Gəncə Şəhəri Nizami Rayon Məhkəməsi Qətnamə — İş №2(044)-2948/2021

Azərbaycan Respublikası adından QƏTNAMƏ Gəncə şəhəri İş № 2(044)-2948/2021 08.09.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Hüseynov Kənan Zakir oğlu, «Bank Respublika” Açıq Səhmdar Cəmiyyətinin (ASC) Cavabdeh qarşı borc tələbi barədə mülki işə məhkəmənin inzibati binasında kiçik iddialara dair işlər üzrə sadələşdirilmiş icraat qaydasında baxaraq, MÜƏYYƏN ETDİM: İddiaçı iddia ərizəsi ilə məhkəməyə müraciət edərək, Cavabdeh ilə «Bank Respublika” Açıq Səhmdar Cəmiyyəti arasında bağlanmış 04 iyun 2019-cu il tarixli, 005CASA191550015 saylı güzəştli kredit müqaviləsinin ləğv edilməsinə, Cavabdeh 04 iyun 2019-cu il tarixli, 005CASA191550015 saylı güzəştli kredit müqaviləsi üzrə 268.08 manat əsas kredit borcu, 1.10 manat kreditdən istifadəyə görə faiz borcu, cəmi 269.18 manat həmçinin 30 manat ödənilməmiş rüsumunun banka ödənilməsi barədə qətnamə çıxarılması barədə qətnamə çıxarılmasını xahiş etmişdir. İddia tələbi onunla əsaslandırılmışdır ki, «Bank Respublika” ASC Cavabdeh 16 avqust 2013-cü il tarixli 026CASA132280007 saylı kredit müqaviləsinə əsasən 2000 manat məbləğində kredit verilmişdir. Azərbaycn Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında Azərbaycan Respublikasının Prezidenti 28 fevral 2019-cu il tarixli, 551 nömrəli Fərmanına əsasən Cavabdeh 04 iyun 2019-cu il tarixli, 005CASA191550015 saylı güzəştli kredit müqaviləsinə əsasən, 60 ay müddətinə illik 1 faiz olmaqla, 1 il güzəşt müddəti hesab edilməklə 275,09 manat məbləğində kredit verilmişdir. Kredit müqaviləsinin şərtlərinə görə Cavabdeh hər təqvim ayının müvafiq tarixində həm kredit məbləği hissə-hissə ödəməli, həm də kreditdən istifadəyə görə aylıq faiz məbləğini ödəməli idi. Kreditin restrukturizasiyasına dair müqavilə üzrə öhdəlikləri bank qarşısında tam icra etməyən Cavabdeh 03.06.221-ci il tarixə Bank Respublika ASCnə 04 iyun 2019-cu il tarixli, 005CASA191550015 saylı güzəştli kredit müqaviləsi üzrə 268.08 manat əsas kredit borcu, 1.10 manat kreditdən istifadəyə görə faiz borcu cəmi 269.18 manat borcu qalmaqdadır. Azərbaycan Respublikası Mülki Prosessual Məcəlləsinin 284-5.1-ci maddəsinə əsasən cavabdehə rəsmi qaydada bildiriş, iddia ərizəsi və əlavə olunmuş sənədlər göndərilsə də, iddiaya qarşı etiraz daxil olmamışdır. Azərbaycan Respublikası Mülki Prosessual Məcəlləsinin 284.1, 284-5.3-cü maddələrinin tələblərini nəzərə alaraq hesab edirəm ki, təqdim olunmuş sənədlər əsasında işin həllinə dair qətnamə çıxarılması üçün əsaslar vardır. Ərizəyə əlavə olunmuş: - 04 iyun 2019-cu il tarixli kredit müqaviləsindən görünür ki, Cavabdeh «Bank Respublika” Açıq Səhmdar Cəmiyyətindən illik 1 faizlə 60 ay müddətinə ödəmək şərti ilə 275.09 manat məbləğində krediti faizlərlə birlikdə qaytarmağı öhdəsinə götürmüşdür. - İşə əlavə olunmuş maliyyə arayışından görünür ki, Cavabdehnun 03.06.2021-ci il tarixə«Bank Respublika” Açıq Səhmdar Cəmiyyətinə olan borcu, 268.08 manat ödənilməli əsas borc, 1.1 manat ödənilməli faiz borcu, ümumilikdə 269.18 manat borcu vardır. Azərbaycan Respublikası Mülki Məcəlləsinin: - 739-cu maddəsinə əsasən borc müqaviləsinə görə, iştirakçılardan biri (borc verən) pula və ya digər əvəz edilən əşyalara mülkiyyət hüququnu digər iştirakçıya (borc alana) keçirməyi öhdəsinə götürür, digər iştirakçı (borc alan) isə aldıqlarını müvafiq olaraq pul və ya eyni keyfiyyətdə və miqdarda olan eyni növlü əşyalar şəklində borc verənə qaytarmağı öhdəsinə götürür. Borc müqaviləsinin predmeti hər hansı pul məbləği olduqda, o, kredit müqaviləsi adlandırılır. - 427.3-cü maddəsinə əsasən əgər öhdəlik onun icrası gününü və ya icra edilməli olduğu vaxt dövrünü nəzərdə tutursa və ya müəyyənləşdirməyə imkan verirsə, öhdəlik həmin gün və ya bu cür dövr ərzində istənilən an icra edilməlidir. - 442.1-ci maddəsinə uyğun olaraq, öhdəliyin icra edilməməsi dedikdə, onun pozulması və ya lazımınca icra edilməməsi (vaxtında icra edilməməsi və ya öhdəliyin məzmunu ilə müəyyənləşdirilmiş digər şərtləri pozmaqla icra edilməsi) başa düşülür. - 445.4-cü maddəinin 1-ci cümləsinə əsasən icra üçün təqvim günü təyin edildikdə, əgər borclu təyin edilmiş vaxtadək öhdəliyi icra etməzsə, icranı xatırlatmasız gecikdirmiş sayılır. - 448.1-ci maddəsinə görə əgər bu Məcəllə ilə və müqavilə ilə ayrı qayda müəyyənləşdirilməyibsə, borclu onun risk dairəsinə daxil olan öhdəliklərin icra edilmədiyi bütün hallar üçün cavabdehdir. İşin faktiki hallarından görünür ki, Cavabdeh müvafiq olaraq kredit müqaviləsinə əsasən «Bank Respublika” Açıq Səhmdar Cəmiyyətinin qarşısında üzərinə götürdüyü öhdəliyə tam əməl etməmişdir. Qeyd edilənlərə əsasən hesab edirəm ki, iddia təmin olunmalı, Azərbaycan Respublikası Mülki Prosessual Məcəlləsinin 119.1-ci maddəsinə əsasən dövlət rüsumu kimi ödənilmiş 30 manat məbləğində pul vəsaiti cavabdehdən iddiaçının xeyrinə tutulmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 216-220, 284-5.3, 284-6.1, 358, 360, 362-ci maddələrini rəhbər tutaraq, QƏT ETDİM: İddia təmin edilsin. Cavabdeh ilə «Bank Respublika” Açıq Səhmdar Cəmiyyəti arasında bağlanmış 04 iyun 2019-cu il tarixli, 005CASA191550015 saylı güzəştli kredit müqaviləsinin ləğv edilsin. Cavabdeh 269.18 manat əsas, 1.1 manat faiz borcu olmaqla ümumilikdə 269 (iki yüz altmış doqquz) manat 18 (on səkkiz) qəpik borc və 30 (otuz) manat qəpik dövlət rüsumu tutularaq «Bank Respublika” Açıq Səhmdar Cəmiyyətinə ödənilsin. Qətnamədən onun tərəflərə rəsmi qaydada təqdim edildiyi gündən 1 (bir) ay müddətində Gəncə Şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Qətnamədən şikayət verilmədikdə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim Kənan Hüseynov