Gəncə Şəhəri Kəpəz Rayon Məhkəməsi Qətnamə — İş №2(043)-507/2020

Azərbaycan Respublikası adından QƏTNAMƏ Gəncə şəhəri İş № 2(043)-507/2020 29.01.2020 GƏNCƏ ŞƏHƏRİ KƏPƏZ RAYON MƏHKƏMƏSİ Hakim Tağıyev Cavid Tahir oğlunun sədrliyi, Hüseynov Hadı Bahadur oğlunun katibliyi, «xxxxxxxxxxx» x1 nümayəndəsi x2 iştirakı ilə, İddiaçı «xxxxxxxxxxx» x1 Cavabdeh qarşı pul tələbinə dair iddia ərizəsi üzrə mülki işə məhkəmənin binasında, açıq məhkəmə iclasında baxaraq, məhkəmə müəyyən etdi: İddiaçı «xxxxxxxxxxx» x3 kiçik iddialara dair sadələşmiş icraat qaydasında iddia ərizəsi ilə məhkəməyə müraciət edərək,Cavabdeh «xxxxxxxxxxx» MMC-in xeyrinə qazan dəsti SHOSMAN, mikrodalğalı soba Hoffmann, çaynik Hoffmann üçün 192 manat ödənilməmiş hissə, 19 manat cərimə, İMEİ kodu **********18082 olan Samsung J2 markalı telefon üçün 125 manat ödənilməmiş hissə, 13 manat cərimə və İMEİ kodu **********82012 olan Samsung J2 markalı telefon üçün 90 manat ödənilməmiş hissə, cəmi 439 manat borcun və 20 manat dövlət rüsumunun «xxxxxxxxxxx» MMC-in xeyrinə ödənilməsi barədə qətnamə çıxarılmasını xahiş etmişdir. 09.01.2020-ci il tarixdə işə iddia icraatı qaydasında baxılması haqqında qərardad çıxarılmışdır. Məhkəmə iclasında iddiaçı «xxxxxxxxxxx» MMC-in nümayəndəsi x4 iddianı müdafiə edib izahatında göstərdi ki, «xxxxxxxxxxx» MMC ilə Cavabdeh arasında bağlanmış 16.06.2018-ci il tarixli, K00176726 nömrəli müqaviləyə əsasən cavabdehqazan dəsti SHOSMAN, mikrodalğalı soba Hoffmann, çaynik Hoffmann, 20.06.2018-ci il tarixli, K00181254 nömrəli müqaviləyə əsasən İMEİ kodu **********18082 olan Samsung J2 markalı telefon və 20.06.2018-ci il tarixli, K00456135 nömrəli müqaviləyə əsasənİMEİ kodu **********82012 olan SamsungJ2 markalı telefon almışdır. Cavabdeh avadanlıqları qəbul etmiş, onların qiymətlərini iddiaçıya ödəməyi öhdəsinə götürürmüşdür. Dəfələrlə xəbərdarlıq edilməsinə baxmayaraq Cavabdeh üzərinə düşən öhdəliyi yerinə yetirməmişdir və yetirməkdən də imtina etməkdədir. Beləliklə də Cavabdeh müqavilələrin şərtlərini pozaraq dövri olaraq ödəməli olduğu borcun ödənilməsinə dair öhdəliyini vaxtında və lazımi qaydada icra etməmişdir. Cavabdehə məhkəmə iclasının keçirilməsi vaxtı və yeri barədə məlumat verilməsinə baxmayaraq, məhkəmə iclasına gəlməmiş, gəlməməsinin səbəbi barədə məhkəməyə məlumat verməmişdir. Məhkəmə Azərbaycan Respublikasının Mülki Prosessual Məcəlləsinin 185.5-ci maddəsinə əsasən işə cavabdehin iştirakı olmadan baxılmasını mümkün hesab etmişdir. Mülki işə əlavə edilmiş və məhkəmə iclasında tədqiq edilmiş: - 16.06.2018-ci il tarixli, K00176726 nömrəli müqavilədən görünür ki, cavabdeh «xxxxxxxxxxx» MMC-dən qazan dəsti SHOSMAN 14 x6 Set Mor 2.7 mm, mikrodalğalı soba Hoffmann G2071B, çaynik Hoffmann KT2200, 20.06.2018-ci il tarixli, K00181254 nömrəli müqavilədən görünür ki, İMEİ kodu **********18082 olan Samsung J2 2018 DS(J250) markalı telefonvə 20.06.2018-ci il tarixli, K00181254 nömrəli müqavilədən görünür ki,İMEİ kodu **********82012 olan Samsung J2 Core 2018 DS (J260) markalı telefonu hissə-hissə ödəmək şərti ilə almışdır. 15.11.2019-cu il tarixli maliyyə arayışından görünür ki, Cavabdeh hər üç müqavilə üzrə ümumilikdə 407 manat əsas borcu, 32 manat cərimə borcu, cəmi 439 manat borcu vardır. «xxxxxxxxxxx» MMC-nin Cavabdeh ünvanladığı 20.09.2019-cu il tarixli xəbərdarlıq məktubundan görünür ki, iddiaçı cavabdehə banka olan borcunu ödəməsi barədə xəbərdarlıq etmişdir; Məhkəməiclasındamüəyyənedildiki,tərəflərarasında bağlanmış16.06.2018-ci il tarixli müqaviləyə əsasən cavabdeh qazan dəsti SHOSMAN, mikrodalğalı soba Hoffmann, çaynik Hoffmann 18 ay müddətinə, 20.06.2018-ci il tarixli müqaviləyə əsasən İMEİ kodu **********18082 olan Samsung J2 markalı telefon 12 ay müddətinə, 20.06.2018-ci il tarixli müqaviləyə əsasən İMEİ kodu **********82012 olan SamsungJ2 makalı telefonu 12 ay müddətinə alaraq hər üçmüqaviləüzrəüzərinədüşənöhdəliyiyerinə yetirmədiyiüçün iddiaçının məhkəmə müdafiəsindən istifadə hüququ yaranmışdır. Məhkəmə iş üçün əhəmiyyətli olan halları araşdırıb, məhkəmə iclasında tədqiq olunmuş sənədləri sübut növləri kimi qəbul edib, həmin sübutlara tətbiq edilməli hüquq normalarına müvafiq olaraq qiymət verib belə nəticəyə gəlir ki, iddia təmin edilməlidir. Məhkəmə gəldiyi nəticəni aşağıdakılarla əsaslandırır: Azərbaycan Respublikasının Mülki Məcəlləsinin: 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür; 598.1-ci maddəsinə görə əgər alqı-satqı müqaviləsində ayrı qayda nəzərdə tutlmayıbsa və öhdəliyin mahiyyətindən ayrı qayda irəli gəlmirsə, alıcı əşyanı satıcıdan bilavasitə təhvil almazdan əvvəl və ya təhvil aldıqdan sonra ödəməlidir; 600.1-ci maddəsinə görə alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 601-ci maddəsinin tələbinə görə əşyanın nisyə satılması haqqında müqavilədə onun hissə-hissə ödənilməsi nəzərdə tutula bilər, hissə-hissə ödəmə şərti ilə əşyanın nisyə satılması haqqında müqavilə o halda bağlanmış sayılır ki, alqı-satqı müqaviləsinin digər mühüm şərtləri ilə yanaşı əşyanın qiyməti, ödənişlərin qaydası, müddətləri və məbləğləri nəzərdə tutulmuş olsun. Hissə-hissə ödəmək şərti ilə malın nisyə satılması haqqında müqaviləyə bu Məcəllənin 600.2-600.5-ci maddələrində nəzərdə tutulan qaydalar tətbiq edilir; 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 385.1-ci maddəsinə görə öhdəliyə əsasən bir şəxs başqa şəxsin xeyrinə müəyyən hərəkəti etməlidir və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır; 386.1-ci maddəsinə əsasən öhdəliyin əmələ gəlməsi üçün onun iştirakçıları arasında müqavilə olmalıdır; 442-ci maddəsinə görə öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür; 443.1-ci maddəsinə əsasən öhdəliyini icra etməyən borclu kreditora dəymiş zərərin əvəzini ödəməyə borcludur; 448.1-ci maddəsinə əsasən əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdi; Azərbaycan Respublikası Mülki Prosessual Məcəlləsinin (bundan sonra-MPM) 14.2ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. MPM-in 77.1-ci maddəsinə əsasən hər bir tərəf öztələb və etirazlarının əsası kimi istinad etdiyi halları sübut etməlidir. MPM-in 217.4-cü maddəsinə görə məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Beləliklə iş üzrə araşdırılmış sübutlarla müəyyən edildi ki, cavabdehin müqavilə üzrə öhdəliyini vaxtında icra etməməsi nəticəsində borcu yaranmışdır. Belə olan halda Cavabdeh 16.06.2018-ci il tarixli, K00176726 nömrəli müqavilə üzrə 192 manat əsas, 19 manat dəbbə pulu, 20.06.2018-ci il tarixli, K00181254 nömrəli müqavilə üzrə 125 manat əsas, 13 manat dəbbə pulu, 20.06.2018-ci il tarixli, K00456135 nömrəli müqavilə üzrə 90 manat əsas borc olmaqla, cəmi:- 439 (dörd yüz otuz doqquz) manat borc tutularaq «xxxxxxxxxxx» x1 xeyrinə verilməlidir. MPM-in 119.1-ci maddəsinə əsasən iddia ərizəsi verilməsi üçün ödənilmiş 20,0 manat dövlət rüsumu cavabdehə aid edilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 119.1, 216-220, 227, 233, 358 və 360-cı maddələrini rəhbər tutaraq, məhkəmə q ə t e t d i: İddia təmin edilsin. Cavabdeh 16.06.2018-ci il tarixli, K00176726 nömrəli müqavilə üzrə 192 manat əsas, 19 manat dəbbə pulu, 20.06.2018-ci il tarixli, K00181254 nömrəli müqavilə üzrə 125 manat əsas, 13 manat dəbbə pulu, 20.06.2018-ci il tarixli, K00456135 nömrəli müqavilə üzrə 90 manat əsas borc olmaqla, cəmi:- 439 (dörd yüz otuz doqquz) manat borc və 20,0 manat dövlət rüsumu tutularaq «xxxxxxxxxxx» x1 xeyrinə verilsin. Qətnamənin surəti rəsmi qaydada verildiyi gündən 1 (bir) ay müddətində Gəncə şəhəri Kəpəz Rayon Məhkəməsi vasitəsilə Gəncə Apelyasiya Məhkəməsinə apelyasiya şikayəti verilə bilər. Qətnamədən şikayət verilmədikdə, qəbul edildiyi gündən bir ay keçdikdən sonra qanuni qüvvəyə minir.