Gədəbəy Rayon Məhkəməsi Qərardad — İş №2(042)-28/2021

Azərbaycan Respublikası adından QƏRARDAD Gədəbəy rayonu İş № 2(042)-28/2021 02.02.2021 GƏDƏBƏY RAYON MƏHKƏMƏSİ Gədəbəy Rayon Məhkəməsi, hakim Mirzəquliyev Fizuli Balağa oğlunun sədrliyi, məhkəmə iclas katibi Orucov Anar Möhübbət oğlunun katibliyi, İddiaçı etibarnamə üzrə nümayəndəsi X1 və Cavabdeh Abil oğlunun iştirakları ilə, İddiaçı Cavabdeh Abil oğluna qarşı avtomobil yolunun açılması tələbinə dair iddia ərizəsi üzrə mülki işə açıq məhkəmə iclasında baxaraq, Müəyyən etdi: İddiaçı Cavabdeh Abil oğluna qarşı avtomobil yolunun açılması tələblərinə dair iddia ərizəsi ilə məhkəməyə müraciət etmişdir. İddiaçı etibarnamə üzrə nümayəndəsi X2 məhkəmə iclasında iddia tələbini müdafiə etmiş, iddia tələbinin təmin edilməsi haqqında qətnamə qəbul edilməsi haqqında qətnamə qəbul edilməsini xahiş etmişdir. Cavabdeh Abil oğlu məhkəmə iclasında izahat verərək bildirmişdir ki, iddiaçı vəfat etmiş, onun ölməsi haqqında Gədəbəy Rayon Prokurorluğunda araşdırılma aparılmışdır. Ona görə də mülki işin icraatına xitam verilməsini xahiş etmişdir. Məhkəmə iş materiallarını nəzərdən keçirib belə nəticəyə gəlir ki, işdə iştirak edən şəxs öldüyü üçün mülki iş üzrə icraata xitam verilməlidir. Azərbaycan Respublikası Mülki Prosessual Məcəlləsinin 261.0.7-ci maddəsinə əsasən iş üzrə tərəflərdən biri olan şəxs öldükdən sonra barəsində mübahisə edilən hüquq münasibəti hüquq varisliyinə yol verməzsə iş üzrə icraata xitam verilir. Beləliklə, iddiaçının ölməsi səbəbindən iddia tələbinə xitam verilməlidir. Məhkəmə, yuxarıda göstərilənlərə əsasən və Azərbaycan Respublikası Mülki- Prosessual Məcəlləsinin 52, 191, 261, 262-264, 268-269-cu maddələrini rəhbər tutaraq, Qərara aldı: İddiaçı Cavabdeh Abil oğluna qarşı avtomobil yolunun açılması tələbinə dair mülki iş üzrə icraata xitam verilsin. Qərardaddan, onun surəti rəsmi qaydada verildiyi gündən 10 gün müddətində Gədəbəy rayon Məhkəməsinə şikayət verilə bilər. Sədrlik edən: Fizuli Mirzəquliyev