 2665.48 (iki min altı yüz altmış beş, qırx səkkiz) AZN məbləği, faiz borcu 0 (sıfır) AZN məbləği, cərimə borcu 0 (sıfır) AZN məbləği müəyyən edilmişdir. Eyni zamanda, kredit müqaviləsindən meydana gələn öhdəliyin icrasının təminatı olaraq bank ilə digər cavabdeh Zamin arasında 12 may 2016-cı il tarixli zaminlik müqaviləsi bağlanmışdır. Zaminlik müqaviləsinə əsasən “borclu” bank qarşısında yaranmış öhdəlikləri vaxtında və lazıminca icra etmədikdə, öhdəliklərin icrası üçün “zamin” və “borclu” eyni dərəcədə, tam həcmdə və birgə məsuliyyət daşıyırlar. Kredit müqaviləsinin şərtlərinə əsasən Cavabdeh hər ay vaxtı-vaxtında əsas kredit borcunu və kreditdən istifadəyə görə hesablanmış faiz borcunu bankın xeyrinə ödəməyi öz üzərinə öhdəlik götürmüşdür. Cavabdeh kredit müqaviləsinə əsasən bankın xeyrinə müəyyən məbləğ pul ödənişini həyata keçirmişdir. Lakin Cavabdeh kredit müqaviləsinə əsasən cəmiyyət qarşısında olan öhdəliklərini tam icra etməmişdir. Hal-hazırda cəmiyyət qarşısında olan öhdəliklərini tam icra etməyən cavabdehlər Cavabdeh və Zamin 11 mart 2021-ci il tarixə cəmiyyətə 2665.48 (iki min altı yüz altmış beş, qırx səkkiz) AZN məbləğində əsas kredit borcu, 302.50 (üç yüz iki, əlli) AZN məbləğində faiz borcu və ümumilikdə 2967.98 (iki min doqquz yüz altmış yeddi, doxsan səkkiz) AZN məbləğində kredit borcu mövcuddur. Bütün bunları nəzərə alaraq, cavabdehlər Cavabdeh və Zamin müştərək qaydada 2665.48 (iki min altı yüz altmış beş, qırx səkkiz) AZN məbləğində əsas kredit borcunun, 302.50 (üç yüz iki, əlli) AZN məbləğində faiz borcunun, ümumilikdə 2967.98 (iki min doqquz yüz altmış yeddi, doxsan səkkiz) AZN məbləğində kredit borcunun və iddia qaldırılması üçün iddiaçı tərəfindən ödənilmiş 30 (otuz) AZN məbləğində dövlət rüsumunun tutularaq, iddiaçı “Finca Azerbaijan” X4-Bank Kredit Təşkilatının xeyrinə ödənilməsi barədə məhkəmə tərəfindən qətnamə qəbul edilməsi xahiş etmişdir. Məhkəmə iclasının vaxtı və yeri haqqında cavabdehlər Cavabdeh və Zamin qabaqcadan lazımi qaydada xəbərdar edilmələrinə baxmayaraq, məhkəmə iclasına gəlməmişlər və gəlməmələrinin səbəbi barədə məhkəməyə rəsmi məlumat verməmişlər. Azərbaycan Respublikasının Mülki Prosessual Məcəlləsinin 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda və ya məhkəməyə gəlməməyinin səbəblərini üzrsüz hesab etdikdə, yaxud cavabdehin icraatı qəsdən yuvandırdığını aşkar etdikdə, işə baxmağa haqlıdır. Məhkəmə Azərbaycan Respublikasının Mülki Prosessual Məcəlləsinin 185-ci maddəsinə əsasən cavabdehlər Cavabdeh və Zamin iştirakı olmadan mülki işə mahiyyəti üzrə baxılmasını məqsədə müvafiq hesab edir. Məhkəmə iddiaçının nümayəndəsinin izahatını dinləyib, iş materiallarını tam, obyektiv və hərtərəfli araşdırıb və iş üzrə toplanmış sübutlara hüquqi qiymət verərək hesab edir ki, iddia tələbi əsaslı olduğu üçün təmin edilməlidir. İş materiallarında olan iddiaçı “Finca Azerbaijan” X4-Bank Kredit Təşkilatı ilə Cavabdeh arasında bağlanmış **********2106 saylı, 13 noyabr 2014-cü il tarixli kredit müqaviləsindən görünür ki, cəmiyyət tərəfindən Cavabdeh illik 28 (iyirmi səkkiz) % dərəcəsi tətbiq edilməklə, 24 (iyirmi dörd) ay müddətinə 4000 (dörd min) AZN məbləğində kredit verilmiş və Cavabdeh kredit müqaviləsindən irəli gələn öhdəliklərinin icrasının təminatı olaraq, digər cavabdeh Zamin cəmiyyət qarşısında “zamin” durmuşdur. İş materiallarında olan 13 noyabr 2014-cü il tarixli kassa məxaric orderindən görünür ki, “Finca Azerbaijan” X4-Bank Kredit Təşkilatı ilə Cavabdeh arasında bağlanmış **********2106 saylı, 13 noyabr 2014-cü il tarixli kredit müqaviləsinə əsasən cəmiyyət tərəfindən Cavabdeh nağd pul şəklində 4000 (dörd min) AZN məbləğində kredit verilmişdir. İş materillarında olan **********2106 saylı, 13 noyabr 2014-cü il tarixli kredit müqaviləsindən, yəni ödəniş cədvəlindən görünür ki, Cavabdeh 4000 (dörd min) AZN məbləğində kredit borcunu illik 28 (iyirmi səkkiz) % dərəcəsi tətbiq edilməklə, 24 (iyirmi dörd) ay müddətinə hər ay vaxtı-vaxtında cəmiyyətin xeyrinə ödəməlidir. İş materiallarında olan iddiaçı “Finca Azerbaijan” X4-Bank Kredit Təşkilatı ilə Cavabdeh arasında bağlanmış **********2106 saylı, 13 noyabr 2014-cü il tarixli kredit müqaviləsinin restrukturizasiyasına dair **********2243 saylı, 10 noyabr 2015-ci il tarixli sazişdən görünür ki, **********2106 saylı, 13 noyabr 2014-cü il tarixli kredit müqaviləsi restrukturizasiya edilmiş və öhdəliyin icra olunmamış hissəsi, əsas borc 2936.63 (iki min doqquz yüz otuz altı, altmış üç) AZN məbləği, faiz borcu 0 (sıfır) AZN məbləği, cərimə borcu 0 (sıfır) AZN məbləği müəyyən edilmişdir. İş materiallarında olan iddiaçı “Finca Azerbaijan” X4-Bank Kredit Təşkilatı ilə Cavabdeh arasında bağlanmış **********2243 saylı, 10 noyabr 2015-ci il tarixli kredit müqaviləsinin restrukturizasiyasına dair **********8732 saylı, 12 may 2016-cı il tarixli sazişdən görünür ki, **********2243 saylı, 10 noyabr 2015-ci il tarixli kredit müqaviləsi restrukturizasiya edilmiş və öhdəliyin icra olunmamış hissəsi, əsas borc 2665.48 (iki min altı yüz altmış beş, qırx səkkiz) AZN məbləği, faiz borcu 0 (sıfır) AZN məbləği, cərimə borcu 0 (sıfır) AZN məbləği müəyyən edilmişdir İş materiallarında olan iddiaçı “Finca Azerbaijan” X4-Bank Kredit Təşkilatı ilə cavabdeh Zamin arasında bağlanmış **********8732-799207 saylı, 12 may 2016-cı il tarixli zaminlik müqaviləsindən görünür ki, Cavabdeh kredit müqaviləsindən irəli gələn öhdəliklərinin icrasının təminatı olaraq, Zamin bank qarşısında “zamin” durmuşdur. İş materiallarında olan 11 mart 2021-ci il tarixli maliyyə arayışından görünür ki, Cavabdeh cəmiyyətə 2665.48 (iki min altı yüz altmış beş, qırx səkkiz) AZN məbləğində əsas kredit borcu, 302.50 (üç yüz iki, əlli) AZN məbləğində faiz borcu, 144.18 (yüz qırx dörd, on səkkiz) AZN məbləğində cərimə borcu və ümumilikdə 2967.98 (iki min doqquz yüz altmış yeddi, doxsan səkkiz) AZN məbləğində kredit borcu mövcudur. İş materiallarında olan **********60 saylı, 31 mart 2021-ci il tarixli ödəniş qəbzindən görünür ki, “Finca Azerbaijan” X4-Bank Kredit Təşkilatı tərəfindən iddia qaldırılması üçün 30 (otuz) AZN məbləğində dövlət rüsumu ödənilmişdir. Məhkəmə irəli sürülmüş iddia tələbi ilə bağlı aşağıdakıları qeyd etməyi zəruri hesab edir. Məhkəmə tədqiqi zamanı müəyyən edilmişdir ki, iddiaçı “Finca Azerbaijan” X4-Bank Kredit Təşkilatı ilə Cavabdeh arasında bağlanmış **********2106 saylı, 13 noyabr 2014-cü il tarixli kredit-zaminlik müqaviləsinə əsasən cəmiyyət tərəfindən Cavabdeh illik 28 (iyirmi səkkiz) % dərəcəsi tətbiq edilməklə, 24 (iyirmi dörd) ay müddətinə 4000 (dörd min) AZN məbləğində kredit verilmiş, Cavabdeh hər ay vaxtı-vaxtında əsas kredit borcunu və kreditdən istifadəyə görə hesablanmış faiz borcunu cəmiyyətə ödəməyi öz üzərinə öhdəlik götürmüş və Cavabdeh kredit müqaviləsindən irəli gələn öhdəliklərinin icrasının təminatı olaraq, digər cavabdeh Zamin cəmiyyət qarşısında “zamin” durmuşdur. Bundan başqa, iddiaçı “Finca Azerbaijan” X4-Bank Kredit Təşkilatı ilə Cavabdeh arasında bağlanmış **********2106 saylı, 13 noyabr 2014-cü il tarixli kredit müqaviləsinin restrukturizasiyasına dair **********2243 saylı, 10 noyabr 2015-ci il tarixli saziş bağlanmış, sazişə əsasən öhdəliyin icra olunmamış hissəsi, əsas borc 2936.63 (iki min doqquz yüz otuz altı, altmış üç) AZN məbləği, faiz borcu 0 (sıfır) AZN məbləği, cərimə borcu 0 (sıfır) AZN məbləği müəyyən edilmişdir. Bundan başqa, iddiaçı “Finca Azerbaijan” X4-Bank Kredit Təşkilatı ilə Cavabdeh arasında bağlanmış **********2243 saylı, 10 noyabr 2015-ci il tarixli kredit müqaviləsinin restrukturizasiyasına dair **********8732 saylı, 12 may 2016-cı il tarixli saziş bağlanmış, sazişə əsasən öhdəliyin icra olunmamış hissəsi, əsas borc 2665.48 (iki min altı yüz altmış beş, qırx səkkiz) AZN məbləği, faiz borcu 0 (sıfır) AZN məbləği, cərimə borcu 0 (sıfır) AZN məbləği müəyyən edilmişdir. Bundan başqa, iddiaçı “Finca Azerbaijan” X4- Bank Kredit Təşkilatı ilə cavabdeh Zamin arasında bağlanmış **********8732-799207 saylı, 12 may 2016-cı il tarixli zaminlik müqaviləsinə əsasən Cavabdeh kredit müqaviləsindən irəli gələn öhdəliklərinin icrasının təminatı olaraq, cavabdeh Zamin oğlu bank qarşısında “zamin” durmuş və zaminlik müqaviləsinə əsasən kredit müqaviləsindən irəli gələn öhdəliklərin icrası üçün “zamin” və “borclu” eyni dərəcədə, tam həcmdə və birgə məsuliyyət daşıyırlar. Bundan başqa, Cavabdeh kredit müqaviləsinə əsasən cəmiyyətin xeyrinə müəyyən məbləğ pul ödənişi həyata keçirmiş, lakin sonradan cəmiyyət qarşısında olan öhdəliklərini tam icra etməmiş və kredit müqaviləsinə əsasən 11 mart 2021-ci il tarixə cəmiyyətə 2665.48 (iki min altı yüz altmış beş, qırx səkkiz) AZN məbləğində əsas kredit borcu, 302.50 (üç yüz iki, əlli) AZN məbləğində faiz borcu, 144.18 (yüz qırx dörd, on səkkiz) AZN məbləğində cərimə borcu və ümumilikdə 2967.98 (iki min doqquz yüz altmış yeddi, doxsan səkkiz) AZN məbləğində kredit borcu mövcudur. Azərbaycan Respublikasının Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Həmin Məcəllənin 425.1-ci maddəsinə əsasən öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. Həmin Məcəllənin 442-ci maddəsinə əsasən, öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi, mallarda, işlərdə və ya xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə əsasən, öhdəliyin icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 445.1-ci maddəsinə əsasən, icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Həmin Məcəllənin 445.2-ci maddəsinə əsasən, öhdəliyin onun icrası üçün müəyyənləşdirilmiş müddətə icra edilməməsi borclunun icrasını gecikdirir. Həmin Məcəllənin 448.1-ci maddəsinə əsaəsn əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 460.1-ci maddəsinə əsasən öhdəliklərin icrası girov, dəbbə pulu, borclunun əmlakının saxlanması, zaminlik, qarantiya, beh ilə və bu Məcəllədə və ya müqavilədə nəzərdə tutulan digər üsullarla təmin edilə bilər. Həmin Məcəllənin 470 və 472-ci maddələrinin tələbinə əsasən zaminlik müqaviləsi üzrə zamin başqa şəxsin kreditoru qarşısında həmin şəxsin öz öhdəliyini tamamilə və ya hissə-hissə icra etməsi üçün məsuliyyəti öz üzərinə götürür, borclu zaminliklə təmin edilmiş öhdəliyi icra etmədikdə və ya lazımınca icra etmədikdə, zamin və borclu kreditor qarşısında birgə məsuliyyət daşıyırlar, habelə əgər zaminlik müqaviləsində ayrı qayda nəzərdə tutulmayıbsa, faizlərin, borc tutulması üzrə məhkəmə xərclərinin və borclunun öhdəliyi icra etməməsi və ya lazımınca icra etməməsi nəticəsində kreditora dəyən digər zərərin əvəzinin ödənilməsi də daxil olmaqla, zamin kreditor qarşısında borclu ilə eyni həcmdə məsuliyyət daşıyır. Həmin Məcəllənin 739.1-ci maddəsinə əsasən borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Həmin Məcəllənin 739.2-ci maddəsinə əsasən borc müqaviləsinin predmeti hər hansı pul məbləği olduqda, o, kredit müqaviləsi adlandırılır. Azərbaycan Respublikasının Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Həmin Məcəllənin 217.3-cü maddəsinə əsasən qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Beləliklə, məhkəmə toplanmış sübutların məcmusuna tam, obyektiv və hüquqi qiymət verərək, yuxarıda göstərilən qanunvericilik aktı normalarına əsasən hesab edir ki, iddiaçı “Finca Azerbaijan” X4-Bank Kredit Təşkilatı ilə cavabdehlər Cavabdeh və Zamin arasında bağlanmış kredit və zaminlik müqavilələrinin şərtləri pozulduğu, yəni “borclu” tərəfindən müqavilə öhdəlikləri tam icra edilmədiyi üçün iddia təmin edilməli, cavabdehlər Cavabdeh və Zamin müştərək qaydada 2665.48 (iki min altı yüz altmış beş, qırx səkkiz) AZN məbləğində əsas kredit borcu, 302.50 (üç yüz iki, əlli) AZN məbləğində faiz borcu, ümumilikdə 2967.98 (iki min doqquz yüz altmış yeddi, doxsan səkkiz) AZN məbləğində kredit borcu və iddia qaldırılması üçün ödənilmiş 30 (otuz) AZN məbləğində dövlət rüsumu tutularaq, iddiaçı “Finca Azerbaijan” X4-Bank Kredit Təşkilatının xeyrinə ödənilməlidir. Azərbaycan Respublikasının Mülki Prosessual Məcəlləsinin 218.3-cü maddəsinə əsasən hakim işdə iştirak edən şəxslərin verdiyi tələblər üzrə qətnamə çıxarır. Yuxarıda göstərilənlərinə əsasən və Azərbaycan Respublikasının MPM-nin 216-220, 284-6 və 360-ci maddələrini rəhbər tutaraq, məhkəmə QƏT ETDİ: İddia təmin edilsin. Cavabdehlər Cavabdeh və Zamin oğlundan müştərək qaydada 2665.48 (iki min altı yüz altmış beş, qırx səkkiz) AZN məbləğində əsas kredit borcu, 302.50 (üç yüz iki, əlli) AZN məbləğində faiz borcu, ümumilikdə 2967.98 (iki min doqquz yüz altmış yeddi, doxsan səkkiz) AZN məbləğində kredit borcu və iddia qaldırılması üçün ödənilmiş 30 (otuz) AZN məbləğində dövlət rüsumu tutularaq, iddiaçı “Finca Azerbaijan” X4-Bank Kredit Təşkilatının xeyrinə ödənilsin. Qətnamədən işdə iştirak edən şəxslərə rəsmi qaydada verildiyi gündən 1 (bir) ay müddətində İmişli Rayon Məhkəməsi vasitəsi ilə X1 Mülki Kollegiyasına apellyasiya şikayəti verilə bilər. Sədrlik edən Tərlan Nüsrətov