İsmayıllı Rayon Məhkəməsi Qətnamə — İş №2(037)-206/2024

Azərbaycan Respublikası adından QƏTNAMƏ İsmayıllı rayonu İş № 2(037)-206/2024 08.04.2024 İSMAYILLI RAYON MƏHKƏMƏSİ Hakim Hüseynov İlqar Vidayət oğlunun sədrliyi, Qasımov Xalid Məhərrəm oğlunun katibliyi ilə İddiaçı Cavabdeh qarşı maddi ziyanın ödənilməsi tələbinə dair mülki işə 08 aprel 2024-cü il tarixdə İsmayıllı şəhərində İsmayıllı Rayon Məhkəməsinin binasında açıq məhkəmə iclasında baxaraq, məhkəmə m ü ə y y ə n e t d i: İddiaçı (bundan sonra iddiaçı) Cavabdeh (bundan sonra cavabdeh) qarşı iddia ərizəsi ilə məhkəməyə müraciət edərək cavabdehdən elektron nəzarət vasitəsinin dəyəri olan 2277.40 manat məbləğinin tutularaq Azərbaycan Respublikası Ədliyyə Nazirliyinin hesabına ödənilməsi barədə qətnamə qəbul edilməsini xahiş etmişdir. İddiaçı nümayəndəsi - böyük icra məmuru (probasiya üzrə) X2 iddia tələbini müdafiə etdiyini bildirdi və izahat verərək göstərdi ki,İsmayıllı Rayon Məhkəməsinin xx.xx.2021-ci il tarixli 1(037)-64/2021 nömrəli hökmü ilə cavabdeh Azərbaycan Respublikası Cinayət Məcəlləsinin 234.1-ci maddəsi ilə təqsirli bilinərək 01 il 11 ay 26 gün müddətə azadlığın məhdudlaşdırılması cəzasına məhkum edilmişdir. xx.xx.2021-ci il tarixdə cavabdehə elektron nəzarət vasitəsi tətbiq olunmuş və ona müvafiq aktla 01 ədəd “Şans” markalı ENV komplekti təhvil verilmişdir.Cavabdehə tətbiq olunan “Şans” markalı ENV-də nasazlıq olduğundan xx.xx.2021-ci il tarixdə elektron nəzarət vasitəsi 35650426 nömrəli “Attenti” markalı ENV ilə əvəz olunmuşdur. xx.xx.2022-ci il tarixdə də mobil qurğunun enerji yığmaması səbəbindən mobil qurğu “Attenti” markalı 35630702 nömrəli qurğu ilə əvəz olunmuşdur. xx.xx.2023-cü il tarixdə məhkum Cavabdeh cəza müddəti bitməsi səbəbindən tətbiq olunmuş ENV təhvil götürülərək Ədliyyə Nazirliyinin Probasiya Xidmətinin Elektron Monitorinq İdarəsinə təhvil verilmişdir.Ədliyyə Nazirliyinin Probasiya Xidmətinin Elektron Monitorinq İdarəsinin 35630702 nömrəli “Attenti” markalı ENV-nin vəziyyəti haqqında ED000440 nömrəli rəyində qeyd olunmuşdur ki, qurğunun qapaqları yapışdırılmışdır,təmiri mümkün deyildir,istifadəyə tam yararsızdır.Cavabdehin mülki məsuliyyətsizliyindən elektron nəzarət vasitəsi yararsız vəziyyətə salınmışdır. Ədliyyə Nazirliyi Maliyyə və Təminat İdarəsinin təqdim etdiyi maliyyə arayışına görə həmin zədələnmiş avadanlığın 01 ədədinin dəyəri 2277,40 manat təşkil edir. Mübahisənin başqa həlli mövcud olmadığından hazırkı iddia ərizəsi ilə məhkəməyə müraciət etmək zərurəti yaranmışdır. Cavabdehdən mobil nəzarət qurğusunun dəyəri olan 2277,40 manat vəsaitin alınıb Azərbaycan Respublikası Ədliyyə Nazirliyinin hesabına verilməsini tələb edir və iddia tələbinin təmin edilməsi barədə qətnamə qəbul edilməsini xahiş edir. Cavabdeh məhkəmə iclasında izahat verərək göstərdi ki, İsmayıllı rayonu, Kürdmaşı kəndində yaşayır. İsmayıllı Rayon Məhkəməsinin xx.xx.2021-ci il tarixli 1(037)-64/2021 nömrəli hökmü ilə Azərbaycan Respublikası Cinayət Məcəlləsinin 234.1-ci maddəsi ilə təqsirli bilinərək 01 il 11 ay 26 gün müddətə azadlığın məhdudlaşdırılması cəzasına məhkum edilmişdir. xx.xx.2021-ci il tarixdə ona elektron nəzarət vasitəsi tətbiq olunmuş və müvafiq aktla 01 ədəd “Şans” markalı ENV komplekti təhvil verilmişdir. Ona tətbiq olunan ENV-də nasazlıqlar olduğundan iki dəfə dəyişdirilərək başqası ilə əvəz olunmuşdur. Ona tətbiq olunan elektron nəzarət vasitəsi işlənmiş vəziyyətdə olmuşdur. O, nəzarət vasitəsi tətbiq olunan vaxt ailəsini dolandırmaq üçün müxtəlif ərazilərdə fəhlə işləmişdir. İşlədiyi vaxt nəzarət vasitəsinin sınmaması üçün işlədiyi həyətdə günün altında pəncərənin qarşısına qoymuş, nəzarət vasitəsi açılıb dağıldığı üçün yapışdırıcı vasitə ilə yapışdırmışdır. Nəzarət vasitəsinin açılıb dağılması barədə İddiaçınə məlumat vermişdir. O, nəzarət vasitəsini qəsdən yararsız vəziyyətə salmamışdır. Nəzarət vasitəsi dağılmaması üçün məcbur qalaraq qapağını yapışdırıcı vasitə ilə yapışdırmışdır. Hazırda ondan tələb edilən nəzarət vasitəsinin dəyəri olan 2277.40 manat məbləğini ödəməyə maddi imkanı yoxdur. Qeyd etdikləri nəzərə alınmaqla iş üzrə qanuni qərar qəbul edilməsini xahiş edir. İsmayıllı Rayon Məhkəməsinin xx.xx.2021-ci il tarixli 1(037)-64/2021 nömrəli hökmünün surətindən görünür ki,təqsirləndirilən şəxs Cavabdeh Azərbaycan Respublikası Cinayət Məcəlləsinin 234.1-ci maddəsində nəzərdə tutulan cinayət əməlini törətməkdə təqsirli bilinərək, həmin Məcəllənin 234.1-ci maddəsi ilə 02 il müddətinə azadlığın məhdudlaşdırılması cəzasına məhkum edilmişdir. “Azadlığın məhdudlaşdırılması növündə cəzaya məhkum edilmiş şəxsə elektron nəzarət vasitələrinin tətbiq olunması və ona cəzanın icrası ilə bağlı hüquq və vəzifələrinin izah edilməsi barədə” 20 dekabr 2021-ci il tarixli protokolun surətindən görünür ki, Cavabdeh yaşadığı ünvanda elektron qolbaq tətbiq edilərək ona 3714 nömrəli “Şona” markalı ENV komplekti, 01 ədəd mobil qurğu,01 ədəd elektron qolbaq,01 ədəd enerji adabtoru, 01 ədəd enerji toplayıcısı kabeli təhvil verilərək məhkəmə hökmünün (qərarının) tələbləri,cəzanın icrası qaydaları,həmin qaydaların pozulmasının hüquqi nəticələri,o cümlədən,üzərində elektron nəzarət vasitəsi daşımalı olduğunu,həmin vasitənin işlək vəziyyətdə saxlanılması üçün ona xidmət qaydaları,hər hansı müdaxilənin və ya cihazın üzərindən çıxarılmasının yol verilməzliyi,habelə həmin vasitəni zədələdikdə və ya digər üsulla yararsız vəziyyətə saldıqda dəyərinin ondan tutulacağı izah edilmişdir. “Azadlığın məhdudlaşdırılması növündə cəzaya məhkum edilmiş şəxsin cəzanın icrası qaydalarına və şərtlərinə əməl etməsinin yoxlanılması barədə” 05 oktyabr 2022-ci il tarixli protokolun surətindən görünür ki, məhkum Cavabdeh İddiaçınə dəvət olunaraq “Attenti” markalı elektron qurğusuna baxış keçirilən zaman mobil qurğunun korpusunda hər hansı bir zədə və müdaxilə aşkar olunmamış,lakin mobil qurğu enerji yığmadığından sönməsi texniki səbəbdən irəli gəldiyi məlum olmuş və xx.xx.2022-ci il tarixdə “Attenti” markalı 35630702 nömrəli mobil qurğu ilə əvəz edilmişdir. “Azadlığın məhdudlaşdırılması növündə cəzaya məhkum edilmiş şəxsin cəzanın icrası qaydalarına və şərtlərinə əməl etməsinin yoxlanılması barədə” 30 dekabr 2021-ci il tarixli protokolun surətindən görünür ki, məhkum Cavabdeh İddiaçınə dəvət olunaraq “İdrak” markalı elektron qurğusuna baxış keçirilən zaman mobil qurğunun korpusunda hər hansı bir zədə və müdaxilə aşkar olunmamış,lakin mobil qurğu mütəmadi olaraq enerji yığmadığından tez-tez sönüb qoşulduğu texniki səbəbdən irəli gəldiyi məlum olmuşdur.Bununla əlaqədar olaraq məhkuma tətbiq edilmiş “İdrak” markalı elektron qurğu xx.xx.2021-ci il tarixdə 35660461 nömrəli “Attenti” markalı komplektlə əvəz edilərkən sonuncu nəzarət vasitəsini aktiv etmək mümkün olmamışdır. xx.xx.2021-ci il tarixdə 35660461 nömrəli “Attenti” markalı komplekt 35650426 nömrəli “Attenti” markalı komplektlə əvəz edilmişdir. xx.xx.2023-cü il tarixli, ED 000440 nömrəli “Elektron nəzarət vasitəsinin vəziyyəti haqqında" texniki rəyin surətindən görünür ki, məhkum Cavabdeh üzərinə quraşdırılmış “Attenti V6” markalı 35630702 nömrəli elektron nəzarət vasitəsinə texniki baxış nəticəsində nəzarət subyektinə təhkim olunmuş mobil qurğunun qapaqları yapışdırıldığı, təmirinin mümkün olmadığı,istifadəyə tam yararsız olduğu müəyyən edilmişdir. Ədliyyə Nazirliyi Maliyyə və Təminat İdarəsinin xx.xx.2021-ci il tarixli 21/3-1149 nömrəli məktubunun surətindən görünür ki,elektron qolbaq mobil nəzarət qurğusunun dəyəri 2277,40 manat məbləğindədir. Məhkəmə iddiaçının nümayəndəsinin və cavabdehin izahatlarını dinləyib, iş materiallarını nəzərdən keçirərək hesab edir ki, iddia tələbi təmin edilməlidir. Belə ki,məhkəmə araşdırması zamanı müəyyən edildi ki, İsmayıllı Rayon Məhkəməsinin xx.xx.2021-ci il tarixli 1(037)-64/2021 nömrəli hökmü ilə cavabdeh Azərbaycan Respublikası Cinayət Məcəlləsinin 234.1-ci maddəsində nəzərdə tutulan cinayət əməlini törətməkdə təqsirli bilinərək,həmin Məcəllənin 234.1-ci maddəsi ilə 02 il müddətinə azadlığın məhdudlaşdırılması cəzasına məhkum edilmişdir. “Azadlığın məhdudlaşdırılması növündə cəzaya məhkum edilmiş şəxsə elektron nəzarət vasitələrinin tətbiq olunması və ona cəzanın icrası ilə bağlı hüquq və vəzifələrinin izah edilməsi barədə” 20 dekabr 2021-ci il tarixli protokola əsasən cavabdehə elektron qolbaq tətbiq edilərək ona 3714 nömrəli “Şona” markalı ENV komplekti, 01 ədəd mobil qurğu,01 ədəd elektron qolbaq,01 ədəd enerji adabtoru, 01 ədəd enerji toplayıcısı kabeli təhvil verilərək məhkəmə hökmünün (qərarının) tələbləri, cəzanın icrası qaydaları, həmin qaydaların pozulmasının hüquqi nəticələri, o cümlədən, üzərində elektron nəzarət vasitəsi daşımalı olduğunu,həmin vasitənin işlək vəziyyətdə saxlanılması üçün ona xidmət qaydaları,hər hansı müdaxilənin və ya cihazın üzərindən çıxarılmasının yol verilməzliyi, habelə həmin vasitəni zədələdikdə və ya digər üsulla yararsız vəziyyətə saldıqda dəyərinin ondan tutulacağı izah edilmişdir. “Azadlığın məhdudlaşdırılması növündə cəzaya məhkum edilmiş şəxsin cəzanın icrası qaydalarına və şərtlərinə əməl etməsinin yoxlanılması barədə” 05 oktyabr 2022-ci il tarixli protokola əsasən cavabdeh İddiaçınə dəvət olunaraq “Attenti” markalı elektron qurğusuna baxış keçirilən zaman mobil qurğunun korpusunda hər hansı bir zədə və müdaxilə aşkar olunmamış, lakin mobil qurğu enerji yığmadığından sönməsi texniki səbəbdən irəli gəldiyi məlum olmuş və xx.xx.2022-ci il tarixdə “Attenti” markalı 35630702 nömrəli mobil qurğu ilə əvəz edilmişdir. “Azadlığın məhdudlaşdırılması növündə cəzaya məhkum edilmiş şəxsin cəzanın icrası qaydalarına və şərtlərinə əməl etməsinin yoxlanılması barədə” 30 dekabr 2021-ci il tarixli protokola əsasən cavabdeh İddiaçınə dəvət olunaraq “İdrak” markalı elektron qurğusuna baxış keçirilən zaman mobil qurğunun korpusunda hər hansı bir zədə və müdaxilə aşkar olunmamış,lakin mobil qurğu mütəmadi olaraq enerji yığmadığından tez-tez sönüb qoşulduğu texniki səbəbdən irəli gəldiyi məlum olmuşdur.Bununla əlaqədar olaraq məhkuma tətbiq edilmiş “İdrak” markalı elektron qurğu xx.xx.2021-ci il tarixdə 35660461 nömrəli “Attenti” markalı komplektlə əvəz edilərkən sonuncu nəzarət vasitəsini aktiv etmək mümkün olmamışdır.xx.xx.2021-ci il tarixdə 35660461 nömrəli “Attenti” markalı komplekt 35650426 nömrəli “Attenti” markalı komplektlə əvəz edilmişdir. xx.xx.2023-cü il tarixli, ED 000440 nömrəli “Elektron nəzarət vasitəsinin vəziyyəti haqqında” texniki rəylə cavabdehin üzərinə quraşdırılmış “Attenti V6” markalı 35630702 nömrəli elektron nəzarət vasitəsinə texniki baxış nəticəsində nəzarət subyektinə təhkim olunmuş mobil qurğunun qapaqları yapışdırıldığı,təmirinin mümkün olmadığı, istifadəyə tam yararsız olduğu müəyyən edilmişdir. Ədliyyə Nazirliyi Maliyyə və Təminat İdarəsinin xx.xx.2021-ci il tarixli 21/3-1149 nömrəli məktubun surətindən görünür ki, elektron qolbaq mobil nəzarət qurğusunun dəyəri 2277,40 manat məbləğindədir. İddiaçı cavabdehdən mobil nəzarət qurğusunun dəyəri olan 2277,40 manat vəsaitin alınıb Azərbaycan Respublikası Ədliyyə Nazirliyinin hesabına verilməsini tələb edir. Cavabdeh elektron nəzarət vasitəsinin ona işlənmiş vəziyyətdə təhkim edildiyini, işləyərkən nəzarət vasitəsini sınmaması üçün işlədiyi həyətdə günün altında pencərənin qarşısına qoyduğunu,nəzarət vasitəsi açılıb dağıldığı üçün yapışdırıcı vasitə ilə yapışdırdığını, nəzarət vasitəsini yararsız vəziyyətə salmadığını bildirir və iş üzrə qanuni qərar qəbul edilməsini xahiş edir. Azərbaycan Respublikası Cəzaların İcrası Məcəlləsinin 15-2.3-cü maddəsinə əsasən elektron nəzarət vasitələri tətbiq edilmiş məhkumun müəyyən edilmiş vəzifələri yerinə yetirməsinə nəzarət icra məmurları tərəfindən həyata keçirilir. 15-2.4-cü maddəsinə əsasən şəxsin üzərinə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək vəzifəsi qoyulduqda, elektron nəzarət vasitəsi onun üzərinə bağlanılır və həmin vasitənin işlək vəziyyətdə saxlanılması üçün ona xidmət qaydaları, hər hansı müdaxilənin və ya cihazın üzərindən çıxarılmasının yolverilməzliyi, həmçinin bu əməllərin hüquqi nəticələri izah edilir və bu barədə protokol tərtib edilir. 15-2.5-ci maddəsinə əsasən elektron nəzarət vasitəsi tətbiq edilmiş şəxs həmin vasitəni zədələdikdə və ya digər üsulla yararsız vəziyyətə saldıqda, onun dəyəri həmin şəxsdən tutulur. “Məhkum edilmiş və ya barəsində qətimkan tədbiri seçilmiş şəxslərə tətbiq edilən elektron nəzarət vasitələrinin siyahısının və onların tətbiqi qaydalarının təsdiq edilməsi haqqında” Azərbaycan Respublikası Nazirlər Kabinetinin 10 aprel 2018-ci il tarixli 144 nömrəli Qərarının 7.5-ci bəndinə əsasən tətbiq olunan elektron nəzarət vasitəsi yararsız hala düşdükdə və ya fəaliyyətində nasazlıqlar müşahidə olunduqda, o yenisi ilə əvəz edilə bilər. Bunun üçün icra məmuru (probasiya üzrə) və ya polis orqanının müvafiq vəzifəli şəxsi nasaz avadanlığa onu çıxarmadan baxış keçirməli və onun bilərəkdən korlanmaması aşkar olunduqda, dəyişdirilməsi barədə qərar verməlidir. Belə halda, icra məmuru (probasiya üzrə) və ya polis orqanının müvafiq vəzifəli şəxsi bu Qaydaların 7.4-cü bəndində göstərilən tədbirləri yerinə yetirir. Nəzarət subyekti elektron nəzarət vasitəsini zədələdikdə və ya digər üsullarla yararsız vəziyyətə saldıqda, həmin vasitənin dəyəri ondan tutulur. Azərbaycan Respublikası Mülki Məcəlləsinin 1096.1-ci maddəsinə əsasən mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa ziyan və ya zərər vurulmasına gətirib çıxaran təqsirli, hüquqa zidd (mülki qanunvericiliyin normalarını pozan) əməldir (hərəkət və ya hərəkətsizlikdir). 1097.1-ci maddəsinə əsasən mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. İşin məhkəmə tərəfindən müəyyən edilmiş faktiki hallarıından görünür ki, cavabdehin qanuni qüvvəyə minmiş məhkəmə qərarı ilə onun üzərinə qoyulmuş vəzifələri yerinə yetirməməsi və bununla bağlı hüquqazidd hərəkətləri nəticəsində üzərinə quraşdırılmış elektron nəzarət vasitəsini yararsız vəziyyətə salmaqla 2277,40 manat miqdarında maddi ziyan vurması məhkəmə iclasında sübuta yetirilmişdir. Məhkəmə tədqiq olunmuş sübutlara məcmu halında qiymət verərək qərara gəlir ki, 2277,40 manat miqdarında maddi ziyan məbləğinə görə məhz cavabdeh bilavasitə maddi məsuliyyət daşıdığına görə iddia tələbi təmin edilməli, cavabdehdən 2277,40 manat maddi ziyan məbləği alınaraq Azərbaycan Respublikası Ədliyyə Nazirliyinin hesabına ödənilməlidir. Azərbaycan Respublikası Mülki Prosessual Məcəlləsinin 119.2-ci maddəsinə əsasən iddiaçı müəyyən olunmuş qaydada dövlət rüsumunu ödəməkdən azad edilmişsə, dövlət rüsumu iddianın təmin edilmiş hissəsinə mütənasib olaraq cavabdehdən tutularaq dövlət gəlirlərinə alınır. “Dövlət rüsumu haqqında” Azərbaycan Respublikasının Qanuna əsasən məhkəməyə verilən iddia ərizəsinə görə iddia qiyməti 1.000 manatdan 10.000 manatadək olduqda 30 manat + 1.000 manatdan yuxarı olan iddia qiymətinin 1 faizi məbləğində dövlət rüsumu ödənilir. 9.1.14-cü maddəsinə əsasən məhkəmələrə verilən iddia ərizələri və bütün növ şikayətlər üzrə - büdcə təşkilatları, bələdiyyələr dövlət rüsumu ödəməkdən azad olunurlar. Qeyd olunan hüquq normasının tələbinə əsasən məhkəmə qərara gəlir ki, ödənilmiş tələblərin məbləği nəzərə alınmaqla cavabdehdən 42.77 manat dövlət rüsumu tutularaq Azərbaycan Respublikasının dövlət büdcəsinə ödənilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 214, 216-220, 227.2 və 227.3-cü maddələrini rəhbər tutaraq məhkəmə qətetdi: İddia tələbi təmin edilsin. Cavabdeh təhkim edilmiş mobil nəzarət qurğusunun dəyəri olan 2277.40 (iki min iki yüz yetmiş yeddi manat qırx qəpik) manat pul məbləği tutularaq Azərbaycan Respublikası Ədliyyə Nazirliyinin hesabına (X1, M/H:AZ41NABZ******************** VÖEN:**********,KOD 210005,SWİFT: CTREAZ 22,Bakı şəhər Maliyyə İdarəsi, H/H AZ 66CTRE********************, VÖEN **********, Büdcə səviyyəsinin kodu:1, Büdcə təsnifatının kodu:142330) hesaba ödənilsin. Cavabdeh 42.77 (qırx iki manat yetmiş yeddi) manat dövlət rüsumu tutularaq Azərbaycan Respublikasının dövlət büdcəsinə ödənilsin. Məhkəmə qətnaməsi rəsmi qaydada verildiyi gündən 1 (bir) ay müddətində qətnamədən elektron qaydada İsmayıllı Rayon Məhkəməsi vasitəsi ilə Şəki Apelyasiya Məhkəməsinə apelyasiya şikayəti verilə bilər. Qətnamədən şikayət verilməmişsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Sədrlik edən: İlqar Hüseynov