Kürdəmir Rayon Məhkəməsi Qətnamə — İş №2(041)-1600/2023

Azərbaycan Respublikası adından QƏTNAMƏ Kürdəmir rayon İş № 2(041)-1600/2023 31.10.2023 KÜRDƏMİR RAYON MƏHKƏMƏSİ Məhkəmənin hakimi X2, İddiaçı Azərbaycan Respublikası Ədliyyə Nazirliyinin Probasiya Xidməti Kürdəmir rayon icra və probasiya şöbəsinin Cavabdeh Qardaşxan oğluna qarşı dəymiş ziyanın ödənilməsi barədə kiçik mübahisələr üzrə iddia ərizəsinə dair mülki işə məhkəmənin binasında (Kürdəmir şəhəri, Heydər Əliyev prospekti, 22) sadələşdirilmiş icraat qaydasında baxaraq, M Ü Ə Y Y Ə N E T D İ: İddiaçı Azərbaycan Respublikası Ədliyyə Nazirliyinin Probasiya Xidməti Kürdəmir rayon icra və probasiya şöbəsi (bundan sonra Kürdəmir rayon icra və probasiya şöbəsi) sadələşdirilmiş icraat qaydasında Cavabdeh Qardaşxan oğluna qarşı kiçik mübahisələr üzrə iddia ərizəsi ilə məhkəməyə müraciət edərək, Cavabdeh Qardaşxan oğlundan Azərbaycan Respublikası Ədliyyə Nazirliyi probasiya xidmətinə vurmuş olduğu zərərə görə 2277.40 manat pulun alınaraq dövlət büdcəsinə ödənilməsi barədə qətnamə çıxarılmasını xahiş etmişdir. Azərbaycan Respublikası Mülki Prosessual Məcəlləsinin: - 284-*-ci maddəsinə əsasən, mülki işlər üzrə iddianın qiyməti beş min manatdan, kommersiya mübahisələrə dair işlər üzrə iddianın qiyməti on min manatdan az olan iddialar (kiçik iddialar) üzrə işlərə sadələşdirilmiş qaydada baxılmasına yol verilir. - 284-5.*. ərizənin qəbulundan imtina olunmamışdırsa, onun məhkəməyə daxil olduğu vaxtdan 5 (beş) iş günü ərzində işə baxan hakim cavabdehə rəsmi qaydada bildiriş göndərir. Bildirişdə iddiaçının tələbinə dair cavabdehin əsaslandırılmış etirazının olduğu halda öz dəlillərini və onları təsdiq edən sənədləri təqdim etməli olduğu qeyd edilir. - 284-5.2. cavabdeh bildirişi rəsmi qaydada aldığı gündən *0 (on) iş günü müddətində iddiaya qarşı əsaslandırılmış etirazını və ona əlavə olunmuş sənədləri, elektron qaydada verildikdə isə elektron imza ilə təsdiq edilmiş etirazını və ona əlavə olunmuş, “Elektron imza və elektron sənəd haqqında” Azərbaycan Respublikasının Qanununda nəzərdə tutulmuş qaydada elektron sənəd formasında tərtib edilmiş sənədləri məhkəməyə göndərə bilər. 284-5.3. ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. 284-6.*. işə mahiyyəti üzrə baxan hakim tərəfindən iddianın təmin və ya rədd edilməsi haqqında qətnamə qəbul edilir. Məhkəmə iddiaçı Kürdəmir rayon icra və probasiya şöbəsinin Cavabdeh Qardaşxan oğluna qarşı “borc tələbinə dair” kiçik mübahisələr üzrə mülki işi sadələşdirilmiş icraat qaydasında baxılmasını mümkün hesab etmiş və buna görə də, mülki-prosessual qanunvericiliyinin tələblərinə uyğun olaraq “bildirişi rəsmi qaydada aldığı gündən *0 (on) gün iş günü müddətində iddiaya qarşı əsaslandırılmış etirazını və ona əlavə olunmuş sənədləri məhkəməyə göndərmək” hüququnun izah olunması barədə bildiriş müvafiq qaydada cavabdehə göndərilmişdir. Məhkəmə kiçik mübahisələr üzrə iddia ərizəsini və işin faktiki hallarını araşdırıb, işdə olan sənədləri tədqiq etməklə sübutları qiymətləndirərək hesab edir ki, aşağıda göstərilənlərə əsasən iddia təmin edilməlidir. Belə ki, ərizənin məzmunu və iş materialları ilə müəyyən olunur ki, Cavabdeh Qardaşxan oğlu Azərbaycan Respublikası CM-nin 22*.*-ci maddəsi ilə təqsirli bilinərək Kürdəmir rayon məhkəməsinin *(04*)-40/2023 saylı, *7.05.2023-cü il tarixli hökmü ilə 09 ay müddətə azadlığın məhdudlaşdırılması cəzasına məhkum edilmişdir. Kürdəmir rayon məhkəməsinin *(04*)- 40/2023 saylı, *7.05.2023-cü il tarixli hökmünün icrası ilə əlaqədar *2.07.2023-cü il tarixdə məhkum Cavabdeh Qardaşxan oğluna bir ədəd “Attenti” markalı sadə elektron qolbaq, bir ədəd “Attenti” markalı mobil nəzarət qurğusu və onun enerji toplayıcısı tətbiq edilərək təhvil verilmiş, bu barədə protokol tərtib edilmişdir. Həmçinin Cavabdeh Qardaşxan oğluna məhkəmə hökmü ilə üzərinə qoyulmuş elektron nəzarət vasitəsinin işlək vəziyyətdə saxlanılması üçün ona xidmət etmək vəzifəsi izah edilmişdir. Habelə məhkuma ona tətbiq edilmiş elektron nəzarət vasitəsinin yaxud onun tərkib hissələrinin zədələnəcəyi və ya yararsız hala salınacağı təqdirdə əvəzinin ondan tutulacağı barədə xəbərdarlıq edilmiş, bu barədə tərtib edilmiş *7.05.2023-cü il tarixli protokola məhkum və Probasiya Xidmətinin əməkdaşı tərəfindən imza edilmişdir. Lakin məhkum Cavabdeh Qardaşxan oğlu ona tətbiq edilmiş elektron nəzarət vasitəsinin tərkib hissəsi olan “Attenti” markalı mobil nəzarət qurğusunu yararsız hala salmışdır. *9.07.2023-ci il tarixdə məhkum Cavabdeh Qardaşxan oğlundan alınmış izahatda məhkum kamaz markalı avtomobili təmizləyərkən yıxıldığını və bu səbəbdən yararsız hala salındığını etiraf etmişdir. Azərbaycan Respublikası Ədliyyə Nazirliyi Maliyyə və Təminat idarəsi tərəfindən təqdim edilmiş cədvəldə sadə elektron qolbağın və digər nəzarət avadanlıqlarının xüsusi proqram təminatı ilə birlikdə dəyərinin ƏDV daxil edilməklə 2277.40 (iki min iki yüz yetmiş yeddi manat 40 qəpik) manat təşkil etdiyi bildirilmişdir. İddia ərizəsi xx.xx.2023-ci il tarixdə məhkəməyə daxil olmuş və həmin tarixdə Cavabdeh Qardaşxan oğluna prosessual hüquq və vəzifələrinin izahı barədə rəsmi qaydada bildiriş göndərmişdir. İş materiallarına əlavə edilmiş; -Kürdəmir rayon məhkəməsinin *7.05.2023-ci il tarixli *(04*)-40/2023 saylı hökmünün sürətindən görünür ki, Cavabdeh Qardaşxan oğlu AR CM-nin 22*.*-ci maddəsi ilə təqsirli bilinib 09 ay müddətə azadlığın məhdudlaşdırlaması cəzasına məhkum olunmuşdur. -Azərbaycan Respublikası Ədliyyə Nazirliyinin Maliyyə və Təminat idarəsindən Azərbaycan Respublikası Ədliyyə Nazirliyinin Probasiya xidmətinə ünvanlanmış 29.07.202*-ci il tarixli 296-2* saylı məktubunda sadə elektron qolbaq -* ədəd, mobil nəzarət qurğusu * ədəd, elektrik adapteri * ədəd, proqram lizensiyası 2277.40 manat təşkil edir. -*2.7.2023-cü il tarixli protokolun sürətindən görünür ki, Kürdəmir rayon məhkəməsinin *7.05.2023-cü il tarixli hökmünü icrası ilə əlaqədar olaraq Cavabdeh Qardaşxan oğluna * ədəd attenti markalı elektron qolbaq, * ədəd mobil qurğu, * ədəd enerji toplayıcı tətbiq edilərək Cavabdeh Qardaşxan oğluna təhvil verilmişdir. Məhkəmə işdə olan sənədləri tədqiq edərək müəyyən etdi ki, cavabdehin qeyd edilən elektron nəzarət qurğularını zədələməsi nəticəsində probasiya xidmətinə ümumilikdə 2277.40 ziyan vurmuşdur. Azərbaycan Respublikası Mülki Məcəlləsinin: - 2*.*-ci maddəsinə görə zərərin əvəzinin ödənilməsini tələb etmək hüququna malik olan şəxs ona vurulmuş zərərin əvəzinin tam ödənilməsini tələb edə bilər, bu şərtlə ki, qanunda və ya müqavilədə zərərin əvəzinin daha az miqdarda ödənilməsi nəzərdə tutulmasın. - 2*.2. Zərər dedikdə, hüququ pozulmuş şəxsin pozulmuş hüququnu bərpa etmək üçün çəkdiyi və ya çəkməli olduğu xərclər, əmlakından məhrum olması və ya əmlakının zədələnməsi (real zərər), habelə hüququ pozulmasaydı, həmin şəxsin adi mülki dövriyyə şəraitində əldə edəcəyi gəlirlər (əldən çıxmış fayda) başa düşülür. - 2*.3. Zərərin əvəzinin ödənilməsi ilə bağlı tələbin həcminin müəyyənləşdirilməsi zamanı zərərçəkənin, onun işçisinin və qanunvericiliklə nəzərdə tutulmuş hallarda üçüncü şəxslərin davranışının zərərin yaranmasına və artmasına hansı həcmdə şərait yaratması nəzərə alınmalıdır. - 425.*. öz hüquqlarını həyata keçirərkən və vəzifələrini icra edərkən tərəflərdən hər biri vicdanlılığın tələb etdiyi tərzdə, yəni şərtləşdirilmiş vaxtda və yerdə lazımi şəkildə, öhdəliyin şərtlərinə və bu Məcəllənin tələblərinə müvafiq surətdə, belə şərtlər və tələblər olmadıqda isə işgüzar adətlərə və ya adətən irəli sürülən digər tələblərə müvafiq surətdə hərəkət etməlidir. - 442. öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Azərbaycan Respublikası Mülki Prosessual Məcəlləsinin *4.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Məhkəmə iddiaçının təqdim etdiyi sənədləri tədqiq edərək tolanmış sübutlara Azərbaycan Respublikası Mülki Prosessual Məcəlləsinin 88-ci maddəsinə əsasən məcmusu halında qiymət verərək hesab edir ki, iddia təmin edilməli, Cavabdeh Qardaşxan oğlunun Azərbaycan Respublikası Ədliyyə Nazirliyi Probasiya Xidmətinə vurmuş olduğu zərərə görə 2277.40 (iki min iki yüz yetmiş yeddi manat 40 qəpik) manat pul cavabdeh X* tutulub dövlət büdcəsinə ödənilməlidir. Azərbaycan Respublikası Mülki Prosessual Məcəlləsinin **9.*-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İddia təmin edildiyinə görə 42.77 manat dövlət rüsumu cavabdehdən tutulub dövlət büdcəsinə ödənilməlidir. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 2*6-220, 284-*-284-6-cı maddələrini rəhbər tutaraq, Q Ə T E T D İ: İddia təmin edilsin. Cavabdeh Qardaşxan oğlundan Azərbaycan Respublikası Ədliyyə Nazirliyi Probasiya Xidmətinə vurmuş olduğu zərərə görə 2277.40 (iki min iki yüz yetmiş yeddi manat 40 qəpik) manat və 42.77 (qırx iki manat 77 qəpik) manat məbləğində dövlət rüsumu tutularaq dövlət büdcəsinə ödənilsin. Qətnamədən tərəflərə rəsmi qaydada təqdim olunduğu gündən * (bir) ay müddətində Kürdəmir rayon məhkəməsi vasitəsilə Şirvan Apellyasiya Məhkəməsinin mülki kollegiyasına apellyasiya şikayəti verə bilər. HAKİM: X.X.İMANOV