İsmayıllı Rayon Məhkəməsi Qətnamə — İş №2(037)-176/2021

Azərbaycan Respublikası adından QƏTNAMƏ İsmayıllı rayonu İş № 2(037)-176/2021 01.03.2021 İSMAYILLI RAYON MƏHKƏMƏSİ Şirinov Rəfayel Səməd oğlunun sədrliyi, X1 kаtibliyi ilə İddiaçı Açıq Səhmdar Cəmiyyətinin Cavabdeh qarşı kredit borcunun ödənilməsi tələbinə dair mülki işə xx xxxx 2021-ci il tarixdə İsmayıllı Rayon Məhkəməsinin inzibati binasında sadələşdirilmiş icraat qaydasında baxaraq məhkəmə müəyyən etdi: İddiaçı Açıq Səhmdar Cəmiyyəti (bundan sonra iddiaçı) müraciət edərək Cavabdeh (bundan sonra cavabdeh) xx xxxxxxxx 2019-cu il tarixli kredit müqaviləsi üzrə 984,31 manat əsas, 52,43 manat faiz, 45,36 manat cərimə - cəmi 1082,1 manat borc məbləği və 30 manat dövlət rüsumu məbləğinin alınaraq iddiaçının hesabına ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-1-ci maddəsinə əsasən işə sadələşdirilmiş icraat qaydasında baxılması qərara alınmışdır. İddia ərizəsi və ona əlavə edilmiş sənədlərin surətləri xx xxxxxx 2021-ci il tarixdə cavabdehə rəsmi qaydada göndərilməklə bildirişi rəsmi qaydada aldığı gündən 10 (on) iş günü müddətində iddiaçının tələbinə dair əsaslandırılmış etirazı olduğu halda öz dəlilini və onu təsdiq edən sənədləri məhkəməyə təqdim etməsi izah olunmuşdur. Eyni zamanda, cavabdehə bildirilmişdir ki, ərizə məhkəməyə daxil olduğu gündən 30 (otuz) iş günü ərzində tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan işə sadələşdirilmiş icraat qaydasında baxılacaq və həmin işin həllinə dair qətnamə çıxarılacaqdır. Cavabdeh iddia ərizəsi və ona əlavə olunmuş sənədləri xx xxxxxx 2021-ci il tarixdə almış, lakin iddiaçının tələbinə dair hər hansı etirazını, dəlilini və onları təsdiq edən sənədləri məhkəməyə təqdim etməmişdir. İddia tələbi onunla əsaslandırılmışdır ki, “FİNtrend” BOKT ilə cavabdeh arasında bağlanmış xx xxxxxxxx 2019-cu il tarixli kredit müqaviləsinə əsasən cavabdehə illik 36 faizlə 24 ay müddətinə 1350 manat kredit verilmişdir. “FİNtrend” BOKT ilə “xxxx” İKB ASC arasında tələbetmə hüququnun güzəşt olunmasına dair 004 nömrəli xx xxx 2018-ci il tarixli müqavilə bağlanmışdır. Tərəflər arasında xx xxxxxxxx 2019-cu il tarixdə imzalanmış 829 nömrəli sazişə əsasən cavabdehlə “FİNtrend” BOKT arasında bağlanmış kredit müqaviləsi üzrə borcun tələb etmək hüququ “xxxx” İKB ASC-yə ötürülmüşdür. Cavabdehin 07 dekabr 2020-ci il tarixə kredit müqaviləsi üzrə 984,31 manat əsas, 52,43 manat faiz və 45,36 manat cərimə borcu yaranmışdır. Xəbərdarlıqlar edilməsinə baxmayaraq cavabdeh kredit müqaviləsi üzrə öhdəlikləri icra etməmişdir. İddiaçı cavabdehdən xx xxxxxxxx 2019-cu il tarixli müqavilə üzrə 984,31 manat əsas, 52,43 manat faiz, 45,36 manat cərimə - cəmi 1082,1 manat borc və 30 manat ödənilmiş dövlət rüsumu məbləğinin alınaraq İddiaçı ASC-nin hesabına ödənilməsi barədə qətnamə çıxarılmasını xahiş etmişdir. “FİNtrend” X4 təşkilatı ilə cavabdeh arasında bağlanmış xx xxxxxxxx 2019-cu il tarixli 481-0***-******* nömrəli kredit müqaviləsindən görünür ki, “FİNtrend” BOKT tərəfindən cavabdehə 24 ay müddətinə illik 36 faiz dərəcəsi ilə 1350 (bir min üç yüz əlli) manat məbləğində kredit verilmişdir. xx xxxxxxxx 2019-cu il tarixli 481-0***-******* nömrəli kredit müqaviləsinə bir saylı əlavədən görünür ki, cavabdeh müqavilə ilə müəyyən edilmiş 24 ay müddətində 1350 manat əsas və 563,16 manat faiz borcu, cəmi 1913,16 manat kredit borcunu ödəməyi öhdəsinə götürmüşdür. Tələbetmə hüquqlarının güzəşt olunmasına dair 0004 nömrəli xx xxx 2018-ci il tarixli müqavilənin surətindən görünür ki, “FİNtrend” BOKT ilə “xxxx” İKB ASC arasında tələbetmə hüquqlarının güzəşt olunmasına dair müqavilə imzalanmışdır. Tələbetmə hüquqlarının güzəşt olunmasına dair 0004 nömrəli xx xxx 2018-ci il tarixli müqaviləyə hüquqların ötürülməsi barədə 829 nömrəli xx xxxxxxxx 2019-cu il tarixli sazişin surətindən görünür ki, “FİNtrend” BOKT ilə bağlanmış kredit müqavilələri üzrə borcu tələb etmək hüququ “xxxx” İKB ASC-yə ötürülmüşdür. Tələbetmə hüquqlarının ötürülməsi barədə bildirişin surətindən görünür ki, xx xxxxxxxx 2019-cu il tarixli 481-0***-******* nömrəli kredit müqaviləsi üzrə “xxxx” İKB ASC-nin kreditor olduğu və müqavilə üzrə kredit borcunun həmin bankın hesablaşma hesabına ödənilməsi bildirilmişdir. Cavabdeh bildirişlə tanış olmuş və imzalamışdır. xx xxxxxx 2019-cu il tarixli **********986800 nömrəli çıxarışın surətindən görünür ki, Vergilər Nazirliyinin Milli Gəlirlər Baş İdarəsinin Hüquqi şəxslərin dövlət qeydiyyatı idarəsində “xxxx” X3 Səhmdar Cəmiyyətinin adı dəyişdirilərək İddiaçı Açıq Səhmdar Cəmiyyəti adlandırılmışdır. xx xxxxxx 2020-ci il tarixli PAİHTD-16408 nömrəli xəbərdarlıqdan görünür ki, müqavilə üzrə borcun beş gün ərzində ödənilməsi cavabdehdən tələb olunmuş, əks halda məhkəməyə müraciət olunacağı bildirilmişdir. xx xxxxxx 2020-ci il tarixli maliyyə arayışından görünür ki, cavabdehin xx xxxxxxxx 2019-cu il tarixli kredit müqaviləsinə əsasən 984,31 manat əsas, 52,43 manat faiz, 45,36 manat cərimə - cəmi 1082,1 manat borcu vardır. xx xxxxxx 2020-ci il tarixli ********* nömrəli mədaxil qəbzindən görünür ki, iddiaçı tərəfindən 30 (otuz) manat dövlət rüsumu ödənilmişdir. Məhkəmə iş materiallarını nəzərdən keçirərək hesab edir ki, iddia tələbi təmin edilməlidir. Məhkəmə araşdırması zamanı iş materialları ilə müəyyən edildi ki, “FİNtrend” BOKT ilə cavabdeh arasında bağlanmış xx xxxxxxxx 2019-cu il tarixli kredit müqaviləsinə əsasən cavabdehə illik 36 faizlə 24 ay müddətinə 1350 manat kredit verilmişdir. Cavabdeh kredit müqaviləsindən irəli gələn öhdəliyini vaxtında və lazımi qaydada icra etməmişdir. “FİNtrend” BOKT ilə “xxxx” İKB ASC arasında tələbetmə hüququnun güzəşt olunmasına dair 004 nömrəli xx xxx 2018-ci il tarixli müqavilə bağlanmışdır. Tərəflər arasında xx xxxxxxxx 2019-cu il tarixdə imzalanmış 829 nömrəli sazişə əsasən cavabdehlə “FİNtrend” BOKT arasında bağlanmış kredit müqaviləsi üzrə borcun tələb etmək hüququ “xxxx” İKB ASC-yə ötürülmüşdür. “xxxx” X3 Səhmdar Cəmiyyətinin adı Vergilər Nazirliyinin Milli Gəlirlər Baş İdarəsinin Hüquqi şəxslərin dövlət qeydiyyatı idarəsində dəyişdirilərək xx xxxxxx 2019-cu il tarixdən İddiaçı Açıq Səhmdar Cəmiyyəti adlandırılmışdır. İddiaçı cavabdehdən xx xxxxxxxx 2019-cu il tarixli müqavilə üzrə 984,31 manat əsas, 52,43 manat faiz, 45,36 manat cərimə - cəmi 1082,1 manat borc və 30 manat ödənilmiş dövlət rüsumu məbləğinin alınaraq iddiaçının hesabına ödənilməsi barədə qətnamə çıxarılmasını xahiş etmişdir. Cavabdeh iddiaçının tələbinə dair hər hansı etirazını, dəlillərini və onları təsdiq edən sənədləri məhkəməyə təqdim etməmişdir. Azərbaycan Respublikası Mülki Məcəlləsinin 385.1-ci maddəsinə uyğun olaraq öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 448.1-ci maddəsinə əsasən əgər bu Məcəllə ilə və ya müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Həmin Məcəllənin 449.1-ci maddəsinə əsasən özgəsinin pul vəsaitini qanunsuz saxlamaqla, onu qaytarmaqdan boyun qaçırmaqla, onun ödənilməsini digər şəkildə gecikdirməklə və ya başqa şəxsin hesabına pul vəsaitini əsassız əldə etməklə və ya toplamaqla ondan faydalanmağa görə həmin vəsaitin məbləğindən faizlər ödənilməlidir. Faizlərin miqdarı pul öhdəliyinin və ya onun müvafiq hissəsinin icra edildiyi gün üçün bank uçot dərəcəsi ilə müəyyənləşdirilir. Borc məhkəmə qaydasında tutulduqda məhkəmə kreditorun tələbini qərarın çıxarıldığı gün üçün bank uçot dərəcəsini əsas götürməklə ödəyə bilər. Həmin Məcəllənin 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Azərbaycan Respublikası Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Qeyd olunan əsaslara görə məhkəmə qərara gəlir ki, iddia tələbi təmin edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 284-6-cı maddəsini rəhbər tutaraq məhkəmə qət etdi: İddia tələbi təmin edilsin. Cavabdeh xx xxxxxxxx 2019-cu il tarixli kredit müqaviləsi üzrə 984 manat 31 qəpik əsas, 52 manat 43 qəpik faiz, 45 manat 36 qəpik cərimə və 30 manat dövlət rüsumu – cəmi 1112 (bir min bir yüz on iki) manat 10 (on) qəpik borc məbləği alınaraq İddiaçı Açıq Səhmdar Cəmiyyətinin hesabına ödənilsin. Məhkəmə qətnaməsi rəsmi qaydada verildiyi gündən 1 (bir) ay müddətində qətnamədən İsmayıllı Rayon Məhkəməsi vasitəsilə Şəki Apelyasiya Məhkəməsinə apelyasiya şikayəti verilə bilər. Qətnamədən şikayət verilməmişsə, qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən Rəfayel Şirinov