Gəncə Şəhəri Nizami Rayon Məhkəməsi Qətnamə — İş №2(044)-193/2021

Azərbaycan Respublikası adından QƏTNAMƏ Gəncə şəhəri İş № 2(044)-193/2021 12.03.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Orucov Maarif Arif oğlunun katibliyi, Cavabdeh iştirakı ilə, İddiaçı «xxxx» MMC-nin Cavabdeh qarşı «kredit borcu» tələbinə dair iddiası üzrə mülki işə Gəncə şəhəri Nizami Rayon Məhkəməsinin binasında açıq məhkəmə iclasında baxaraq, MÜƏYYƏN ETDİ: İddiaçı «xxxx» MMC-ti Cavabdeh qarşı «kredit borcu» tələbinə dair iddia ərizəsi ilə məhkəməyə müraciət edərək, Cavabdeh əsas borc üzrə 449.20 ABŞ dolları və ödənilmiş 30 manat dövlət rüsumu «xxxx» MMC-nin xeyrinə tutulması barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, iddiaçı ilə cavabdeh arasında bağlanmış xx.xx.2016-cı il tarixli kredit müqaviləsinə əsasən 16 ay müddətinə 527 ABŞ dolları məbləğində kredit verilmişdir. Cavabdeh kredit müqaviləsi üzrə üzərinə götürdüyü öhdəlikləri icra etməkdən boyun qaçırmış və nəticədə cavabdehin banka 449.20 ABŞ dolları məbləğində borcu yaranmışdır. İddiaçı «xxxx» MMC məhkəmə iclasının vaxtı və yeri barədə xəbərdar edilməsinə baxmayaraq nümayəndəsi gəlməmişdir. İddiaçı «xxxx» MMC-nin nümayəndəsi məhkəməyə ərizə ilə müraciət edərək iddianı tam müdafiə etdiklərini nəzərə alaraq, mülki işə onların iştirakı olmadan baxılaraq qətnamə çıxarılmasını xahiş etmişdir. Məhkəmə iddiaçının nümayəndəsinin iştirakı olmadan işə baxılmasını mümkün hesab etdi. Cavabdeh məhkəmə iclasında bildirdi ki, iddiaçı ilə arasında bağlanmış xx.xx.2016-cı il tarixli kredit müqaviləsinə əsasən 16 ay müddətinə 527 ABŞ dolları məbləğində kredit verilmişdir. O, ilk aylar banka ödənişlər etmiş, lakin sonradan dolların kursu artmışdır və bu səbəbdən də maddi imkanı olmadığından ödənişlər edə bilməmişdir. Hazırda onun başqa banklara da borcu vardır. Məhkəmə tərəfindən ona müəyyən vaxt verilərsə o, banka olan borcu hissə-hissə ödəyə bilər. Məhkəmə cavabdehin izahatını dinləyib, iş materiallarını araşdıraraq hesab edir ki, iddia təmin edilməlidir. Belə ki, xx.xx.2016-cı il tarixli LD/16033/00068 saylı kredit müqaviləsinin surətindən görünür ki, «xxxx» MMC -ti tərəfindən Cavabdeh 16 ay müddətinə 527 ABŞ dolları məbləğində kredit verilmişdir. Azərbaycan Respublikası Ədliyyə Nazirliyi Məhkəmə Ekspertizası Mərkəzinin xx.xx.2020-ci il tarixli 4/823 saylı rəyindən görünür ki, ekspertizaya təqdim edilmiş, mülki işin 15-ci vərəqəsində olan Bank olmayan “Kredit Təşkilatı “xxxx” MMC Gəncə filialı ilə Cavabdeh adlarından olan olan xx.xx.2016-cı il tarixli LD/16033/00068 saylı kredit müqaviləsinin 1-ci vərəqəsinin üz tərəfində “Borc alan”:-qrafasındakı imza və həmin vərəqənin arxa tərəfində “11. Tərəflərin Rekvizitləri və imzaları” hissəsində İmza Borc alan:” qrafasındakı imza- Cavabdeh tərəfindən icra olunması müəyyən edilmişdir (ekspertiza xərci-153 manat). Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Məhkəmə hesab edir ki, iddia təmin edilməli, Cavabdeh əsas borc üzrə 449.20 ABŞ dolları ödəniş vaxtına manatın məzənnəsi üzrə və ödənilmiş 30 manat dövlət rüsumu «xxxx» MMC-nin xeyrinə tutulmalıdır. İş üzrə məhkəmə ekspertiza xərci 153 manat Cavabdeh tutularaq Dövlət xəzinədarlıq Agentliyinə kodu: 210005, VÖEN:-**********, müxbir hesab: AZ41NABZ********************, Məhkəmə Ekspertizası Mərkəzi VÖEN: **********, hesab № AZ43CTRE********************, SWİFT BİK: STREAZ22, büdcə səviyyəsinin kodu 3, büdcə təsnifatının kodu 142319-a ödənilməlidir. Azərbaycan Respublikası MPM-nin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara və Azərbaycan Respublikası MPM-in 119.1, 216-220, 227, 233 və 360-cı maddələrinə əsasən, məhkəmə QƏT ETDİ: İddia təmin edilsin. Cavabdeh əsas borc üzrə 449.20 ABŞ dolları ödəniş vaxtına manatın məzənnəsi üzrə və ödənilmiş 30 manat dövlət rüsumu «xxxx» MMC-nin xeyrinə tutulsun. İş üzrə məhkəmə ekspertiza xərci 153 manat Cavabdeh tutularaq Dövlət xəzinədarlıq Agentliyinə kodu: 210005, VÖEN:-**********, müxbir hesab: AZ41NABZ********************, Məhkəmə Ekspertizası Mərkəzi VÖEN: **********, hesab № AZ43CTRE********************, SWİFT BİK: STREAZ22, büdcə səviyyəsinin kodu 3, büdcə təsnifatının kodu 142319-a ödənilsin. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Şirinov