Azərbaycan Respublikası adından QƏTNAMƏ Gədəbəy rayonu İş № 2(042)-320/2025 28.02.2025 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Qasımov Fuad Kamil oğlunun katibliyi, iddiaçı Şəmkir X4 Mərkəzinin nümayəndəsi X3 və Cavabdeh iştirakı ilə iddiaçı 14 saylı X4 Mərkəzinin Cavabdeh qarşı maddi ziyanın ödənilməsi tələbinə dair iddiası üzrə mülki işə Gədəbəy Rayon Məhkəməsinin inzibati binasında, açıq məhkəmə iclasında baxaraq, müəyyən etdi : İddiaçı 14 saylı X4 Mərkəzi Cavabdeh qarşı əmək müqaviləsi üzrə üzərinə götürdüyü öhdəlikləri yerinə yetirmədiyinə görə dövlət meşə fonduna vurduğu 1811.87 manat miqdarında maddi ziyanın ödənilməsi tələbi haqqında iddia ərizəsi ilə məhkəməyə müraciət etmişdir. Məhkəmə iclasında iddiaçı 14 saylı X4 Mərkəzinin nümayəndəsi X3 iddia tələbini müdafiə etmiş, izahat verərək, bildirmişdir ki, 14 saylı X4 Mərkəzinin əməkdaşları tərəfindən Qalakənd meşəbəyliyinin 10 saylı meşə dolaysının ərazisində 25 may 2023-cü il tarixdə araşdırma aparılmışdır. Araşdırma zamanı qanunsuz olaraq köküstə yaş halda müxtəlif cinsli və diametrli 5 ədəd 7,82 m3 həcmində 225,32 manat nırx ziyan dəyərində ağacların kəsilərək kütlələrinin aparılması və eyni zamanda 11 baş iri buynuzlu malqaranın meşə ərazisində sahibsiz otarılması aşkar edilmiş, otarılmaya görə də meşə fonduna 72,60 manat ziyan dəyməsi müyyən edilmişdir. 29 Avqust 2023-cü il tarixdə növbəti yoxlama aparılmış qanunsuz olaraq köküstə yaş halda müxtəlif cinsli və diametrli 13 ədəd 13,37 m3 həcmində 378,18 manat nırx ziyan dəyərində, 01 sentyabr 2023-cü il tarixdə təkrar yoxlama zamanı köküstə yaş halda müxtəlif cinsli və diametrli 08 ədəd 8,26 m3 həcmində 309,01 manat nırx ziyan dəyərində ağacların kök boğazından kəsilməsi və 34 baş iri buynuzlu mal-qara meşə ərazisində sahibsiz otarılması aşkar edilmiş və dövlət meşə fonduna 124 manat ziyan aşkar edilmiş və akt tərtib olunmuşdur. 05 oktyabr 2023cü tarixdə təkrar aparılmış yoxlama zamanı qanunsuz olaraq köküstə yaş halda müxtəlif cinsli və diametrli 21 ədəd ağacların kök boğazından kəsilməsi və 8 ədəd boy artımının daymasına səbəb olmadan zədələnməsinə görə 715,76 manat dəyərində ziyan hesablanmış və akt tərtib olunmuşdur.Bu ziyanlar cavabdeh maddi məsul şəxs meşə gözətçisi Cavabdeh işə məsuliyyətsiz,səhlənkar yanaşması səbəbindən baş vermişdir. Ümumilikdə, dövlət meşə fonduna ümumilikdə 1924,87 manat ziyan vurulmuşdur və fonda dəymiş ziyandan 113 manatı cavabdeh tərəfindən könüllü olaraq ödənilmişdir. Ona görə də iddia tələbinin təmin edilməsi haqqında qətnamə çıxarılmasını xahiş edir. Cavabdeh məhkəmə iclasında iddia tələbinə etiraz etmiş izahat verərək bildirmişdir ki, 14 saylı X1 qarşı olan iddia tələbi əsasızdir. O, hec yerdə işləmir . Dəymiş ziyanı ödəyə bilməyəcəkdir. Ona görədə iddia tələbinin təmin edilməməsini xahiş edir. Azərbaycan Respublikası MPM-nin 106.1-ci maddəsinə əsasən işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir. Həmin Məcəllənin 76.1. və 76.2-ci maddələrinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən bu Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. İşdə olan 25 may 2023-cü il tarixli Aktdan görünür ki, araşdırma zamanı qanunsuz olaraq köküstə yaş halda müxtəlif cinsli və diametrli 5 ədəd 7,82 m3 həcmində ağacların kəsilərək kütlələrinin aparılması və eyni zamanda 11 baş iri buynuzlu mal-qaranın meşə ərazisində sahibsiz otarılması aşkar edilmişdir. İşdə olan 29 avqust 202-cü il tarixli Aktdan görünür ki, araşdırma zamanı qanunsuz olaraq köküstə yaş halda müxtəlif cinsli və diametrli 13 ədəd 13,37 m3 həcmində ağacların kəsilməsi aşkar edilmişdir İşdə olan 01 sentybar 2023-cü il tarixli Aktdan görünür ki, araşdırma zamanı qanunsuz olaraq köküstə köküstə yaş halda müxtəlif cinsli və diametrli 08 ədəd 8,26 m3 həcmində ağacların kök boğazından kəsilməsi və 34 baş iri buynuzlu mal-qara meşə ərazisində sahibsiz otarılması aşkar edilmiş. İşdə olan Hesablama Cədvələrindən görünür ki, ziyanın miqdarı 1811.87 manatdır. Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə tərəflərin izahatlarını və işdə olan sənədləri təhlil edərək hesab edir ki, iddia tələbi təmin edilməlidir. Azərbaycan Respublikası Meşə Məcəlləsinin 46-cı maddəsinə əsasən meşə fondunun mühafizəsi dövlət tərəfindən həyata keçirilir. - 50-ci maddəsinə əsasən meşə fondundan istifadə zamanı meşə istifadəçiləri meşə təsərrüfatına vurulmuş zərər və itkini müəyyən edilmiş qaydada ödəməyə borcludurlar. - 52-ci maddəsinə əsasən meşə təsərrüfatına dəyən zərər və itkilər Azərbaycan Respublikası müvafiq icra hakimiyyəti orqanının müəyyən etdiyi qaydada ödənilir.16-cı maddəsinə əsasən meşə fondu sahələrindən istifadə hüququ meşə fondu sahəsinin (torpaqlarının) icarə müqaviləsinin, meşəqırma biletinin, orderin, meşə biletinin əsasında yaranır. Azərbaycan Respublikası Əmək Məcəlləsinin 10-cu maddəsinə əsasən əmək müqaviləsi üzrə işçinin əsas vəzifələri aşağıdakılardır: a) əmək müqaviləsi ilə müəyyən edilmiş əmək funksiyasını vicdanla yerinə yetirmək; b) əmək intizamına və müəssisədaxili intizam qaydalarına əməl etmək; c) əməyin təhlükəsizliyi normalarına əməl etmək; ç) işəgötürənə vurduğu maddi ziyana görə məsuliyyət daşımaq; d) dövlət sirrini, habelə işəgötürənin kommersiya sirrini müəyyən olunmuş qaydada və şərtlərlə gizli saxlamaq; e) iş yoldaşlarının əmək hüquqlarını və qanuni mənafelərini pozmamaq; ə) fərdi, kollektiv əmək mübahisələri üzrə məhkəmə qərarlarını (qətnamələrini) yerinə yetirmək; f) əmək qanunvericiliyinin tələblərinə əməl etmək.
14. Həmin Məcəllənin 194-cü maddəsinə əsasən ziyan vurmaqda təqsirli olan tərəf cinayət məsuliyyətinə, habelə inzibati və digər məsuliyyətə cəlb edilməsindən asılı olmayaraq müəyyən edilmiş qaydada maddi ziyanın məbləğini ödəməyə borcludur. Ziyan vurulduqdan sonra əmək münasibətlərinə xitam verilməsi təqsirkar tərəfi maddi məsuliyyətdən azad etmir. Azərbaycan Respublikası Mülki Məcəlləsinin 1096.1-ci maddəsinə əsasən mülki hüquq pozuntusu (delikt) hüquqla və ya qanunla müdafiə edilən başqa şəxsə (zərərçəkənə) birbaşa və ya zərər vurulmasına gətirib çıxaran təqsirli, hüquqa zidd (mülki qanunvericilin normalarını pozan) əməldir (hərəkət və ya hərəkətsizlikdir). Məcəllənin 1096.2-ci maddəsinə əsasən delikt törətmiş şəxs mülki hüquq məsuliyyəti daşıyır. Həmin Məcəllənin 1097.1-ci maddəsinə əsaəsn mülki hüquq pozuntusu (delikt) nəticəsində fiziki şəxsin şəxsiyyətinə və ya əmlakına vurulmuş zərərin, habelə hüquqi şəxsin əmlakına və ya işgüzar nüfuzuna vurulmuş zərərin əvəzi zərərvuran tərəfindən tam həcmdə ödənilməlidir. Beləliklə, məhkəmə araşdırması ilə müəyyən edilmişdir ki, cavabdeh meşə gözətçisi işlədiyi müddətdə öz vəzifələrinin yerinə yetirilməsində səhlənkarlıq etmiş, nəticədə iddiaçıya 1811.87 manat miqdarında ziyan vurulmuşdur. Cavabdeh ziyanla əlaqədar maddi məsuliyyət daşıdığı üçün dəymiş ziyanı ödəməlidir. Ona görə də iddia tələbi təmin edilməli, Cavabdeh 1811.87 manat alınaraq, 14 saylı X4 Mərkəzinin hesablaşma hesabına ödənilməlidir. Məhkəmə göstərilənləri nəzərə alaraq və Azərbaycan Respublikası MPM-nin 216- 220, 227, 233-cü və 360-cı maddələrini rəhbər tutaraq,
qət etdi :
İddia tələbi təmin edilsin. Cavabdeh 1811.87 manat alınaraq, 14 saylı X4 Mərkəzinə ödənilsin. Qətnamədən rəsmi qaydada verildiyi gündən 1 (bir) ay müddətində Gədəbəy Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər.
Sədrlik edən: Fizuli Mirzəquliyev