Goranboy Rayon Məhkəməsi Qətnamə — İş №2(045)-808/2023

Azərbaycan Respublikası adından QƏTNAMƏ Goranboy rayonu İş № 2(045)-808/2023 22.05.2023 GORANBOY RAYON MƏHKƏMƏSİ Hakim Ələkbərov Tural Mehman oğlunun sədrliyi ilə, İddiaçı "xxxx" MMC-nin Cavabdeh qarşı “borc” tələbinə dair kiçik iddia ərizəsi üzrə mülki işə baxaraq, məhkəmə MÜƏYYƏN ETDİ: İddiaçı "xxxx" MMC iddia ərizəsi ilə məhkəməyə müraciət edərək, xx.xx.2020-ci il tarixli müqaviləyə əsasən Themza Termo, Themza Tumba 2 ədəd, Themza çarpayı, Themza dolab üçün 1859 (min səkkiz yüz əlli doqquz) manat ödənilməmiş hissə, 185 (yüz səksən beş) manat cərimə, xx.xx.2020-ci il tarixli müqaviləyə əsasən Hoffmann Soyuducu üçün 325 (üç yüz iyirmi beş) manat ödənilməmiş hissə, 32 (otuz iki) manat cərimə, xx.xx.2020-ci il tarixli müqaviləyə əsasən Matras Letto üçün 318 (üç yüz on səkkiz) manat ödənilməmiş hissə, 31 (otuz bir) manat cərimə, xx.xx.2019-cu il tarixli müqaviləyə əsasən Soft mebel üçün 169 (yüz altmış doqquz) manat ödənilməmiş hissə, 16 (on altı) manat cərimə, ümumilikdə 2935 (iki min doqquz yüz otuz beş) manat borc və 49,35 (qırx doqquz manat otuz beş qəpik) manat ödənilmiş dövlət rüsumunun Cavabdeh alınaraq "xxxx" Məhdud Məsuliyyətli Cəmiyyətinə ödənilməsi barədə qətnamə qəbul edilməsini xahiş etmişdir. İddiaçı iddia ərizəsində tələbini tərəflər arasında bağlanmış müqavilə, onun əlavəsi, bildiriş, əşyaların təhvil-təslim aktı və ödəniş cədvəli ilə əsaslandırmışdır. Məhkəmə, iş materiallarını araşdırıb, sübutlara məcmu halda obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli hüquq normalarına müvafiq olaraq hesab edir ki, iddia qismən təmin edilməlidir. Belə ki, iş materiallarında olan və məhkəmə tərəfindən tədqiq edilmiş: xx.xx.2020-ci il tarixli müqaviləyə əsasən cavabdeh iddiaçıdan Themza Termo, Themza Tumba 2 ədəd, Themza çarpayı, Themza dolabı 1898,4 (min səkkiz yüz doxsan səkkiz manat qırx qəpik) manata nisyə almışdır; xx.xx.2020-ci il tarixli müqaviləyə əsasən cavabdeh iddiaçıdan Hoffmann Soyuducunu 547,2 (beş yüz qırx yeddi manat iyirmi qəpik) manata nisyə almışdır; xx.xx.2020-ci il tarixli müqaviləyə əsasən cavabdeh iddiaçıdan Matras Lettonu 325,8 (üç yüz iyirmi beş manat səksən qəpik) manata nisyə almışdır; xx.xx.2019-cu il tarixli müqaviləyə əsasən cavabdeh iddiaçıdan Soft mebeli 408 (dörd yüz səkkiz) manata nisyə almışdır; xx.xx.2023-cü il tarixli maliyyə və ödəniş cədvəlinə əsasən Cavabdeh xx.xx.2020-ci il tarixli müqaviləyə əsasən Themza Termo, Themza Tumba 2 ədəd, Themza çarpayı, Themza dolab üçün 1859 (min səkkiz yüz əlli doqquz) manat ödənilməmiş hissə, 185 (yüz səksən beş) manat cərimə, xx.xx.2020-ci il tarixli müqaviləyə əsasən Hoffmann Soyuducu üçün 325 (üç yüz iyirmi beş) manat ödənilməmiş hissə, 32 (otuz iki) manat cərimə, xx.xx.2020-ci il tarixli müqaviləyə əsasən Matras Letto üçün 318 (üç yüz on səkkiz) manat ödənilməmiş hissə, 31 (otuz bir) manat cərimə, xx.xx.2019-cu il tarixli müqaviləyə əsasən Soft mebel üçün 169 (yüz altmış doqquz) manat ödənilməmiş hissə, 16 (on altı) manat cərimə, ümumilikdə 2935 (iki min doqquz yüz otuz beş) manat borc vardır; xx.xx.2023-cü il tarixli, ********** nömrəli mədaxil qəbzinə əsasən "xxxx" MMC məhkəmədə iddia qaldırmaq üçün 49,35 manat məbləğində dövlət rüsumu ödəmişdir. Beləliklə, tədqiq olunmuş sübutlarla müəyyən edilmişdir ki, Cavabdeh müqavilə üzrə üzərinə götürdüyü öhdəliyi vaxtında icra etməmiş, iddiaçıya olan borcunu müqavilə ilə nəzərdə tutulan vaxtda və qaydada ödəməmiş, bununla da müqavilənin şərtlərini pozmuşdur. Buna görə də Cavabdeh onun risk dairəsinə daxil olan öhdəliyin icra edilmədiyi bütün hallar üçün cavabdeh olduğundan, öz öhdəliyinin hər bir təqsirli pozuntusuna görə məsuliyyət daşıyaraq, öhdəliyini icra etməlidir. Azərbaycan Respublikası Mülki Məcəlləsinin: 567-ci maddəsinə əsasən alqı-satqı müqaviləsinə görə satıcı əşyanı alıcının mülkiyyətinə verməyi, alıcı isə əşyanı qəbul edib əvəzində müəyyənləşdirilmiş pul məbləğini (qiyməti) ödəməyi öhdəsinə götürür; 600.1-ci maddəsinə əsasən alqı-satqı müqaviləsində əşyanın alıcıya verildikdən müəyyən müddət sonra ödənilməsinin (əşyaların nisyə satışının) nəzərdə tutulduğu halda alıcı ödənişi müqavilədə nəzərdə tutulan müddətdə, müqavilədə belə müddət nəzərdə tutulmadıqda isə bu Məcəllənin 427-ci maddəsinə uyğun müəyyənləşdirilmiş müddətdə həyata keçirməlidir; 600.4-cü maddəsinə əsasən əşyanı təhvil almış alıcı onu alqı-satqı müqaviləsində nəzərdə tutulan müddətdə ödəmək vəzifəsini icra etmədikdə satıcı verilmiş əşyanın ödənilməsini və ya ödənilməmiş malın qaytarılmasını tələb edə bilər; 600.5-ci maddəsinə əsasən alıcı verilmiş əşyanı müqavilədə nəzərdə tutulan müddətdə ödəmək vəzifəsini icra etmədikdə və bu Məcəllədə və ya alğı-satqı müqaviləsində ayrı qayda nəzərdə tutulmadıqda gecikdirilmiş məbləğdən malın müqaviləyə görə ödənilməli olduğu gündən ödənildiyi günədək bu Məcəllənin 449-cu maddəsinə uyğun faizlər ödənilməlidir. Müqavilədə alıcının satıcı tərəfindən əşyanın verildiyi gündən başlayaraq əşyanın qiymətinə uyğun məbləğdən faizlər ödəmək vəzifəsi nəzərdə tutula bilər. Məhkəmə iddia tələbinin müqavilələr üzrə borcun gecikdirilməsinə görə hesablanmış və tələb olunan 185 (yüz səksən beş) manat, 32 (otuz iki), 31 (otuz bir) manat və 16 (on altı) manat məbləğində cərimə hissəsinə dair qeyd edir ki, bu tələblər tənasübsüz surətdə yüksəkdir və Mülki Məcəllənin 467-ci maddəsi rəhbər tutulmaqla azaldılaraq müvafiq olaraq 25 (iyirmi beş) manat, 5 (beş), 5 (beş) manat və 3 (üç) manat məbləğində müəyyən edilməlidir. Azərbaycan Respublikası Mülki-Prosessual Məcəlləsinin (bundan sonra – MPM): 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir; 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir; 119.1-ci maddəsinə əsasən məhkəmə xərcləri ödənilmiş tələblərin məbləğinə mütənasib olaraq işdə iştirak edən şəxslərə aid edilir; 217.4-cü maddəsinə əsasən məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır; 284-5.3-cü maddəsinə əsasən kiçik iddialara dair ərizə məhkəməyə daxil olduğu gündən 30 (otuz) iş günü ərzində işə tərəflərin təqdim etdiyi sənədlər əsasında, məhkəmə baxışı keçirilmədən və tərəflər izahatları dinlənilmək üçün çağırılmadan baxılmalı və həmin işin həllinə dair qətnamə çıxarılmalıdır. Beləliklə, məhkəmə belə nəticəyə gəlir ki, iddia qismən təmin edilməli, xx.xx.2020-ci il tarixli müqaviləyə əsasən Themza Termo, Themza Tumba 2 ədəd, Themza çarpayı, Themza dolab üçün 1859 (min səkkiz yüz əlli doqquz) manat ödənilməmiş hissə, 25 (iyirmi beş) manat cərimə, xx.xx.2020-ci il tarixli müqaviləyə əsasən Hoffmann Soyuducu üçün 325 (üç yüz iyirmi beş) manat ödənilməmiş hissə, 5 (beş) manat cərimə, xx.xx.2020-ci il tarixli müqaviləyə əsasən Matras Letto üçün 318 (üç yüz on səkkiz) manat ödənilməmiş hissə, 5 (beş) manat cərimə, xx.xx.2019-cu il tarixli müqaviləyə əsasən Soft mebel üçün 169 (yüz altmış doqquz) manat ödənilməmiş hissə, 3 (üç) manat cərimə, ümumilikdə 2709 (iki min yeddi yüz doqquz) manat borc və 47,09 (qırx yeddi manat doqquz qəpik) manat dövlət rüsumu (ödənilmiş tələblərin məbləğinə mütənasib olaraq) Cavabdeh iddiaçı "xxxx" MMC-nin xeyrinə tutulmalıdır. Qeyd olanlara əsasən və MPM-in 210-248, 284-6-cı maddələrini rəhbər tutaraq, məhkəmə QƏT ETDİ: İddia qismən təmin edilsin. xx.xx.2020-ci il tarixli müqaviləyə əsasən Themza Termo, Themza Tumba 2 ədəd, Themza çarpayı, Themza dolab üçün 1859 (min səkkiz yüz əlli doqquz) manat ödənilməmiş hissə, 25 (iyirmi beş) manat cərimə, xx.xx.2020-ci il tarixli müqaviləyə əsasən Hoffmann Soyuducu üçün 325 (üç yüz iyirmi beş) manat ödənilməmiş hissə, 5 (beş) manat cərimə, xx.xx.2020-ci il tarixli müqaviləyə əsasən Matras Letto üçün 318 (üç yüz on səkkiz) manat ödənilməmiş hissə, 5 (beş) manat cərimə, xx.xx.2019-cu il tarixli müqaviləyə əsasən Soft mebel üçün 169 (yüz altmış doqquz) manat ödənilməmiş hissə, 3 (üç) manat cərimə, ümumilikdə 2709 (iki min yeddi yüz doqquz) manat borc və 47,09 (qırx yeddi manat doqquz qəpik) manat dövlət rüsumu (ödənilmiş tələblərin məbləğinə mütənasib olaraq) Cavabdeh iddiaçı "xxxx" MMC-nin xeyrinə tutulsun. İddia qalan hissədə təmin edilməsin. Qətnamədən onun rəsmi qaydada verildiyi gündən 1 (bir) ay müddətində Goranboy Rayon Məhkəməsi vasitəsilə Gəncə Apellyasiya Məhkəməsinin mülki kollegiyasına apellyasiya şikayəti verilə bilər. Hakim Tural Ələkbərov İş № 2(045)-808/2023 MƏHKƏMƏ İCLASİNDAN KƏNAR AYRİCA PROSESSUAL HƏRƏKƏTLƏR BARƏDƏ PROTOKOL Goranboy Rayon Məhkəməsi 24 may 2023-cü il Goranboy şəhəri Hakim Ələkbərov Tural Mehman oğlunun sədrliyi ilə, İddiaçı "xxxx" MMC-nin Cavabdeh qarşı “borc” tələbinə dair kiçik iddia ərizəsi üzrə mülki işə məhkəmə iclasından kənar ayrıca prosessual hərəkət etdi. Prosessual hərəkət saat 14:20-də başlandı Sədrlik edən iddiaçı "xxxx" MMC-nin Cavabdeh qarşı “borc” tələbinə dair kiçik iddia ərizəsi üzrə mülki işə sadələşdirilmiş icraat qaydasında baxaraq, iddianın qismən təmin edilməsi barədə qətnamə qəbul etdi. Prosessual hərəkət saat 14:25-də qurtardı. Hakim Tural Ələkbərov