Gədəbəy Rayon Məhkəməsi Qətnamə — İş №2(042)-455/2025

Azərbaycan Respublikası adından QƏTNAMƏ Gədəbəy rayonu İş № 2(042)-455/2025 12.05.2025 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Qasımov Fuad Kamil oğlunun katibliyi, İddiaçı nümayəndəsi X3 və Cavabdeh iştirakları ilə İddiaçı Cavabdeh qarşı pul tələbinə dair mülki işə Gədəbəy Rayon Məhkəməsinin inzibati binasında açıq məhkəmə iclasında baxaraq, müəyyən etdi: İddiaçı Cavabdeh qarşı Cavabdeh 1800 manat məbləğində pulun və ödənilmiş dövlət rüsumunun alınaraq, ona verilməsi tələbi haqqında iddia ərizəsi ilə məhkəməyə müraciət etmişdir. İddiaçı nümayəndəsi X3 məhkəmə baxış iclasında iddia tələbini müdafiə etmiş, izahat verərək bildirmişdir ki, iddiaçı onun atasıdır.Onlar Gədəbəy rayonu, Düzyurd kəndində yaşayırlar. Həmin kənddə onların istifadələrində torpaq sahəsi vardır.Həmin torpaq sahəsində fərdi yaşayış evi tikdirmişlər.2015-ci ildə həmkəndliləri Cavabdeh bildirmişdir ki, onların istifadələrində olan torpaq sahəsinin 0.08 ha hissəsi ona məxsusdur,həmin torpağın pulunu verməsə evlərini sökdürəcəkdir.Onlar məcbur olub Cavabdeh 1800 manat pul vermişlər. Bu barədə 30 iyun 2015-ci il tarixdə Gədəbəy RİHB-nın Düzyurd Kənd İƏD üzrə Nümayəndəsinin iştirakı ilə akt tərtib edilmişdir. Həmin aktda qeyd edilmişdir ki, Cavabdeh ona məxsus JN № 421 saylı “Torpağa mülkiyyət hüququnda dair” Dövlət aktında olan əkin pay torpağından 0.08 ha torpaq sahəsini iddiaçıya 1800 manata satmışdır. 2024-cü ilə qədər torpaq sahəsi və fərdi yaşayış evindən heç bir etiraz olmadan istiafdə etmişlər. 2024-cü ildə X2 özünə məxsus torpaq sahəsində ölçmə işləri apararkən məlum oldu ki, onların istifadələrində olan torpaq sahəsi X1 məxsusdur. Cavabdeh onları aldadaraq 1800 manatı heç bir əsas olmadan almışdır. İddiaçı cavabdehdən pulunu tələb etsə də, heç bir nəticəsi olmamışdır. Ona görə də iddia tələbinin təmin edilməsini xahiş edir. Cavabdeh məhkəmə baxış iclasında izahat verərək bildirmişdir ki, o, həqiqətən iddiaçının istifadəsində olan torpaq sahəsinin ona məxsus olduğunu düşünərək, torpaq sahəsindən istifadə etməsi üçün iddiaçıdan 1800 manat almışdır. Hazırda məlum olmuşdur ki, həmin torpaq sahəsi ona deyil, X1 məxsusdur. Ona görə də iddia tələbinin təmin edilməsinə etiraz etmir. Azərbaycan Respublikası MPM-nin 76.1. və 76.2-ci maddələrinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən bu Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. Həmin Məcəllənin 106.1-ci maddəsinə əsasən işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir. İşdə olan Aktdan görünür ki, İddiaçı torpaq sahəsinin alğı-satqısı ilə əlaqədar Cavabdeh 1800 manat vermişdir. İşdə olan Qəbzdən görünür ki, iddiaçı iddia ərizəsinə məhkəmədə baxılması üçün 38 manat dövlət rüsumu ödəmişdir. Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məcəllənin 217.4-cü maddəsinə görə məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə tərəflərin izahatını və işdə olan sənədləri tədqiq edərək hesab edir ki, iddia tələbi təmin edilməlidir. Azərbaycan Respublikası Mülki Məcəlləsinin 14.2; 14.2.1;14.2.6. və 14.2.7-ci maddələrinə əsasən qanunvericilikdə nəzərdə tutulmuş müqavilələr və başqa əqdlər, habelə qanunvericilikdə nəzərdə tutulmasa da, ona zidd olmayan müqavilələr və başqa əqdlərin bağlanması, başqa şəxsə zərər vurulması, əsassız varlanma mülki hüquqların və vəzifələrin əmələ gəlməsi əsasları kimi təsbit edilmişdir. Həmin Məcəllənin 389.1-ci maddəsinə əsasən mülki hüquq və vəzifələrin müəyyənləşdirilməsi, dəyişdirilməsi və ya xitamı haqqında iki və ya bir neçə şəxsin razılaşması müqavilə sayılır. Məcəllənin 385.1-ci maddəsinə əsasən öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə bocludan vəzifəsinin icrasını tələb etmək hüququ vardır. Məcəllənin 1091.1-ci maddəsinə əsasən əsassız varlanan o şəxs (varlanmış şəxs) sayılır ki, hüquqi əsas olmadan başqa şəxsin (məhrum olanın) hesabına əmlak əldə etsin. Məcəllənin 1091.2-ci maddəsinə əsasən əsassız varlanma yalnız o zaman baş verir ki, bu cür varlanmaya haqq qazandıran qanuni əsas və ya müqavilə əsası olmur. Hüquqi əsas olmadan varlanma həmçinin o hallarda baş vermiş sayılır ki, bu cür varlanma həyata keçirilməmiş əsasa və ya sonralar aradan qalxmış əsasa söykənir. Məcəllənin 1092.1-ci maddəsinə əsasən varlanmış şəxs əldə etdiklərini məhrum olanın tələbi ilə ona qaytarmalıdır. Azərbaycan Respublikası MPM-nin 191.3-cü maddəsinə əsasən cavabdeh tərəfindən iddia etiraf edildikdə və bu, məhkəmə tərəfindən təsdiq edildikdə, məhkəmə iddiaçının irəli sürdüyü tələblərin təmin olunması barədə qətnamə çıxarır. Həmin Məcəllənin 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir. Beləliklə, məhkəmə araşdırması zamanı cavabdeh aralarında bağlanmış torpaq sahəsinin alğı-satqı müqaviləsinə əsasən iddiaçıdan 1800 manat aldığını etiraf etmiş, hazırda torpaq sahəsinin ona deyil, başqa şəxsə məxsus olduğu müəyyən edildiyi üçün iddiaçıdan aldığı pulu qaytarmağa razı olduğunu bildirmişdir. Ona görə də iddia tələbi təmin edilməli, Cavabdeh 1800 manat və 38 manat ödənilmiş dövlət rüsumunun əvəzi alınaraq, İddiaçı verilməlidir. Məhkəmə yuxarıda göstərilənləri nəzərə alaraq və Azərbaycan Respublikası MPMnin 216-220, 227, 233, 358-360 və 362-ci maddələrini rəhbər tutaraq, qət etdi: İddia tələbi təmin edilsin. Cavabdeh 1800 manat və 38 manat dövlət rüsumunun əvəzi, cəmi, 1838 manat alınaraq, İddiaçı verilsin. Qətnamədən rəsmi qaydada verildiyi gündən 1 (bir) ay müddətində Gədəbəy Rayon Məhkəməsi vasitəsilə “Elektron məhkəmə” informasiya sistemində yaradılan elektron kabinet vasitəsilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Fizuli Mirzəquliyev