Gəncə Şəhəri Nizami Rayon Məhkəməsi Qətnamə — İş №2(044)-2465/2021

Azərbaycan Respublikası adından QƏTNAMƏ Gəncə şəhəri İş № 2(044)-2465/2021 13.09.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Kazımov Rasim Sarı oğlunun sədrliyi, Gəncə şəhəri Nizami Rayon Məhkəməsinin məhkəmə iclas katibi Əliyev Nicat Şirzad oğlunun katibliyi, iddiaçının etibarnamə üzrə nümayəndəsi X1 iştirakı ilə, İddiaçı Bank "xxxx" ASC-nin Cavabdeh qarşı “kredit müqaviləsinin ləğv edilməsi, kredit müqaviləsi üzrə borcun ödənilməsi” tələbinə dair iddiası üzrə mülki işə açıq məhkəmə iclasında baxaraq, MÜƏYYƏN ETDİ: İddiaçı Bank "xxxx" ASC Cavabdeh qarşı “kredit müqaviləsinin ləğv edilməsi, kredit müqaviləsi üzrə borcun ödənilməsi” tələbinə dair iddia ərizəsi ilə məhkəməyə müraciət edərək, iddiaçı Bank "xxxx" ASC-nin “Gəncə” filialı ilə Cavabdeh arasında bağlanmış 12.02.2020-ci il tarixli FN-00046-00/20A saylı kredit müqaviləsinin ləğv edilməsi, kredit müqaviləsindən irəli gələn 24.05.2021-ci il tarixinə ödənilməmiş 6132.46 (altı min yüz otuz iki manat qırx altı qəpik) manat əsas borc, 28.86(iyirmi səkkiz manat səksən altı qəpik) manat faiz borcu, 29.37 (iyirmi doqquz manat otuz yeddi qəpik) manat dəbbə borcu, cəmi 6190.69(altı min yüz doxsan manat altmış doqquz qəpik) manat pulun, iddia qaldırılması üçün ödənilmiş 30 manat dövlət rüsumu və 0.40 manat məbləğində bank xidməti haqqının Cavabdeh iddiaçının xeyrinə tutularaq ödənilməsinə dair qətnamə qəbul edilməsini məhkəmədən xahiş etmişdir. İddiaçı Bank "xxxx" ASC iddia ərizəsini onunla əsaslandırmışdır ki, iddiaçı Bank "xxxx" ASC ilə Cavabdeh arasında bağlanmış 12.02.2020-ci il tarixli FN-00046-00/20A saylı kredit müqaviləsinə əsasən, bank tərəfindən cavabdehə istehlak məqsədi ilə 24 ay müddətinə, illik 18 faiz ödəmək şərti ilə 10000 manat məbləğində, aylıq əsasla qaytarılmaq şərti ilə kredit verilmişdir. Cavabdeh kredit müqaviləsinin müddəti ərzində öz öhdəliklərini pozaraq ödəniş müddətini dəfələrlə ötürmüşdür və kredit müqaviləsi üzrə borc öhdəliklərini yerinə yetirməmişdir. Borcluya dəfələrlə şifahi, telefon bağlantısı və rəsmi bildirişlər ilə edilən xəbərdarlıqlara baxmayaraq kredit müqaviləsi üzrə öhdəliklərin icrasında gecikmə əmələ gəlmişdir. Nəticədə cavabdehlə aralarında olan müqaviləyə əsasən məhkəməyə müraciət etməyə məcbur olmuşdur. Qeyd edilənləri əsas gətirən iddiaçı, Cavabdeh ilə bank arasında bağlanmış 12.02.2020-ci il tarixli FN-00046-00/20A saylı kredit müqaviləsinin ləğv edilməsinə, kredit müqaviləsindən irəli gələn 24.05.2021-ci il tarixinə ödənilməmiş 6132.46 (altı min yüz otuz iki manat qırx altı qəpik) manat əsas borc, 28.86(iyirmi səkkiz manat səksən altı qəpik) manat faiz borcu, 29.37 (iyirmi doqquz manat otuz yeddi qəpik) manat dəbbə borcu, cəmi 6190.69(altı min yüz doxsan manat altmış doqquz qəpik) manat manat pulun, iddia qaldırılması üçün ödənilmiş 30 manat dövlət rüsumu və 0.40 manat məbləğində bank xidməti haqqının Cavabdeh iddiaçının xeyrinə tutularaq ödənilməsinə dair qətnamə qəbul edilməsini məhkəmədən xahiş etmişdir. Məhkəmə iclasında iddiaçının nümayəndəsi X2 iddia ərizəsinə uyğun izahat verərək, iddia tələbinin təmin edilməsi barədə qətnamə çıxarılmasını xahiş etdi. Cavabdeh məhkəmə iclasının yeri və vaxtı barədə rəsmi məlumat verilməsinə baxmayaraq məhkəmə iclasına gəlməmiş, gəlməməsinin səbəbləri və mümkünsüzlüyü barədə məhkəməyə heç bir rəsmi məlumat verməmişdir. Ona görə də məhkəmə Azərbaycan Respublikası MPM-in 185.5-ci maddəsinə əsasən işə cavabdehin iştirakı olmadan baxılmasını mümkün hesab etmişdir. Məhkəmə iddiaçının etibarnamə üzrə nümayəndəsinin izahatını dinləyib, iş materiallarını araşdıraraq hesab edir ki, iddia qismən təmin edilməlidir. Belə ki, iş materiallarına əlavə olunmuş 12.02.2020-ci il tarixli FN-00046-00/20A saylı kredit müqaviləsindən görünür ki, Bank "xxxx" ASC ilə Cavabdeh arasında kredit müqaviləsi bağlanmış və ona 24 ay müddətinə 18 faiz ödəmək şərti ilə 10000 manat məbləğində kredit verilmişdir. Müqaviləyə əsasən, borclu aldığı krediti və ona hesablanmış faizləri bu müqaviləyə dair 1 saylı Əlavə üzrə, qrafikə uyğun ödəmə şərtlərini pozduqda, əsas məbləğ üzrə gecikdirilmiş ödənişin hər gün üçün 0,5% məbləğində cərimə məbləği ödəyir. İş materiallarına əlavə edilmiş 26 may 2021-ci il tarixli arayışda göstərilir ki, iddiaçı Bank "xxxx" ASC ilə fiziki şəxs Cavabdeh arasında bağlanmış 12.02.2020-ci il tarixli FN- 00046-00/20A saylı kredit müqaviləsinə əsasən həmin şəxsə 10000 manat məbləğində kredit verilmişdir. Borcalan tərəfindən kredit müqaviləsi üzrə bank qarşısındakı öhdəliklər yerinə yetirilmir. Belə ki, Cavabdeh 12.02.2020-ci il tarixli FN-00046-00/20A saylı kredit müqaviləsi üzrə banka 6132.46 (altı min yüz otuz iki manat qırx altı qəpik) manat əsas borc, 28.86(iyirmi səkkiz manat səksən altı qəpik) manat faiz borcu, 29.37 (iyirmi doqquz manat otuz yeddi qəpik) manat dəbbə borcu, cəmi 6190.69(altı min yüz doxsan manat altmış doqquz qəpik) manat borcu yaranmışdır. Azərbaycan Respublikası Mülki Məcəlləsinin 6.2-ci maddəsinə əsasən, fiziki və hüquqi şəxslər mülki hüquqları öz mənafelərini gerçəkləşdirmək üçün iradələrinə uyğun olaraq əldə edir və həyata keçirirlər. Onlar müqavilə əsasında öz hüquq və vəzifələrini müəyyənləşdirməkdə və qanunvericiliyə zidd olmayan hər hansı müqavilə şərtləri qoymaqda sərbəstdirlər. Həmin Məcəllənin 385.1-ci maddəsinin tələbinə görə, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkəti etməlidir, məsələn, pul ödəməli, əmlak verməli, iş görməli, xidmətlər göstərməli və i.a. və ya müəyyən hərəkətdən çəkinməlidir, kreditorun isə borcludan vəzifəsinin icrasını tələb etmək hüququ vardır. Həmin Məcəllənin 386.1-ci maddəsinin tələbinə görə, öhdəliyin zərər vurulması, əsassız varlanma və ya bu Məcəllədə nəzərdə tutulmuş digər əsaslar nəticəsində əmələ gəlməsi halları istisna olmaqla, öhdəliyin əmələ gəlməsi üçün onun iştirakçıları arasında müqavilə olmalıdır. Həmin Məcəllənin 442-ci maddəsinin tələbinə görə, öhdəliyin icra edilməməsi dedikdə onun pozulması və ya lazımınca icra edilməməsi (vaxtında icra edilməməsi, mallarda, işlərdə və xidmətlərdə qüsurlarla və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. Həmin Məcəllənin 445-ci maddəsinin tələbinə görə, icranı gecikdirmiş borclu gecikdirmə nəticəsində vurduğu zərər üçün və gecikdirmə zamanı təsadüfən baş vermiş icra mümkünsüzlüyünün nəticələri üçün kreditor qarşısında məsuliyyət daşıyır. Həmin Məcəllənin 448.1-ci maddəsinin tələbinə görə, əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. Azərbaycan Respublikası Mülki Məcəllənin 467-ci maddəsinə görə, məhkəmə işin hallarını nəzərə alaraq tənasübsüz surətdə yüksək dəbbə pulunu(penyanı) azalda bilər. Ona görə də məhkəmə hesablanmış cərimənin azaldılmasını mümkün hesab edərək cərimənin miqdarını 20 manat məbləğinədək azaldılmasını məqsədəmüvafiq hesab edir. Azərbaycan Respublikası Mülki Prosessual Məcəlləsinin 119.1-ci maddəsinə əsasən, məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. İş materiallarına əlavə edilmiş 01.06.2021-ci il tarixli hökümət ödəniş portalın ********* nömrəli qəbzindən müəyyən olunur ki, məhkəmədə iddia qaldırılması üçün iddiaçı tərəfindən 30.40 (otuz manat qırx qəpik) manat məbləğində dövlət rüsumu ödənilmişdir. Məhkəmə hesab edir ki, iddiaçı tərəfindən ödənilmiş dövlət rüsumu cavabdehdən tutulmalıdır. Azərbaycan Respublikası Mülki Prosessual Məcəllənin 14.2-ci maddəsinin tələbinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən, hər bir tərəf öz tələb və etirazlarının əsası kimi istinad etdiyi halları sübut etməlidir. Həmin Məcəllənin 217.4-cü maddəsinin tələblərinə görə, məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə toplanmış və tədqiq olunmuş sübutlara məcmu halda hüquqi qiymət verərək hesab edir ki, iddia qismən təmin edilməklə, Cavabdeh 6132.46 (altı min yüz otuz iki manat qırx altı qəpik) manat əsas borc, 28.86(iyirmi səkkiz manat səksən altı qəpik) faiz borcu, 20 (iyirmi) manat dəbbə borcu, cəmi 6181.32(altı min yüz səksən bir manat otuz iki qəpik) manat pul, iddia qaldırılması üçün ödənilmiş 30 manat dövlət rüsumu və 0.40 manat məbləğində bank xidməti haqqı tutularaq Bank "xxxx" ASC xeyrinə ödənilməlidir. Göstərilənlərə əsasən və Azərbaycan Respublikası Mülki Prosessual Məcəlləsinin 119,191, 216-220, 227, 233-cü maddələrini rəhbər tutaraq, məhkəmə QƏT ETDİ: İddia qismən təmin edilsin. İddiaçı Bank "xxxx" Açıq Səhmdar Cəmiyyətinin “Gəncə” filialı ilə Cavabdeh arasında bağlanmış 12.02.2020-ci il tarixli FN-00046-00/20A saylı kredit müqaviləsi ləğv edilsin. Cavabdeh 6132.46 (altı min yüz otuz iki manat qırx altı qəpik) manat əsas borc, 28.86(iyirmi səkkiz manat səksən altı qəpik) manat faiz borcu, 5(beş) manat dəbbə borcu olmaqla, cəmi 6181.32 (altı min yüz səksən bir manat otuz iki qəpik) manat pul, iddia qaldırılması üçün ödənilmiş 30 manat dövlət rüsumu və 0.40 manat məbləğində bank xidməti haqqı tutularaq Bank "xxxx" ASC-nin xeyrinə ödənilsin. İddia qalan hissədə təmin edilməsin. Qətnamədən rəsmi qaydada verildiyi gündən 01 (bir) ay müddətində Gəncə şəhər Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Hakim: Rasim Kazımov