İsmayıllı Rayon Məhkəməsi Qətnamə — İş №2(037)-845/2021

Azərbaycan Respublikası adından QƏTNAMƏ İsmayıllı rayonu İş № 2(037)-845/2021 28.09.2021 İSMAYILLI RAYON MƏHKƏMƏSİ Şirinov Rəfayel Səməd oğlunun sədrliyi, X1 kаtibliyi ilə İddiaçı "xxxx" Məhdud Məsuliyyətli Cəmiyyətinin Cavabdeh qarşı borcun ödənilməsi tələbinə dair mülki işə 28 sentyabr 2021-ci il tarixdə İsmayıllı Rayon Məhkəməsinin binasında sadələşdirilmiş icraat qaydasında baxaraq məhkəmə müəyyən etdi: "xxxx" Məhdud Məsuliyyətli Cəmiyyəti (bundan sonra iddiaçı) Cavabdeh (bundan sonra cavabdeh) qarşı məhkəməyə müraciət edərək cavabdehdən 20 mart 2020-ci il tarixli müqavilə üzrə İMEİ kodu **********60529 olan Samsung galaxy A10 markalı telefon üçün 354 manat ödənilməmiş hissə, 35 manat cərimə, 11 yanvar 2020-ci il tarixli müqavilə üzrə İMEİ kodu **********83412 olan Xiaomi Redmi 8 markalı telefon üçün 330 manat ödənilməmiş hissə, 33 manat cərimə olmaqla cəmi 752 manat borc və 30 manat ödənilmiş dövlət rüsumu məbləğinin alınaraq iddiaçının hesabına ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin 284-1-ci maddəsinə əsasən işə sadələşdirilmiş icraat qaydasında baxılması qərara alınmışdır. İddia ərizəsi və ona əlavə edilmiş sənədlərin surətləri 24 avqust 2021-ci il tarixdə cavabdehə rəsmi qaydada göndərilməklə bildirişi rəsmi qaydada aldığı gündən 10 (on) iş günü müddətində iddiaçının tələbinə dair əsaslandırılmış etirazı olduğu halda öz dəlilini və onu təsdiq edən sənədləri məhkəməyə təqdim etməsi izah olunmuşdur. Eyni zamanda, cavabdehə bildirilmişdir ki, ərizə məhkəməyə daxil olduğu gündən 30 (otuz) iş günü ərzində tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan işə sadələşdirilmiş icraat qaydasında baxılacaq və həmin işin həllinə dair qətnamə çıxarılacaqdır. Cavabdeh iddia ərizəsi və ona əlavə olunmuş sənədləri 26 avqust 2021-ci il tarixdə almış, lakin iddiaçının tələbinə dair hər hansı etirazını, dəlilini və onları təsdiq edən sənədləri məhkəməyə təqdim etməmişdir. İddia tələbi onunla əsaslandırılmışdır ki, tərəflər arasında bağlanmış 20 mart 2020-ci il tarixli müqaviləyə əsasən cavabdeh ilkin olaraq 7 manat ödəniş etdikdən sonra 12 ay müddətinə hər ay 29,5 manat olmaqla cəmi 361 manat dəyərində İMEİ kodu **********60529 olan Samsung galaxy A10 markalı telefon, 11 yanvar 2020-ci il tarixli müqaviləyə əsasən 12 ay müddətinə hər ay 33 manat olmaqla cəmi 396 manat dəyərində İMEİ kodu **********83412 olan Xiaomi Redmi 8 markalı telefon almışdır. Cavabdeh müqavilələr üzrə cəmi 684 manat ödəniş etmişdir. Müqavilələrə əlavə olunmuş ödəniş cədvələrinin 2-ci bəndinə əsasən ödənişlərdə gecikmələr aşkarlanıbsa, müddəti keçmiş məbləğin hər növbəti təqvim gününə hesablanmış 1%-i həcmində müşəri mübahisəsiz olaraq peniya ödəyir. İddiaçı cavabdehdən 20 mart 2020-ci il tarixli müqavilə üzrə İMEİ kodu **********60529 olan Samsung galaxy A10 markalı telefon üçün 354 manat ödənilməmiş hissə, 35 manat cərimə, 11 yanvar 2020-ci il tarixli müqavilə üzrə İMEİ kodu **********83412 olan Xiaomi Redmi 8 markalı telefon üçün 330 manat ödənilməmiş hissə, 33 manat cərimə olmaqla cəmi 752 manat borc və 30 manat ödənilmiş dövlət rüsumu məbləğinin alınaraq iddiaçının hesabına ödənilməsi barədə qətnamə çıxarılmasını xahiş etmişdir. 20 mart 2020-ci il tarixli 20189637 nömrəli müqavilədən və ödəniş cədvəlindən görünür ki, həmin tarixdə iddiaçı tərəfindən cavabdehə ilkin 7 manat ödəniş etdikdən sonra 12 ay müddətinə hər ay 29,5 manat ödəmək şərti ilə cəmi 361 manat dəyərində **********60529 olan Samsung galaxy A10 markalı telefon satılmışdır. 11 yanvar 2020-ci il tarixli 20030387 nömrəli müqavilədən və ödəniş cədvəlindən görünür ki, həmin tarixdə iddiaçı tərəfindən cavabdehə 12 ay müddətinə hər ay 33 manat ödəmək şərti ilə cəmi 396 manat dəyərində İMEİ kodu **********83412 olan Xiaomi Redmi 8 markalı telefon satılmışdır. 12 oktyabr 2020-ci il tarixli xəbərdarlıqdan görünür ki, cavabdehdən aldığı əşyaların tam dəyərini və gecikmə günlərinə müvafiq olaraq hesablanmış peniya məbləğinin ödənilməsi tələb olunmuş, əks halda aidiyyatı üzrə dövlət qurumuna müraciət olunacağı barədə xəbərdar edilmişdir. 20 iyul 2021-ci il tarixli maliyyə və ödəniş cədvəlindən görünür ki, cavabdehin 20 mart 2020-ci il tarixli müqavilə üzrə 354 manat ödənilməmiş hissə, 35 manat cərimə - cəmi 389 manat, 11 yanvar 2020-ci il tarixli müqavilə üzrə 330 manat ödənilməmiş hissə, 33 manat cərimə - cəmi 363 manat borcu qalmışdır. 21 iyul 2021-ci il tarixli ********* nömrəli mədaxil qəbzindən görünür ki, iddiaçı tərəfindən 30 (otuz) manat dövlət rüsumu ödənilmişdir. Məhkəmə iş materiallarını nəzərdən keçirərək hesab edir ki, iddia tələbi təmin edilməlidir. Məhkəmə araşdırması zamanı iş materialları ilə müəyyən edildi ki, tərəflər arasında bağlanmış 20 mart 2020-ci il tarixli 20189637 nömrəli müqaviləyə əsasən cavabdehə ilkin 7 manat ödəniş etdikdən sonra 12 ay müddətinə hər ay 29,5 manat ödəmək şərti ilə cəmi 361 manat dəyərində **********60529 olan Samsung galaxy A10 markalı, 11 yanvar 2020ci il tarixli müqaviləyə əsasən 12 ay müddətinə hər ay 33 manat olmaqla cəmi 396 manat dəyərində İMEİ kodu **********83412 olan Xiaomi Redmi 8 markalı telefon satılmışdır. Cavabdeh aldığı malların dəyərindən 684 manat ödəniş etmiş, 20 mart 2020-ci il tarixli müqavilə üzrə 354 manat və 11 yanvar 2020-ci il tarixli müqavilə üzrə 330 manat borc ödənilməmiş qalmışdır. Müqavilənin şərtlərinə əsasən əsas borclara 35 manat və 33 manat cərimə hesablanmışdır. İddiaçı cavabdehdən cəmi 752 manat borc və 30 manat dövlət rüsumu məbləğinin alınaraq iddiaçının hesabına ödənilməsi barədə qətnamə çıxarılmasını xahiş etmişdir. Cavabdeh iddiaçının tələbinə dair hər hansı etirazını, dəlillərini və onları təsdiq edən sənədləri indiyədək məhkəməyə təqdim etməmişdir. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, əmlak verməli, iş görməli, xidmətlər göstərməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi başa düşülür. Həmin Məcəllənin 465.2-ci maddəsinə əsasən əgər borclu öhdəliyin lazımınca icra edilməməsi, o cümlədən müəyyənləşdirilmiş müddətdə icra edilməməsi üçün cərimə ödəyəcəyini vəd etmişdirsə, kreditor cərimənin ödənilməsini və öhdəliyin icrasını tələb edə bilər. Həmin Məcəllənin 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir. Qeyd olunanlara əsasən məhkəmə qərara gəlir ki, tərəflər arasında bağlanmış müqavilələrin şərtlərinə uyğun olaraq cavabdeh nisyə aldığı əşyaların dəyərini və ona hesablanmış cəriməni ödəməli olduğundan iddia tələbinin təmin olunması barədə qətnamə qəbul edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 284-6-cı maddəsini rəhbər tutaraq məhkəmə qət etdi: İddia tələbi təmin edilsin. Cavabdeh 20 mart 2020-ci il tarixli müqavilə üzrə **********60529 olan Samsung galaxy A10 markalı telefon üçün 354 manat ödənilməmiş hissə, 35 manat cərimə, 11 yanvar 2020-ci il tarixli müqavilə üzrə İMEİ kodu **********83412 olan Xiaomi Redmi 8 markalı telefon üçün 330 manat ödənilməmiş hissə, 33 manat cərimə və 30 manat dövlət rüsumu olmaqla, cəmi 782 (yeddi yüz səksən iki) manat məbləği alınaraq iddiaçı "xxxx" Məhdud Məsuliyyətli Cəmiyyətinin hesabına ödənilsin. Məhkəmə qətnaməsi rəsmi qaydada verildiyi gündən 1 (bir) ay müddətində qətnamədən İsmayıllı Rayon Məhkəməsi vasitəsilə Şəki Apelyasiya Məhkəməsinə apelyasiya şikayəti verilə bilər. Qətnamədən şikayət verilməmişsə, qəbul edildiyi gündən 1 (bir) ay keçdikdən sonra qanuni qüvvəyə minir. Sədrlik edən Rəfayel Şirinov