Gəncə Şəhəri Kəpəz Rayon Məhkəməsi Qərardad — İş №2(043)-1718/2022

Azərbaycan Respublikası adından QƏRARDAD Gəncə şəhəri İş № 2(043)-1718/2022 19.05.2022 GƏNCƏ ŞƏHƏRİ KƏPƏZ RAYON MƏHKƏMƏSİ Gəncə şəhəri Kəpəz Rayon Məhkəməsinin hakimi Qocayev Tural Şəmsi oğlu, İddiaçı cavabdehlər Cavabdeh1 və Cavabdeh2 qarşı “pul” tələbinə dair iddia ərizəsinin məhkəmənin icraatına qəbul edilməsinin mümkünlüyünə dair məsələyə baxaraq m ü ə y y ə n e t d i: İddiaçı cavabdehlər Cavabdeh1 və Cavabdeh2 qarşı iddia ərizəsi məhkəməyə müraciət edərək, Cavabdeh1 13000 manat və Cavabdeh2 4000 manat pulun alınaraq ona verilməsi barədə qətnamə qəbul edilməsini xahiş etmişdir. İddia ərizəsini və ona əlavə edilmiş sənədləri araşdırıb məhkəmə hesab edir ki, iddia ərizəsində bir-biri ilə əlaqəli olmayan iki tələb birləşdirildiyi üçün ərizə geri qaytarılmalıdır. İddiaçı iddia tələbini onunla əsaslandırmışdır ki, əvvəlcə cavabdehlərdən Cavabdeh2 nisyə qaydada məişət əşyalarını satmış, daha sonra onun vasitəsilə tanıdığı Cavabdeh1 nisyə qaydada başqa məişət əşyalarını satmışdır. Hazırda cavabdehlərdən Cavabdeh1 nisyə qaydada aldığı mallara görə 13000 manat, Cavabdeh2 isə 4000 manat borcları vardır. Göründüyü kimi hazırkı iddia cavabdehlərdən vahid öhdəlik üzrə borclu olduqları pulun müştərək qaydada tutulması ilə bağlı yox, hər bir cavabdehin iddiaçı qarşısında olan müstəqil öhdəliyinin icrası ilə bağlı iki ayrı tələbdən ibarətdir. Cavabdehləri birləşdirən yeganə məqam onlardan birinin iddiaçı ilə digərinin vasitəsilə tanış olmasıdır. Bu isə həmin tələblərin bir icraatda baxılması üçün əsas ola bilməz. Hər bir cavabdeh iddiaçı ilə ayrıayrılıqda öhdəlik münasibətlərinin iştirakçısı olmaqla həmin münasibətdə müstəqil iştirak edir və bir cavabdehə yönəlmiş tələbin digər cavabdehə yönəlmiş tələblə əlaqəsi yoxdur. Azərbaycan Respublikası Mülki Prosessual Məcəlləsinin 152.1.7-ci maddəsinə əsasən bir və ya bir neçə cavabdehlərə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. Həmin Məcəllənin 152.4-cü maddəsinin tələbinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənləri nəzərə alaraq və Azərbaycan Respublikası Mülki Prosessual Məcəlləsinin 152.1.2, 263-264 və 266-268-ci maddələrinin tələblərini rəhbər tutaraq məhkəmə q ə r a r a a l d ı: İddiaçı cavabdehlər Cavabdeh1 və Cavabdeh2 qarşı “pul” tələbinə dair iddia ərizəsi geri qaytarılsın. Qərardaddan, rəsmi qaydada verildikdən 10 (on) gün müddətində Gəncə şəhəri Kəpəz Rayon Məhkəməsinə şikayət verilə bilər. Hakim: Tural Qocayev