Göyçay Rayon Məhkəməsi Qərardad — İş №2(046)-2089/2021

Azərbaycan Respublikası adından QƏRARDAD Göyçay rayonu İş № 2(046)-2089/2021 04.10.2021 GÖYÇAY RAYON MƏHKƏMƏSİ Hakim Fəttahov İbrahim Bağır oğlu, iddiaçı BOKT «X3» MMC-nin Cavabdeh1 və qeyrilərinə qarşı kredit borcunun ödənilməsi tələbinə dair iddia ərizəsini nəzərdən keçirərək, məhkəmə MÜƏYYƏN ETDİ: İddiaçı BOKT «X3» MMC-nin iddia ərizəsi ilə məhkəməyə müraciət edərək, cavabdeh X1 və qeyrilərindən cəmi 2495.50 manat kredit borcunun, 30 manat dövlət rüsumunun və 0.40 manat xidmət haqqının ödənilməsi barədə qətnamə qəbul edilməsini xahiş etmişdir. Aşağıda göstərilənlərə əsasən iddiaçı BOKT «X3» MMC-nin iddia ərizəsi və əlavə edilmiş sənədlər geri qaytarılmalıdır. Belə ki, iddiaçı BOKT «X3» MMC-nin iddia ərizəsinə əlavə etdiyi 17.09.2021-ci il tarixli mədaxil qəbzinə əsasən dövlət rüsumunu Göyçay Rayon Məhkəməsinin hesabına ödəməli olduğu halda Ağdaş Rayon Məhkəməsinin hesabına ödəmişdir. Azərbaycan Respublikası MPM-nin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə iddia ərizəsi və ona əlavə edilmiş sənədlər geri qaytarılır. Şərh olunanlara əsasən və Azərbaycan Respublikası MPM-nin 152, 263, 264, 268ci maddələrini rəhbər tutaraq, məhkəmə QƏRAR VERDİ : İddiaçı BOKT «X3» MMC-nin Cavabdeh1 və qeyrilərinə qarşı kredit borcunun ödənilməsi tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya dövlət rüsumunun müəyyən edilmiş qaydada və məbləğdə Göyçay Rayon Məhkəməsinin hesabına ödənilməsi izah edilsin. Qərardaddan rəsmi qaydada verildikdən sonra 10 (on) gün müddətinə Göyçay Rayon Məhkəməsinə şikayət verilə bilər. Hakim İbrahim Fəttahov