Gəncə Şəhəri Kəpəz Rayon Məhkəməsi Qərardad — İş №2(043)-1834/2020

Azərbaycan Respublikası adından QƏRARDAD Gəncə şəhəri İş № 2(043)-1834/2020 20.05.2020 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Tağıyev Cavid Tahir oğlu, İddiaçı oğlunun cavabdeh “Finka -Azərbaycan” X1 Gəncə filialına qarşı kompensasiya tələbinə dair iddia ərizəsinin icraatının mümkünlüyünə məhkəmə binasında məhkəmə iclasından kənar prosessual qaydada baxaraq, müəyyən etdim: İddiaçı “Finka-Azərbaycan” X1 Gəncə filialına qarşı iddia ərizəsi ilə məhkəməyə müraciət edərək cavabdehdən ona kompensasiya ödənilməsinə dair qətnamə çıxarılmasını xahiş etmişdir. İddiaçının iddia ərizəsini və ona əlavə olunmuş sənədləri nəzərdən keçirərkən müəyyən olundu ki, cavabdehin ünvanı Bakı şəhəri, Yasamal rayonu, Cəfər Cabbarlı küçəsi, 44 olmaqla iddia ərizəsi aidiyyət qaydaları pozulmaqla X3 Rayon Məhkəməsinə verilmişdir. Belə ki, Azərbaycan Respublikası Mülki Prosessual Məcəlləsinin (bundan sonra- MPM) 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir. Azərbaycan Respublikasının Mülki Məcəlləsinin 53.3-cü maddəsinə əsasən nümayəndəliklər və filiallar hüquqi şəxs deyildirlər və hüquqi şəxsin təsdiq etdiyi əsasnamələr üzrə fəaliyyət göstərirlər. Belə olan halda məhkəmə hesab edir ki, iddia ərizəsi hüquqi şəxsin hüquqi ünvanının olduğu yerə görə verilməli olduğu halda ərazi aidiyyəti pozulmaqla X3 Rayon Məhkəməsinə verildiyi üçün iddia ərizəsi və ona əlavə edilmiş sənədlər geri qaytarılmalıdır. MPM-in 151.1-ci maddəsinə əsasən, iddia ərizəsi bu Məcəllənin tələblərinə riayət edilməklə verildikdə onun məhkəmə icraatı mümkündür. MPM-in 152.1.3-cü maddəsinə əsasən əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur (Azərbaycan Respublikası MPM-in 152.4-cü maddəsi) Məhkəmə hesab edir ki, ərazi aidiyyəti qaydalarına əməl olunmadığı üçün İddiaçı iddia ərizəsi və ona əlavə olunmuş sənədlər geri qaytarılmalı və iddiaçıya göstərilən nöqsanlar aradan qaldırıldıqdan sonra iddia tələbi ilə bağlı cavabdehin hüquqi ünvanının qeydiyyatda olduğu yer üzrə məhkəməyə müraciət etmək hüququ izah olunmalıdır. Göstərilənləri nəzərə alaraq və Azərbaycan Respublikasının Mülki-Prosessual Məcəlləsinin 152, 263, 264, 266-268-ci maddələrini rəhbər tutaraq, qərara aldım: İddiaçı cavabdeh “Finka -Azərbaycan” X1 Gəncə filialına qarşı kompensasiya tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. Qərardaddan rəsmi qaydada verildikdən sonra 10 (on) gün müddətində X3 Rayon Məhkəməsinə şikayət verilə bilər.