İsmayıllı Rayon Məhkəməsi Qətnamə — İş №2(037)-395/2025

Azərbaycan Respublikası adından QƏTNAMƏ İsmayıllı rayonu İş № 2(037)-395/2025 21.04.2025 İSMAYILLI RAYON MƏHKƏMƏSİ Hakim Hüseynov İlqar Vidayət oğlunun sədrliyi, Qasımov Xalid Məhərrəm oğlunun katibliyi ilə İddiaçı 6 saylı X1 Mərkəzinin Cavabdeh qarşı maddi ziyanın ödənilməsi tələbinə dair mülki işə 21 aprel 2025-ci il tarixdə açıq məhkəmə iclasında baxaraq, məhkəmə m ü ə y y ə n e t d i: İddiaçı 6 saylı X1 Mərkəzı̇ (bundan sonra iddiaçı) iddia ərizəsi ilə məhkəməyə müraciət edərək Cavabdeh (bundan sonra cavabdeh) 426.60 manat maddi ziyan məbləğinin alınaraq 6 saylı X1 Mərkəzı̇ nin hesabına ödənilməsi barədə qətnamə qəbul edilməsini xahiş etmişdir. İddiaçının nümayəndəsi X3 iddia tələbini müdafiə etdiyini bildirdi və izahat verərək göstərdi ki, cavabdeh qanunsuz ağac kəsmə nəticəsində Meşə Fonduna xx.xx.2024-cü il tarixli,003126 nömrəli akta əsasən 726.60 manat maddi ziyan vurmuşdur.Cavabdeh xx.xx.2024-cü il tarixdə könüllü olaraq vurduğu ziyanın 300 manatını ödəmiş, qalan 426.60 manatı isə yaxın müddət ərzində ödəyəcəyinə söz versə də indiyə qədər ödəməmişdir.Dəymiş ziyanın ödənilməsi ilə bağlı cavabdehə dəfələrlə müraciət olunsa da o həmin ziyan məbləğini ödəməmişdir.Cavabdehdən 426.60 manat maddi ziyan məbləğinin alınaraq Mərkəzı̇ nin hesabına ödənilməsini tələb edir və iddia tələbinin təmin edilməsi qətnamə qəbul edilməsini xahiş edir. Cavabdehə məhkəmə iclasının vaxtı və yeri barədə məlumat verilməsinə baxmayaraq məhkəmə iclasına gəlməmiş, gəlməməsinin səbəbi barədə məhkəməyə məlumat verməmiş, iddia tələbinin mahiyyəti üzrə fikrini bildirməmişdir. Məhkəmə işə cavabdehin iştirakı olmadan baxılmasını qərara almışdır. Məhkəmə iddiaçının nümayəndəsinin izahatını dinləyib, iş materiallarını nəzərdən keçirərək hesab edir ki, iddia tələbi təmin edilməlidir. Belə ki, iş materiallarına əlavə edilmiş: 11 oktyabr 2024-cü il tarixli 003126 nömrəli aktın və həmin akta əsasən tərtib edilmiş hesablama cədvəlinin təsdiq edilmiş surətlərindən müəyyən edilir ki, 11 oktyabr 2024-cü il tarixdə Mərkəzı̇ n əməkdaşları tərəfindən Talıstan Meşəbəyliyinin 6 saylı meşə dolayında keçirilən yoxlama zamanı müxtəlif cinsdən olan müxtəlif diametrlərdən ibarət ağacların kəsilməsi faktı yerində araşdırılmış, araşdırma zamanı həqiqətən fıstıq cinsindən olan diametri 16 sm-dən 1 ədəd, 20 sm-dən 1 ədəd,24 sm-dən 1 ədəd,olmaqla,cəmi 3 ədəd,palıd cinsindən diametri 12 sm-dən 3 ədəd,16 sm-dən 6 ədəd,20 sm-dən 3 ədəd,24 sm-dən 1 ədəd, olmaqla cəmi 13 ədəd,vələs cinsindən 8 sm-dən 25 ədəd,12 sm-dən 21 ədəd, 16 sm-dən 35 ədəd, 20 sm-dən 7 ədəd,24 sm-dən 6 ədəd,28 sm-dən 2 ədəd,32 sm-dən 1 ədəd olmaqla, cəmi 91 ədəd, meşə gilası cinsindən 16 sm-dən 2 ədəd,20 smdən 2 ədəd, cəmi 4 ədəd, cır armud cinsindən 20 sm-dən 1 ədəd, yemişan cinsindən 8 sm-dən 4 ədəd,12 sm-dən 5 ədəd, 16 sm-dən 5 ədəd, 20 sm-dən 2 ədəd,cəmi 16 ədəd,ağcaqayın cinsindən 8 sm-dən 1 ədəd, 12 sm-dən 1 ədəd və 16 sm-dən 1 ədəd olmaqla, ümumi kəsilmiş ağacların cəmi 137 ədəd olan müxtəlif cinslərdən ibarət ağaclar yaş halda kəsilmişdir. Maddi ziyan məbləği hesablanaraq 137 ədəd, ümumi məbləğ 726.60 manat olduğu müəyyən edilmişdir. 14 oktyabr 2024-cü il tarixli, MN №1763297 nömrəli inzibati xəta haqqında protokolun surətindən görünür ki, İsmayıllı rayon Talıstan meşəbəyliyinin mühafizə üzrə mühəndisi X2 tərəfindən İsmayıllı rayon Talıstan meşəbəyliyinin 6 saylı meşə dolayında yaş köküstə ağacların kəsilməsinə görə İsmayıllı rayon Maçaxı kənd sakini Cavabdeh barəsində İXM-nin 253.1-ci maddəsi ilə 14 oktyabr 2024-cü il tarixli, MN № ******* nömrəli inzibati xəta haqqında protokol tərtib edilmişdir. Məhkəmə аraşdırması zamanı müəyyən edildi ki, 11 oktyabr 2024-cü il tarixdə Mərkəzı̇ n əməkdaşları tərəfindən Talıstan Meşəbəyliyinin 6 saylı meşə dolayında keçirilən yoxlama zamanı müxtəlif cinsdən olan müxtəlif diametrlərdən ibarət ağacların kəsilməsi faktı yerində araşdırılmış, araşdırma zamanı həqiqətən fıstıq cinsindən olan diametri 16 sm-dən 1 ədəd, 20 sm-dən 1 ədəd, 24 sm-dən 1 ədəd,olmaqla,cəmi 3 ədəd,palıd cinsindən diametri 12 sm-dən 3 ədəd,16 sm-dən 6 ədəd,20 sm-dən 3 ədəd,24 sm-dən 1 ədəd, olmaqla cəmi 13 ədəd,vələs cinsindən 8 sm-dən 25 ədəd,12 sm-dən 21 ədəd,16 sm-dən 35 ədəd, 20 sm-dən 7 ədəd,24 sm-dən 6 ədəd,28 sm-dən 2 ədəd,32 sm-dən 1 ədəd olmaqla, cəmi 91 ədəd, meşə gilası cinsindən 16 sm-dən 2 ədəd,20 sm-dən 2 ədəd,cəmi 4 ədəd, cır armud cinsindən 20 sm-dən 1 ədəd, yemişan cinsindən 8 sm-dən 4 ədəd,12 sm-dən 5 ədəd, 16 sm-dən 5 ədəd, 20 sm-dən 2 ədəd,cəmi 16 ədəd,ağcaqayın cinsindən 8 sm-dən 1 ədəd, 12 sm-dən 1 ədəd və 16 sm-dən 1 ədəd olmaqla, ümumi kəsilmiş ağacların cəmi 137 ədəd olan müxtəlif cinslərdən ibarət ağaclar yaş halda kəsilmişdir. Maddi ziyan məbləği hesablanaraq 137 ədəd, ümumi məbləğ 726.60 manat olduğu müəyyən edilmişdir. Tərtib edilmiş akt və həmin akt əsasında tərtib edilmiş həcm qiymət cədvəlinə uyğun olaraq cavabdehdən 11 oktyabr 2024-cü il tarixli 003126 nömrəli akta əsasən 726.60 manat maddi ziyan məbləğini ödəməsi tələb edilsə də cavabdeh ödəməmişdir. İsmayıllı rayon Talıstan meşəbəyliyinin mühafizə üzrə mühəndisi X2 tərəfindən İsmayıllı rayon Talıstan meşəbəyliyinin 6 saylı meşə dolayında yaş köküstə ağacların kəsilməsinə görə İsmayıllı rayon Maçaxı kənd sakini Cavabdeh barəsində İXMnin 253.1-ci maddəsi ilə 14 oktyabr 2024-cü il tarixli, MN № ******* nömrəli inzibati xəta haqqında protokol tərtib edilmişdir. “Ətraf mühitin mühafizəsi” haqqında Azərbaycan Respublikası Qanununun 79-cu maddəsinin 1-ci bəndinə əsasən ətraf mühitin mühafizəsi haqqında qanunvericiliyin pozulması nəticəsində ətraf mühitə, insanların sağlamlığına, təşkilatların, vətəndaşların və dövlətin mülkiyyətinə (əmlakına) zərər vurmuş hüquqi və fiziki şəxslər qüvvədə olan qanunvericiliyə uyğun vurulmuş zərəri ödəməlidirlər. Həmin Qanunun 79-cu maddəsinin 2-ci bəndinə əsasən ətraf mühitin mühafizəsi haqqında qanunvericiliyin pozulması nəticəsində vurulan zərərin ödənilməsi müvafiq icra hakimiyyəti orqanı tərəfindən təsdiq edilmiş məzənnələr və metodlarla hesablanma qaydalarına uyğun könüllü və ya məhkəmənin qərarı əsasında, bu hallar olmadıqda isə itkilər nəzərə alınmaqla, ətraf mühitin pozulmuş vəziyyətinin bərpasına lazım olan faktiki xərclər həcmində həyata keçirilir. Həmin Qanunun 79-cu maddəsinin 4-cü bəndinə əsasən ətraf mühitə təhlükəli təsir edən fəaliyyətlə məşğul olan hüquqi və fiziki şəxslər, onların təqsiri müəyyən edildikdə ətraf mühitə vurulmuş zərəri ödəməlidirlər. Həmin Qanunun 79-cu maddəsinin 7-ci bəndinə əsasən ətraf mühitin mühafizəsi haqqında qanunvericiliyin pozulması nəticəsində vurulmuş zərər Azərbaycan Respublikası Mülki Məcəlləsinində nəzərdə tutulmuş qaydada ödənilir. Azərbaycan Respublikası Mülki Məcəlləsinin 21.1-ci maddəsinə əsasən zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki,qanunda və ya müqavilədə zərərin əvəzini daha az miqdarda ödənilməsi nəzərdə tutulmasın. Həmin Məcəllənin 1096.2-ci maddəsinə əsasən mülki hüquq pozuntusu (delikt) törətmiş şəxs mülki hüquq məsuliyyəti daşıyır. Həmin Məcəllənin 1097.1-ci maddəsinə əsasən mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir.Qanunla zərərin əvəzini ödəmək vəzifəsi zərəri vurmayan şəxsin öhdəsinə qoyula bilər. Qeyd olunan hüquq normalarının tələbinə və şərh olunan əsaslara görə məhkəmə qərara gəlir ki, cavabdehdən 426.60 manat maddi ziyan məbləği alınaraq iddiaçı 6 saylı X1 Mərkəzı̇ nin hesabına ödənilməlidir. Azərbaycan Respublikası Mülki Prosessual Məcəlləsinin 119.1-ci maddəsinə əsasən məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Hazırkı mülki iş üzrə iddiaçı 6 saylı X1 Mərkəzi dövlət rüsumu ödəməkdən azad olunduğundan hazırkı iş üzrə iddia tələbi ilə məhkəməyə müraciət etmək üçün ödənilməli olan 30 manat dövlət rüsumu məbləği Cavabdeh tutularaq dövlət büdcəsinə ödənilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 214, 216-220, 227.2 və 227.3-cü maddələrini rəhbər tutaraq məhkəmə qətetdi: İddia tələbi təmin edilsin. Cavabdeh 426.60 manat maddi ziyan məbləği alınıb iddiaçı 6 saylı X1 Mərkəzinin hesabına ödənilsin. Cavabdeh 30 manat dövlət rüsumu məbləği tutularaq dövlət büdcəsinə ödənilsin. Məhkəmə qətnaməsi rəsmi qaydada verildiyi gündən 1 (bir) ay müddətində qətnamədən elektron qaydada İsmayıllı Rayon Məhkəməsi vasitəsi ilə Şəki Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Sədrlik edən İlqar Hüseynov