Gəncə Şəhəri Nizami Rayon Məhkəməsi Qətnamə — İş №2(044)-3432/2021

Azərbaycan Respublikası adından QƏTNAMƏ Gəncə şəhəri İş № 2(044)-3432/2021 01.12.2021 GƏNCƏ ŞƏHƏRİ NİZAMİ RAYON MƏHKƏMƏSİ Hakim Şirinov Gündüz Əhməd oğlunun sədrliyi, Yediyarova Zaynəb Fərman qızının katibliyi ilə, İddiaçı MMC-nin Cavabdeh qarşı «pul» tələbinə dair iddiası üzrə mülki işə Gəncə şəhərində məhkəmənin binasında açıq məhkəmə iclasında baxaraq, MÜƏYYƏN ETDİ: İddiaçı MMC-ti Cavabdeh qarşı «pul» tələbinə dair iddia ərizəsi ilə məhkəməyə müraciət edərək, Cavabdeh 14.01.2020-ci il tarixli ********* saylı müddətli (nisyə) alqı-satqı müqaviləsi üzrə 17.07.2021-ci il tarixinə yaranmış əsas borc üzrə 263 manat, cərimə 39 manat, cəmi 302 manat və 20 manat dövlət rüsumunun tutularaq İddiaçı MMC-nə ödənilməsi barədə qətnamə çıxarılmasını xahiş etmişdir. İddia ərizəsi onunla əsaslandırılmışdır ki, iddiaçı ilə cavabdeh arasında bağlanmış 14.01.2020-ci il tarixli alqı-satqı müqaviləsinə əsasən, cavabdehə 18 ay müddətinə “Honor 8A” markalı mobil telefon satılmış, cavabdeh müqavilənin şərtlərinə görə hər ay 24 manat olmaqla cəmi 423 manat ödəməyi öhdəsinə götürmüşdür. Lakin cavabdeh müqavilənin şərtlərini pozmuş, nəticədə 302 manat məbləğində borcu yaranmışdır. Dəfələrlə xəbərdarlıq edilməsinə baxmayaraq cavavbdeh borcu ödəməkdən boyun qaçırmışdır. İddiaçı MMC-ti məhkəmə iclasının vaxtı və yeri barədə xəbərdar edilməsinə baxmayaraq nümayəndəsi gəlməmişdir. İddiaçı MMC-nin hüquq şöbəsinin müdiri İsmayıl İsmayılbəyli tərəfindən 25.10.2021ci il tarixdə məhkəməyə daxil olmuş ərizədə, məhkəmə iclasına səlahiyyətli nümayəndənin gəlmə imkanı məhdud olduğundan iştirakları olmadan işə baxılaraq qətnamə çıxarılmasını xahiş etmişdir. Məhkəmə İddiaçı-nin nümayəndəsinin iştirakı olmadan baxılmasını mümkün hesab etdi. Cavabdeh məhkəmə iclasının vaxtı və yeri barədə xəbərdar edilməsinə baxmayaraq gəlməmişdir. Məhkəmə Azərbaycan Respublikası MPM-nin 185.5-ci maddəsinə əsasən işə cavabdehin iştirakı olmadan baxılmasını mümkün hesab edti. Məhkəmə, iş materiallarını araşdıraraq hesab edir ki, iddia təmin edilməlidir. Belə ki, 14.01.2020-ci il tarixli müddətli (nisyə) alqı-satqı müqaviləsinin surətindən görünür ki, İddiaçı MMC tərəfindən Cavabdeh kredit yolu ilə 18 ay müddətinə 423 manat dəyərində “Honor 8A” markalı mobil telefon satılmışdır. 17.07.2021-ci il tarixli maliyyə arayışından görünür ki, Cavabdeh 17.07.2021-ci il tarixinə əsas borc 263 manat, cərimə 39 manat məbləğində borcu vardır. Azərbaycan Respublikası Mülki Məcəlləsinin 385.1-ci maddəsinə əsasən, öhdəliyə əsasən bir şəxs (borclu) başqa şəxsin (kreditorun) xeyrinə müəyyən hərəkət etməlidir, məsələn, pul ödəməli, xidmətlər göstərməli, əmlak verməli, iş görməli və i.a və ya müəyyən hərəkətdən çəkinməlidir, kreditorun isə borcludan vəzifəsinin icrasının tələb etmək hüququ vardır. Məhkəmə hesab edir ki, iddia təmin edilməli, Cavabdeh əsas borc üzrə 263 manat, cərimə 39 manat, cəmi 302 manat və ödənilmiş 20 manat dövlət rüsumu tutularaq İddiaçı MMC –nə ödənilməlidir. Azərbaycan Respublikası MPM-nin 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Şərh olunanlara və Azərbaycan Respublikası MPM-in 216-220, 227, 233 və 360-cı maddələrinə əsasən, məhkəmə QƏT ETDİ: İddia təmin edilsin. Cavabdeh əsas borc üzrə 263 manat, cərimə 39 manat, cəmi 302 manat və ödənilmiş 20 manat dövlət rüsumu tutularaq, İddiaçı MMC–nə ödənilsin. Qətnamədən bir ay müddətində Gəncə şəhəri Nizami Rayon Məhkəməsi vasitəsi ilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Gündüz Şirinov