Kürdəmir Rayon Məhkəməsi Qərardad — İş №2(041)-546/2023

Azərbaycan Respublikası adından QƏRARDAD Kürdəmir rayon İş № 2(041)-546/2023 23.02.2023 KÜRDƏMİR RAYON MƏHKƏMƏSİ Məhkəmənin hakimi X3, tərəflərin iştirakı olmadan, İddiaçı “Kredit Serviz” Bank Olmayan Kredit Təşkilatının Abdulabad filialının cavabdehlər X2 və Cavabdeh2 qarşı borc tələbinə dair kiçik iddialara dair işlər üzrə sadələşdirilmiş icraat qaydasında ərizəsinə və ona əlavə edilmiş sənədlərə məhkəmənin binasında baxaraq, M Ü Ə Y Y Ə N E T D İ: İddiaçı “Kredit Serviz” Bank Olmayan Kredit Təşkilatının Abdulabad filialının direktoru M.Əliyev kiçik iddialara dair işlər üzrə sadələşdirilmiş icraat qaydasında ərizə ilə məhkəməyə müraciət edərək, cavabdehlər X1 və Cavabdeh2 müştərək qaydada əsas borc 2982.20 manat əsas, 751.56 manat faiz, cəmi 4138.16 manat borcun və ödənilmiş dövlət rüsumunun əvəzi olaraq 61.38 manat pulun tutulması barədə qətnamə çıxarılmasını xahiş etmişdir. Aşağıdakı əsaslara görə ərizə ona əlavə edilmiş sənədlərlə birlikdə qaytarılmalıdır. Belə ki, Azərbaycan Respublikasının Mülki Prosessual Məcəlləsinin 284-3.2-ci maddəsinin tələblərinə görə, ərizədə cavabdehin soyadı, adı, atasının adı, yaşayış yeri (həm faktiki, həm də rəsmi qeydə alındığı ünvanı), olduğu halda – iş yerinin ünvanı, telefon nömrələri, o cümlədən mobil telefon nömrələri, elektron poçt ünvanı, həmin şəxslərin eyniləşdirmə məlumatları (şəxsiyyət vəsiqəsinin seriya nömrəsi və ya VÖEN, iddiaçının tələbi və onun əsaslandığı hallar, tələbin əsaslığını təsdiq edən sənədlər, əmlakın verilməsi tələbləri üzrə tələb olunan əmlakın dəyərinə dair sübutlar, əlavə edilən sənədlərin siyahısı və sair göstərilməlidir. Cavabdeh X2 və Cavabdeh2 ünvanlanan pretenziya məktubunda öhdəliklərin icrası ilə əlaqədar çağırışa 10 iş günü ərzində riayət olunmadığı təqdirdə, barəsində tədbir görülməsi barədə cavabdeh xəbərdarlıq edilməsinə baxmayaraq, həmin məktubun cavabdehlərə çatdırılması barədə heç bir sübut ərizəyə əlavə edilməmişdir. Mülki Prosessual Məcəllənin 135-ci maddəsinə əsasən sənədlərin ünvan sahibinə “Poçt haqqında” Azərbaycan Respublikasının Qanununda nəzərdə tutulmuş sifarişli poçt göndərişi (məktubu) ilə çatdırılır. Sənədlər qəbzə və ya sənədin kötüyünə imza etdirilməklə ünvan sahibinə şəxsən verilir. Ünvan sahibi yaşadığı, yaxud işlədiyi yer üzrə tapılmadıqda, həmin sənədlər ünvan sahibi ilə birlikdə yaşayan yetkinlik yaşına çatmış ailə üzvlərindən birinə (onların razılığı ilə), onlar olmadıqda müvafiq icra hakimiyyəti orqanına, ünvan sahibinin yaşadığı yer üzrə yerli özünüidarə orqanına, yaxud onun işlədiyi yer üzrə müdiriyyətə verilir. Sənədi qəbul etmiş şəxsin imzaladığı qəbz, sənədin kötüyü, habelə poçt rabitə orqanının qeydi ilə qaytarılan xəbərnaməli məktub həmin sənədin ünvan sahibinə çatdırılmasını təsdiq edən sübut kimi qəbul edilir. Mülki Prosessual Məcəllənin152.1.6-cı maddəsinə görə müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. Mülki Prosessual Məcəllənin 284-3.5-ci maddəsinə əsasən ərizənin bu Məcəllənin 284-3.1-ci və 284-3.2-ci maddələri ilə müəyyən olunmuş formasına və məzmununa riayət edilmədikdə, yaxud bu Məcəllənin 152.1.2-152.1.9-cu maddələrində müəyyən edilmiş əsaslar olduqda hakim iddia ərizəsini və ona əlavə olunmuş sənədləri geri qaytarır. Ərizənin qaytarılması həmin nöqsanlar aradan qaldırıldıqdan sonra kiçik iddialar üzrə sadələşdirilmiş icraat qaydasında yenidən məhkəməyə müraciət etməyə mane olmur. Şərh olunanlara əsasən və Azərbaycan Respublikası Mülki Prosessual Məcəlləsinin 284-3.5, 263-264, 267-268-ci maddələrini rəhbər tutaraq, məhkəmə QƏRARA ALDİ: İddiaçı “Kredit Serviz” Bank Olmayan Kredit Təşkilatının Abdulabad filialının cavabdehlər X2 və Cavabdeh2 qarşı borc tələbinə dair ərizəsi ona əlavə edilmiş sənədlərlə birlikdə geri qaytarılsın. HAKİM: X.X.İMANOV Kürdəmir şəhəri iş № 2(041)-2178/2022 xx.xx.2022 Kapitalbank” ASC -yə ünvan: Bakı şəhəri Füzuli küçəsi 71 Kürdəmir rayon məhkəməsinin xx.xx.2022-ci il tarixli2(041)-2178/2022 saylı qərardadının surəti Sizə göndərilir. Qoşma: qərardad ___vərəqədə. HAKİM XALİQ İMANOV