Yevlax Rayon Məhkəməsi Qərardad — İş №2(039)-245/2025

Azərbaycan Respublikası adından QƏRARDAD Yevlax Rayou İş № 2(039)-245/2025 28.01.2025 YEVLAX RAYON MƏHKƏMƏSİ Hakim Paşayev Qalib Hidayət oğlunun sədrliyi, Baxşəliyeva Ülkər Asif qızının katibliyi ilə, İddiaçı (qarşılıqlı iddia üzrə cavabdeh) İddiaçı cavabdeh (qarşılıqlı iddiaçı) Cavabdeh qarşı alimentin artırılması, cavabdeh (qarşılıqlı iddiaçı) Cavabdeh iddiaçı (qarşlıqlı iddia üzrə cavabdeh) İddiaçı qarşı aliment tələbinə dair qarşılıqlı iddiası üzrə mülki işə Yevlax Rayon Məhkəməsində, məhkəmə iclas zalında baxaraq, açıq məhkəmə iclasında baxaraq, müəyyən etdi: İddiaçı Cavabdeh qarşı alimentin artırılması tələbinə dair idda ərizəsi ilə məhkəməyə müraciət edərək, Cavabdeh xx.xx.2012-ci il təvəllüdlü X1 üçün Yevlax Rayon Məhkəməsinin xx.xx.2017-ci il tarixli qətnaməsi ilə təyin edilmiş 140 (bir yüz qırx) manat alimentin artırılaraq ərizə verildiyi tarixdən başlayaraq, hər ay 235 (iki yüz otuz beş) manat sabit pul məbləğində alimentin cavabdehdən tutulub ona verilməsinə dair qətnamə çıxarılmasını xahiş etmişdir. Cavabdeh Ləti oğlu İddiaçı qarşı aliment tələbinə dair qarşlıqlı iddia verərək, İddiaçı iddia ərizəsinin verildiyi vaxtdan hesablanmaqla birgə nikahdan doğulmuş xx.xx.2007-ci il təvəllüdlü Emil adlı uşağın saxlanılması üçün sabit pul məbləğində hər ay 250 (iki yüz əlli) manat alimentin tutulmasına dair qətnamə çıxarılmasını xahiş etmişdir. İddiaçı (qarşlıqlı iddia üzrə cavabdeh) İddiaçı vəsatətlə məhkəməyə müraciət edərək, ərizənin baxılmadan geri qaytarılmasını xahiş etmişdir. Cavabdeh (qarşlıqlı iddiaçı) Cavabdeh qızı vəsatətlə məhkəməyə müraciət edərək, ərizənin baxılmadan geri qaytarılmasını xahiş etmişdir. «Azərbaycan Respublikası Ali Məhkəməsi Plenumunun bəzi qərarlarında dəyişikliklər edilməsi haqqında» 24 dekabr 2021-ci il tarixli, 12 nömrəli qərarında qeyd edilmişdir ki, Azərbaycan Respublikası MPM-nin 259.0.1 - 259.0.10, 259.0.12 və 259.0.13cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-in 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur. Azərbaycan Respublikasının Mülki Prosessul Məcəlləsinin 170.1-ci maddəsinə əsasən bu Məcəllənin 254, 255, 261.0.1-261.0.3 və 261.0.6-261.0.8‐ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Həmin Məcəllənin 170.2-ci maddəsinə əsasən işin məhkəmə baxışına hazırlanmasının dayandırılması və ya xitam verilməsi zamanı hakim qərardad çıxarır. Həmin Məcəllənin 170.3-cü maddəsinə əsasən bu Məcəllənin 170.1‐ci və 170.2‐ci maddələrində göstərilən qaydada qəbul edilmiş qərardaddan şikayət verilə bilər. Göstərilənlərə əsaslanaraq və Azərbaycan Respublikasının Mülki Prosessual Məcəlləsinin 170, 263-264, 266-268-ci maddələrini rəhbər tutaraq, məhkəmə qərara aldı: İddiaçı (qarşılıqlı iddia üzrə cavabdeh) İddiaçı cavabdeh (qarşılıqlı iddiaçı) Cavabdeh qarşı alimentin artırılması tələbinə dair ilk iddia ərizəsi və cavabdeh (qarşılıqlı iddiaçı) Cavabdeh iddiaçı (qarşlıqlı iddia üzrə cavabdeh) İddiaçı qarşı aliment tələbinə dair qarşlıqlı iddia ərizəsi geri qaytarılsın. Qərardaddan rəsmi qaydada verildikdən sonra 10 gün müddətində yazılı şəkildə Yevlax Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim: Qalib Paşayev