İmişli Rayon Məhkəməsi Qətnamə — İş №2(036)-2055/2022

Azərbaycan Respublikası adından QƏTNAMƏ İmişli rayonu İş № 2(036)-2055/2022 01.07.2022 İMİŞLİ RAYON MƏHKƏMƏSİ İmişli Rayon Məhkəməsi Qənbərov Ülvi Oktay oğlu İddiaçı Cavabdeh qarşı pul tələbi barədə iddiasına dair mülki işə baxaraq M Ü Ə Y Y Ə N E T D İ: İddiaçı (VÖEN:**********) Cavabdeh qarşı pul tələbi barədə iddia qaldıraraq xeyrinə 1276.00 manat əsas borc, 2.20 manat poçt xərci ,0.80 qəpik xidmət haqqı və ödənilmiş dövlət rüsumuna görə 32.76 manat tutulması barədə qətnamə çıxarılmasını xahiş etmişdir. İşdə olan 25 fevral 2019-cu il , 22 may 2019-cu il və 06 iyun 2019-cu il tarixli borc Müqavilələrin surətinə əsasən Cavabdeh həmin tarixdə İddiaçı 382 manat dəyərində “SAMSUNG J 2”, 392 manat dəyərində “SAMSUNG GALAXY A 10” və 690 manat dəyərində “SAMSUNG A 30” markalı mobil telefonlar nisyə almışdır. İşdən görünür ki, Cavabdeh 25 fevral 2019-cu il , 22 may 2019-cu il və 06 iyun 2019-cu il tarixli müqavilələr üzrə aldığı əşyaların dəyərini qismən ödəyərək 1276.00 manat əsas borc hesablanmışdır. Məhkəmədə tədqiq olunmuş sübutlara əsasən 25 fevral 2019-cu il , 22 may 2019-cu il və 06 iyun 2019-cu il tarixli Borc müqaviləsi üzrə öhdəliyin borc alan tərəfindən tamamilə icra olunması müəyyən edilməmişdir. AR Mülki Məcəlləsinin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə,..... həyata keçirməlidir. Həmin Məcəllənin 601.1-ci maddəsinə əsasən əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər.Hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alğı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Həmin Məcəllənin 442-ci maddəsinə əsasən öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə, və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur. Həmin Məcəllənin 445.1-ci maddəsinə əsasən icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Məhkəmə tədqiq olunmuş sübutlara qiymət verərək hesab edir ki, Cavabdeh 1276.00 manat əsas borc, 2.20 manat poçt xərci ,0.80 qəpik xidmət haqqı və ödənilmiş dövlət rüsumuna görə 32.76 manat pul alınıb İddiaçı hesabına keçirilməlidir. Yuxarıda qeyd olunanlara əsasən Azərbaycan Respublikası MPM-nin 216, 220, 227,233,357 və 360-cı maddələrini rəhbər tutaraq QƏTETDİ: İddia tələbi təmin edilsin. Cavabdeh 1276.00 (bir min iki yüz yetmiş altı) manat əsas borc, 2.20 (iki manat, iyirmi qəpik) manat poçt xərci və 0.80 (səksən qəpik) qəpik xidmət haqqı və ödənilmiş dövlət rüsumuna görə 32.76 (otuz iki manat, yetmiş altı qəpik) manat pul alınıb İddiaçı (VÖEN:**********) hesabına keçirilsin. Qətnamədən rəsmi qaydada verildiyi gündən 1 (bir) ay müddətində “Elektron Məhkəmə” İnformasiya Sistemində yaradılan elektron kabinet vasitəsi ilə Şirvan Apelyasiya məhkəməsinə apelyasiya şikayəti verilə bilər. Hakim: Ülvi Qənbərov.