Gəncə Şəhəri Nizami Rayon Məhkəməsi Qətnamə — İş №2(044)-1580/2020

Azərbaycan Respublikası adından QƏTNAMƏ Gəncə şəhəri İş № 2(044)-1580/2020 12.10.2020 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Orucov Maarif Arif oğlunun katibliyi, İddiaçının nümayəndəsi X1, Cavabdehlər Cavabdeh3 və Cavabdeh2 iştirakı ilə, İddiaçı ASC-nin cavabdehlər Cavabdeh1, Cavabdeh3, Cavabdeh2 və Cavabdeh4 qarşı «kredit müqaviləsinin ləğvi və kredit borcu» tələbinə dair iddiası üzrə mülki işə Gəncə şəhəri Nizami Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: İddiaçı ASC-ti cavabdehlər Cavabdeh1, Cavabdeh3, Cavabdeh2 və Cavabdeh4 qarşı « kredit müqaviləsinin ləğvi və kredit borcu» tələbinə dair iddia ərizəsi ilə məhkəməyə müraciət edərək, Cavabdeh1 ilə İddiaçı ASC arasında bağlanmış xx.xx.2019-cu il tarixli 19005- S089739/626193 saylı kredit müqaviləsinin ləğv edilməsi, cavabdehlər Cavabdeh1, Cavabdeh3, Cavabdeh2 və Cavabdeh4 müştərək qaydada əsas borc üzrə 4531.61 manat, faiz borcu üzrə 499.22 manat, penya 99.67 manat, cəmi 5130.50 manat və ödənilmiş 30 manat dövlət rüsumunun İddiaçı ASC-nin xeyrinə tutulması barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, iddiaçı ilə Cavabdeh1 arasında bağlanmış xx.xx.2019-cu il tarixli kredit müqaviləsinə əsasən bank tərəfindən Cavabdeh1 18 ay müddətinə 5000 manat məbləğində kredit verilmiş, kreditin təmini kimi bank ilə Cavabdeh3, Cavabdeh2 və Cavabdeh4 arasında zaminlik müqavilələri bağlanmışdır. Cavabdeh bank qarşısında üzərinə götürdüyü öhdəliyi vaxtında və lazımınca yerinə yetirməmiş, bank tərəfindən dəfələrlə banka olan borcunu ödəməsi barədə xəbərdarlıq edilməsinə baxmayaraq, cavabdeh banka olan borcunu ödəməmiş və nəticədə cəmi 5130.50 manat məbləğində borcu yaranmışdır. İddiaçının nümayəndəsi X2 məhkəmə iclasında iddia ərizəsinə uyğun izahat verdi və məhkəmədən iddianın təmin olunmasına dair qətnamə çıxarılmasını xahiş etdi. Cavabdeh3 məhkəmə iclasında bildirdi ki, iddiaçı ilə Cavabdeh1 arasında bağlanmış xx.xx.2019-cu il tarixli kredit müqaviləsinə əsasən bank tərəfindən Cavabdeh1 18 ay müddətinə 5000 manat məbləğində kredit verilmiş, kreditin təmini kimi bank ilə onun, Cavabdeh2 və Cavabdeh4 arasında zaminlik müqavilələri bağlanmışdır. O, 3-cü qrup əlildir, heç yerdə işləmir, 55 manat ödəniş edə bilmişdir. Məhkəmə tərəfindən ona müəyyən vaxt verilərsə o, banka olan borcunu hissə-hissə ödəyə bilər. Cavabdeh2 məhkəmə iclasında bildirdi ki, iddiaçı ilə Cavabdeh1 arasında bağlanmış xx.xx.2019-cu il tarixli kredit müqaviləsinə əsasən bank tərəfindən Cavabdeh1 18 ay müddətinə 5000 manat məbləğində kredit verilmiş, kreditin təmini kimi bank ilə onun, Cavabdeh3 və Cavabdeh4 arasında zaminlik müqavilələri bağlanmışdır. Cavabdeh1 onun həyat yoldaşıdır və o, sonradan bilmişdir ki, onun əri Osman bankdan pulu götürüb qaçmışdır. Cavabdeh1 pulu götürəndən sonra Cəlilabaddan İrana keçibdir. O, və oğlu İİ qrup əlildirlər, özü heç yerdə işləmir. Məhkəmə tərəfindən ona müəyyən vaxt verilərsə o, banka olan borcunu hissə-hissə ödəyə bilər. Cavabdehlər Cavabdeh1 və Cavabdeh4 məhkəmə iclasının vaxtı və yeri barədə xəbərdar edilməsinə baxmayaraq gəlməmişlər. Məhkəmə Azərbaycan Respublikası MPM-nin 185.5-ci maddəsinə əsasən işə cavabdehlər Cavabdeh1 və Cavabdeh4 iştirakı olmadan baxılmasını mümkün hesab etdi. Məhkəmə iddiaçının nümayəndəsinin və cavabdehlər Cavabdeh3 və Cavabdeh2 izahatlarını dinləyib, iş materiallarını araşdıraraq hesab edir ki, iddia qismən təmin edilməlidir. Belə ki, xx.xx.2019-cu il tarixli 19005-S089739/626193 saylı kredit müqaviləsinin surətindən görünür ki, İddiaçı ASC-ti tərəfindən Cavabdeh1 18 ay müddətinə 5000 manat məbləğində kredit verilmişdir. xx.xx.2019-cu il tarixli 005FİZAM75040801 saylı zaminlik müqaviləsinin surətindən görünür ki, İddiaçı ASC-ti ilə Cavabdeh1 arasında bağlanmış kreditin təmini kimi bank ilə Cavabdeh4 arasında zaminlik müqaviləsi bağlanmışdır. xx.xx.2019-cu il tarixli 005FİZAM74214501 saylı zaminlik müqaviləsinin surətindən görünür ki, İddiaçı ASC-ti ilə Cavabdeh1 arasında bağlanmış kreditin təmini kimi bank ilə Cavabdeh3 arasında zaminlik müqaviləsi bağlanmışdır. xx.xx.2019-cu il tarixli 005FİZAM45828203 saylı zaminlik müqaviləsinin surətindən görünür ki, İddiaçı ASC-ti ilə Cavabdeh1 arasında bağlanmış kreditin təmini kimi bank ilə Cavabdeh2 arasında zaminlik müqaviləsi bağlanmışdır. xx.xx.2020-ci il tarixli arayışdan görünür ki, Cavabdeh1 İddiaçı ASC-yə əsas borc üzrə 4531.61 manat, faiz borcu üzrə 499.22 manat, penya 99.67 manat, cəmi 5130.50 manat məbləğində borcu vardır. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Azərbaycan Respublikası Mülki Məcəlləsinin 470.1-ci maddəsinə əsasən zaminlik müqaviləsi üzrə zamin başqa şəxsin kreditoru qarşısında həmin şəxsin öz öhdəliyi tamamilə və ya hissə-hissə icra etməsi üçün məsuliyyəti öz üzərinə götürür. Azərbaycan Respublikası Mülki Məcəllənin 467-ci maddəsinə görə, məhkəmə işin hallarını nəzərə alaraq tənasübsüz surətdə yüksək dəbbə pulunu azalda bilər. Tənasüb müəyyənləşdirilərkən kreditorun həm əmlak mənafeləri, həmdə bütün əsaslı mənafeləri nəzərə alınır. Məhkəmə hesab edir ki, Cavabdeh1 ilə İddiaçı ASC arasında bağlanmış xx.xx.2019-cu il tarixli 19005-S089739/626193 saylı kredit müqaviləsi ləğv edilməli, cavabdehlər Cavabdeh1, Cavabdeh3, Cavabdeh2 və Cavabdeh4 müştərək qaydada əsas borc üzrə 4531.61 manat, faiz borcu üzrə 499.22 manat, cərimə 5 manat, cəmi 5035.83 (beş min otuz beş manat səksən üç qəpik) manat və ödənilmiş 30 manat dövlət rüsumunun İddiaçı ASC-nin xeyrinə tutulmalıdır. Şərh olunanlara və Azərbaycan Respublikası MPM-in 119.1, 216-220, 227, 233 və 360-cı maddələrinə əsasən, məhkəmə QƏT ETDİ: İddia qismən təmin edilsin. Cavabdeh1 ilə İddiaçı ASC arasında bağlanmış xx.xx.2019-cu il tarixli 19005- S089739/626193 saylı kredit müqaviləsinin ləğv edilsin. Cavabdehlər Cavabdeh1, Cavabdeh3, Cavabdeh2 və Cavabdeh4 müştərək qaydada əsas borc üzrə 4531.61 manat, faiz borcu üzrə 499.22 manat, cərimə 5 manat, cəmi 5035.83 (beş min otuz beş manat səksən üç qəpik) manat və ödənilmiş 30 manat dövlət rüsumunun İddiaçı ASC-nin xeyrinə tutulsun. İddia tələbi qalan hissədə təmin edilməsin. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Şirinov