Gəncə Şəhəri Nizami Rayon Məhkəməsi Qərardad — İş №2(044)-3332/2021

Azərbaycan Respublikası adından QƏRARDAD Gəncə şəhəri İş № 2(044)-3332/2021 23.09.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Yediyarova Zeynəb Fərman qızının katibliyi, Cavabdeh iştirakı ilə, İddiaçı Cavabdeh qarşı “alimentin artırılması” tələbinə dair iddia ərizəsini və ərizəyə əlavə edilmiş sənədləri nəzərdən kecirib, məhkəmə m ü ə y y ə n e t d i: İddiaçı Cavabdeh qarşı “alimentin artırılması” tələbinə dair iddia ərizəsi ilə Gəncə şəhəri Nizami Rayon Məhkəməsinə müraciət edərək cavabdehdən 11.08.2011-ci il təvəllüdlü X1 yetkinlik yaşına çatana kimi saxlanılması üçün hər ay sabit pul məbləğində 175 manat, digər xərclər (gözünün birinin görməməsi) üzrə cəmi 200 manat məbləğdə alimentin alınaraq ona verilməsi barədə qətnamə çıxarılmasını xahiş etmişdir. Məhkəmənin 09.09.2021-ci il tarixli qərardadı ilə iddia ərizəsi icraata qəbul edilmiş, 23.09.2021-ci il tarixə iş üzrə məhkəmə hazırlıq iclası təyin edilmiş və bu barədə tərəflərə məlumat verilmişdir. Belə ki, Azərbaycan Respublikası Mülki Prosessual Məcəlləsinin 166.3-cü maddəsində göstərilmişdir ki, məhkəmənin hazırlıq iclası ərizə məhkəməyə daxil olduqdan sonra 15 gündən gec olmayaraq təyin olunur. Həmin Məcəllənin 166.4-cü maddəsinə görə işdə iştirak edən şəxslərə hazırlıq iclası barədə həmin iclasın keçirilməsinə ən azı 5 iş günü qalmış bu Məcəllədə nəzərdə tutulmuş qaydada məlumat verilməlidir. İddia ərizəsi və ona əlavə edilmiş sənədlər məhkəmə tərəfindən araşdırılan zaman müəyyən edilmişdir ki, İddiaçı məhkəməyə müraciət etməzdən əvvəl tərəflərin ilkin mediasiya sessiyasında iştirak etmələrini təsdiq edən müvafiq sənədi iddia ərizəsinə əlavə etməmiş və məhkəməyə göndərməmişdir. İşin məhkəmədə baxılmağa hazırlamaq üzrə hakimin hərəkətlərindən bəhs edən Azərbaycan Respublikası Mülki Prosessual Məcəlləsinin 167-ci maddəsinin 1.1-ci bəndində göstərilmişdir ki, hakim çəkişmə prinsipinə əməl etməklə, işi məhkəmədə baxılmağa hazırlamaq qaydasında işdə iştirak edən şəxslərə işin icraatı barədə məlumat verir, onların iştirakı ilə iddianın məhkəməyə çıxarılması məsələsi müzakirə edir. Həmin Məcəllənin 171-ci maddəsində göstərilmişdir ki, Hakim işi kifayət qədər hazırlanmış hesab etdikdə, işdə iştirak edən şəxslərə prosesin vaxtı və yeri haqqında məlumat verməklə, onun məhkəmə iclasında baxılmağa təyin edilməsi haqqında qərardad çıxarır. Məhkəmə göstərir ki, hazırki mülki iş üzrə İddiaçı tərəfindən mediasiya prosesində iştirakı tələb olunsa da onun tərəfindən bu iştiraka dair məlumat iddia ərizəsinə əlavə edilmiş sənədlər içərisində mövcud deyildir. Halbuki “Mediasiya haqqında” Azərbaycan Respublikası Qanununun 3-cü maddəsinə əsasən mülki işlər və kommersiya mübahisələri (xarici elementli mübahisələr də daxil olmaqla); ailə münasibətlərindən irəli gələn mübahisələr; əmək münasibətlərindən irəli gələn mübahisələr; inzibati hüquq münasibətlərindən irəli gələn mübahisələr üzrə mediasiya tətbiq edilir. Həmin Qanunun 28.1-ci maddəsinə əsasən kommersiya mübahisələri, həmçinin ailə və əmək münasibətlərindən irəli gələn mübahisələr üzrə məhkəməyə müraciət etməmişdən əvvəl tərəflər ilkin mediasiya sessiyasında iştirak etməlidirlər. Azərbaycan Respublikası Mülki Prosessual Məcəlləsinin 149.2 və 149.2.4-1-ci maddələrinin məzmununa görə “Mediasiya haqqında” Azərbaycan Respublikasının Qanununa uyğun olaraq, tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda, həmin tələbə riayət edilməsinə dair məlumat ərizədə göstərilməlidir. Həmin Məcəllənin 152.1.6-1-ci maddəsinə əsasən “Mediasiya haqqında” Azərbaycan Respublikasının Qanununa uyğun olaraq, tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda, həmin tələbə riayət edilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Məhkəmə hesab edir ki, İddiaçı tərəfindən yuxarıda qeyd olunan tələbə riayət edilmədiyi üçün işin məhkəmə iclasında baxılmağa təyin edilməsi istisna təşkil edir və bu hal Mülki Prosessual Məcəllənin 152.1.6-1-ci maddəsinə əsasən iddia ərizəsinin geri qaytarılmasını şərtləndirir. Həmçinin məhkəmə tərəfindən Mülki Prosessual Məcəllənin 167.1.5-1-ci maddəsinə müvafiq olaraq (tərəflərə mübahisənin mediasiya vasitəsilə ilə həllinə dair təklif verilməsi) Cavabdeh təklif verilmiş və təklif cavabdeh tərəfindən müsbət qəbul edilmişdir. Beləliklə, məhkəmə hesab edir ki, İddiaçı “alimentin artırılması” tələbi ilə məhkəməyə müraciət etməzdən əvvəl tərəflərin ilkin mediasiya sessiyasında iştirak etmələrini təsdiq edən müvafiq sənədi ərizəsinə əlavə etmədiyinə görə iddia ərizəsi və ona əlavə edilmiş sənədlər geri qaytarılmalıdır. Belə ki, Mülki Prosessual Məcəllənin 151.1-ci maddəsində qeyd olunmuşdur ki, iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. İddiaçı izah edilməlidir ki, mediasiya prosesinin həyata keçirilməsi üçün tərəflər qarşılıqlı razılaşma əsasında bir və ya bir neçə mediator seçə, habelə, mediatorun seçilməsi üçün mediasiya təşkilatına da müraciət edə bilərlər. Qeyd olunanlara əsasən və Azərbaycan Respublikası Mülki Prosessual Məcəlləsinin 152, 263, 264, 266-268-ci maddələrinin tələblərini rəhbər tutaraq, qərara aldı: İddiaçı Cavabdeh qarşı “alimentin artırılması” tələbinə dair iddia ərizəsi və ona əlavə edilmiş sənədlər geri qaytarılsın. İddiaçı izah edilsin ki, mediasiya prosesinin həyata keçirilməsi üçün tərəflər qarşılıqlı razılaşma əsasında bir və ya bir neçə mediator seçə, habelə, mediatorun seçilməsi üçün mediasiya təşkilatına da müraciət edə bilərlər. Qərarqaddan 10 gün müddətində Gəncə şəhəri Nizami Rayon Məhkəməsinə şikayət verilə bilər. Sədrlik edən: Gündüz Şirinov